Friluftsliv / Ski og surf

Pudderjakt

Det regnar ein del på Vestlandet, heldigvis snør det mykje også. Og når pudderet kjem tek vi turen dit det legg seg mest. Vi nyttar 8-10 dagar på å køyre rundt mellom dei beste plassane for laussnø i Sør-Noreg. Vi besøker små og store skianlegg, og skifellane tek oss dit ingen andre har køyrt etter det siste snøfallet. Roadtripen blir til undervegs, alt etter kva vêrmeldinga seier om kvar neste dump kjem. Bli med!

Lukk

Ski og segl

På Vestlandet reiser fjellene seg rett frå fjorden. Kva er vel meir naturleg enn å bruke seglbåt for å nå dei spektakulære toppane? Når våren kjem seglar vi inn i Hjørundfjorden og går opp på dei snødekte fjella. Ei magisk veke med topptur, segl, sol og ski. Dette blir dagar du ikkje vil gløyme!

Lukk

Surfetur til Biarritz/Europa

Etter mange rå surfedagar i Norge set vi kursen mot sol, surf og digge bølgjer i Biarritz i Frankrike! Her ventar lange strender, nye surfeeventyr, betre surfeskills og god stemning. Vi tek også turen innom den kjende surfebyen San Sebastián i Spania og storbyen Paris! Gjer deg klar for meistring, nye vennskap og minne du seint vil gløyme!

Lukk

Surf

Surf er akkurat så gøy som det ser ut.

Med brettet under armen og sand mellom tærne startar vandringa mot det innbydande havet. Bølgjene rullar endelaust inn mot stranda og roper etter å bli surfa. Med god instruksjon og rask meistringskurve surfar du bølgjer før du veit ordet av det. Og ingenting er betre enn å bli møtt av jublande vennar i det du surfar forbi dei på ei grøn bølgje.

Ytterst på Stad, mellom bratte fjell og eit mektig hav, ligg Hoddevika med sin ikoniske strand og krystallklare vatn. Ei perle langs norskekysten som i takt med sesongen endrar karakter. Frå nydelege sommardagar med rolege bølgjer til snøkledde fjell og eit friskt hav som pumpar inn bølgje etter bølgje. Bølgjer som let både nybegynnarar og erfarne surferar utfalde seg.               

«Du vet den følelsen når man ikke vil være noe annet sted i hele verden? Ja» - Vilde Roe

Lukk

Surfing i Hoddevika

Pris: 3 000

Hoddevika byr på god surf, fantastisk natur og god stemning. Denne veka skal vi oppleve alt kva Hoddevika har å by på. I tillegg til mykje viking surf i friskt norsk hav skal vi lære meir om å lese bølgjevarsel, forstå korleis bølgjer dannast og kva for forhold me ynskjer. På kveldstid vert det god tid til å få att varmen under eit pledd i sofaen med gitar og sjarmerande allsong.     

Spill video

Lukk

Elvepadling

Pris: 1 600

Du lærer grunnleggande teknikk, tryggleik og redning, og får oppleve mestring ned vakre elver. Opplev alt frå rolege parti til brusende stryk.

Lukk

Surf og Bibel

Pris: 1 500

Dette blir ei god veke med påfyll for trua og surfesjela. Bibelundervisning, stille tid, lovsong og surf - kan det bli betre? Vi bur i Ervika på Stad og bur der onsdag til fredag. To av dagane blir vi i Hoddevika for å surfe. Resten av tida brukar vi til å ha fokus på eiga tru, Jesus-relasjonen og fellesskapet.

Lukk

Sceneveke

Pris: Inkludert i linjepris

Info kjem

Lukk

Fridykking

Pris: 3 500

Fridykking er ei form for dykking i vatn, der du berre brukar den lufta du har i lungene, utan bruk av utstyr for pusting. Tur til kysten eller Norangsdalen for å dykke. Pris: 200k for utstyr, 1500 kr for kursbevis og overnatting.

Lukk

Jaktveke i Høyanger

Pris: 1 900

Jakt på hjort i godt terreng med mykje dyr. Vi bur i flotte jakthytter rett ved sjøen.

Lukk

Fyrvandring/kyst og kultur

Pris: 1 800

Kysten og havet er fylt av store kontrastar. Frå blikkstilt hav og sol i luggen til bølgesprut og storm i sydvesten. I dette landskapet har menneske levd i lange tider og etterlatt seg mykje kultur og historie. Denne veka skal me ut å sjå og bu i fyr langs kysten, gå turar, lage god mat og få oppleve noko av livet til fyrbøtarane. 

Lukk

Kite på snø

Pris: 2 500

Å kite på snø er litt som å ha ein privat skiheis som tek deg dit du vil. Med eit snødekt landskap som leikeplass og vinden som leikekamerat har du uendelege moglegheiter. Den trekker deg dit du vil og let deg tilbakelegge store strekningar i godt driv. Du vil lære å sjølvstendig sette opp kiten, fly på ein sikker måte og suse bortover snøen anten på ski eller snøbrett. 

Lukk

Ski på Sunnmøre

Pris: 2 500

Vi reiser til Sunnmøre og bur midt i smørauge mellom toppar, langrennsløyper og skitrekk. Strandafjellet ligg rett i nærleiken, og blir det oppkøyrt der, kan vi reise til et mindre lokalt anlegg, Fjellsetra. Toppane når vi med feller under skia og er du meir oppteken av god glid, blir langrennsløypene stadig trakka. Dette blir ei veke med god stemning og høve for å oppleve Sunnmøre på sitt beste. Vi håpar pudderalarmen går!

Lukk

Vintertur med topptur

Pris: Inkludert i linjepris

Vintertur kombinert med toppturar. To netter i telt (dei andre dagane bur du på skulen). Turområde blir i Gloppen eller i ei av nabokommunane. Det kan bli basecamp i Jølster med toppturar eller overnatting i Svatebotn ved Myklebustbreen og dersom vêrforholda tillet det, kan det blir tur på Snønipa.

Lukk

Segltur med Statsraad Lehmkuhl

Har du lyst til å stå til rors på eit hundre meter langt seglskip, eller klatre i riggen 40 meter over bølgjene? Dette blir berre nokre av ingrediensane når vi legg ut på tokt med Statsraad Lehmkuhl. Gled deg til flotte døgn som manskap ombord på verdas største tremasta bark.

Å reise med Statsraad Lehmkuhl er ikkje ein skuletur der målet er det viktigaste. Det er å reise på ein måte som som spelar på lag med naturen. Og der opplevingane og felleskapet på seglturen vil gjere dette til ein tur du aldri gløymer. Undervegs er vi mannskap om bord, og lærer vi mykje om segling, tauverk, navigasjon og livet på sjøen. Og så blir vi betre kjent med kvarandre. 

I løpet av året har vi tre felles skuleturar der alle elevane er med. Dette toktet er ein av desse, og denne går av stabelen om våren.

Lukk

Skiveke i Myrkdalen

Tidleg i vintersesongen køyrer vi til Myrkdalen for å utvikle skiteknikken. Du vil få instruksjon på ditt nivå, anten du er heilt fersk eller har erfaring frå før.
Med desse skidagane i beina ligg alt til rette for fantastiske toppturar og djupe pudderdagar resten av sesongen!

Spill video

Lukk

Stadlandet rundt, Pilgrimsvandring

Ei magisk vandring heilt ute ved havet, med storslått utsikt, er ei mektig oppleving. Vi går heile skulen, frå sandstranda, opp på toppane og kikkar ut på storhavet. Ein pilgrimsvandring, så langt vest du kjem, med folk du har blitt glade i og folk du har delt mange flotte opplevingar med. Den perfekte avslutninga på året.

Lukk

Vintertur i Sogndal

Vi utnyttar vinterfjellet i bakgården og dreg saman på tur for å lære grunnleggande ferdigheiter som overnatting, ferdsel og trivsel i snøen. Du vil til dømes lære å lage snøhole, iglo og kantgrop, og du får overnatte i desse.
Når mørket senkar seg og stjernehimmelen tittar fram, samlast vi rundt bålet for kveldssamling og hygge.

Lukk

Fellestur Flåm, Finse og Aurland

Det beste av Norge på fire dager. Med tog, buss og ikkje minst til fots.

Når haustfargane er på sitt vakraste reiser heile skulen på tur. Vi vil bygge felleskap og gode relasjonar i vakre omgjevnader. Først går turen til Flåmsbana. Ei av verdas vakraste og brattaste togreiser på normalspor. På Myrdal byter vi til ekspresstoget frå Bergen og går siden av på Finse. Her vert det servert middag på Finsehytta. Kveldssamling har vi under open himmel før vi finn telt og sovepose. Dag ein er over.

Blåisen på Hardangerjøkulen er turmål for dag to. Ein relativt enkel og flat tur nokre kilometer inn og ut att. Før tog og buss tek oss til Austerbø fjellstove. Denne dagen har vi god tid til å verte godt kjend og dei ulike bytta gjev ein god flyt på dagen. Om kvelden vert det servert middag og kveldssamling.

Aurlandsdalen er ei majestetisk oppleving som no står for tur. Ei god og lang vandring nedover dalen. Ville fossar, bratte stup og fjellgardar der ingen skulle tru at folk kunne bu. Dette er vestlandet på steroidar. Vi vandrar i lag og forhåpentligvis rekk vi ein god pause på Sinjarheim. I Vassbygdi ventar bussane som kjøyrer oss inn i neste ville dal, Utladalen.

Siste dag går vi inn Utladalen innst i Sognefjorden. Vi tek ein roleg tur til Vettisfossen og får sjå Norges høgste verna foss, med heile 275 meter fall. På Vettis gard er det fint å ta ein rast før vi vender snuten heimover. Betre kjend med Norge og med kvarandre.

Lukk

Toppturveke

Med høge fjell og djup snø er Vestlandet eit mekka for skientusiastar. Feller under skia gjer desse snødekte fjella tilgjengelige for leiken skikøyring. Me pakkar med oss telt for å kunne bu midt i smørauget, og det er her oppturen startar. Opp, opp, mot stadig flottare utsikt, før nedturen i djup pudder blir ein vel så stor opptur.

Lukk

Valfrie prosjektveker

Du får fordjupe deg i eit tema, ein aktivitet eller eit prosjekt, du kan kalle det ei valfagveke. Vi har prosjektveker i november, desember og mars. Du finn fullstendifg oversikt over alle prosjekta på vår eiga heimeside: https://friluftslivskulen.no/valfag-og-prosjekt/