Tilpassa Sunnfjord

Vi tilbyr alle elevar med ulike funksjonsevner og tilpassingsbehov, å vere integrerte på den linja dei ynskjer. Vi skreddersyr kvardagen til å møte dine behov og interesser. Valet er ditt.

Tilpassa Sunnfjord er basert på at alle elevar med ulike funksjonsevner eller tilpassingsbehov har rett til eit fullverdig og likeverdig år på folkehøgskule. Grunntanken er at også elevar med tilpassingsbehov skal få vere med å bestemme over sin eigen kvardag og kva dei synes er meiningsfullt å vere med på.   

Vår modell opnar også for å tilretteleggje eit opplegg for dei elevane som søkjer på ordinært grunnlag og som til dømes treng tilpassing med barn i barnehage, eller grunna ulike typar funksjonsnedsetting. Eleven veljer fritt kva linje han eller ho ønskjer å gå på.  Vi skreddarsyr både undervisningsopplegg og bu-situasjon ut ifrå kapasitet, behov og meistringsnivå. Målet er at eleven er med på ei av dei eksisterande linjene våre.

Tilpassa Sunnfjord legg til rette for å vere med på den vanlege undervisninga, men kan også inkludere tilpassa undervisning i praktiske og sosiale fag som butrening, økonomi, matlaging, og kropp og helse når det er behov for det. Målet er sjølvstendiggjering i trygge omgjevnadar. Du får sjanse til å meistre utfordringar i kvardagslivet, slik at du i størst mogeleg grad blir rusta til eit liv i eigen bustad, med jobb og i lokalmiljøet.

Elevar som søkjer på særskilt grunnlag kan få tildelt plass før 1. februar. Søk tidleg! Send gjerne ein epost til rektor, eller bruk søknadsskjemaet.

OBS: Prisen vil variere alt etter kva linje du skal følgje! Prisen som ligg inne er eit døme. Ta kontakt med skulen for å finne ut kva prisen for eit skuleår vil bli.