Fjellsport Freeride, vår 2024

Bli med på vinterens vakraste eventyr. Du kan bli med ei motivert gruppe ungdommar på tindebestiging og skikjøring i nokre av Norges flottaste skifjell. Vi skal også klatre og kite. Studietur!

Frå spisse tindar på Sunnmøre til lange deilige fjellsider i Sunnfjord, Sogndal og Jotunheimen. Skulen vår ligg plassert midt i smørauga i forhold til gode skidestinasjonar. Vi har eit stort utval av nære skifjell som ligg innanfor ein times rekkevidde fra skulen.

Du vil i løpet av dette halvåret utvikle deg som skikjørar, få kunnskap om skred og fjell. Samtidig skal vi også klatre, kite og finne på andre sprell for å kople av frå skikjøringa. Du vil få nye venner med felles interesser og eit nettverk av venner frå heile landet. Dette er verdfulle relasjonar som du vil nye godt av i åra som kjem. På skulen vil vi ha mange aktivitetar og sosiale arrangement som gjer at du enkelt vil danne deg ein omgangskrets.

Innan ein time frå skulen mot aust kan vi komme oss heilt inn til Norges største bre, Jostedalsbreen. På vegen dit køyrer vi forbi dei flottaste skifjella i Sunnfjord. Ein time frå skulen den andre vegen, mot vest, når vi heilt til havs og nokre av dei finaste klatre- og turfjella i Norge! Fjella i Sunnfjord er lite besøkt, og vi kan nokre plassar vere på tur fleire dagar i strekk utan å sjå andre folk. Vi kan gå opp urørte fjellsider og køyre førstespor ned igjen.

Breane i aust skaper eit kaldt og snørikt klima, og på enkelte av toppane kan du sjå både bre og hav på same tid, Sunnfjord gir eit mangfald du ikkje finn nokon annan plass innanfor så kort avstand! 

 Studietur til Alpane, Sveits og Italia!