Til hovedinnhold

Friluftsliv / Vind og vatn

Søk på linja
Ledig plass

Dei sterkaste opplevingane i dei mest fartsfylte elementa. Du får henge i riggen på seglbåten eller i kiten på fjellet. Og det blir elvepadling på Voss og bølgjesurfing ved Stad.

EIN HEILT ANNAN FARTSKONTROLL

Vind og vatn. Det er ein uslåeleg kombinasjon. Sjå føre deg kiten som dreg deg bortover vidda. Dei store fjella som inviterer til leiken skikøyring i luftig pudder. Bølgjene på Stad, deg sjølv og surfebrettet. Og ikkje minst dei store elvane på Voss der du og kajakken dansar uautorisert hiphop. Du vil kjenne smile bre seg og adrenalinet bruse, finne roa rundt bålet og kjenne mestring i ein storslått natur. Og alt dette i fellesskap med gode venner. Gira?

Les meir om linja på vår heimeside: friluftslivskulen.no/linjer/vind-og-vatn/

Segltur med Statsraad Lehmkuhl

Obligatorisk: Ja

Pris: Inkludert i linjepris

Måltider pr dag inkludert: 4

Har du lyst til å stå til rors på eit hundre meter langt seglskip, eller klatre i riggen 40 meter over bølgjene? Dette blir berre nokre av ingrediensane når vi legg ut på tokt med Statsraad Lehmkuhl. Gled deg til flotte døgn som manskap ombord på verdas største tremasta bark.

Å reise med Statsraad Lehmkuhl er ikkje ein skuletur der målet er det viktigaste. Det er å reise på ein mæte som som spelar på lag med naturen. Og der opplevingane og felleskapet på seglturen vil gjere dette til ein tur du aldri gløymer. Undervegs er vi mannskap om bord, og lærer vi mykje om segling, tauverk, navigasjon og livet på sjøen. Og så blir vi betre kjent med kvarandre. Det kan kome godt med resten av året.  

I løpet av året har vi tre felles skuleturar der alle elevane er med. Dette toktet er den første fellesturen, og denne går av stabelen i september.

Hemsedal

Obligatorisk: Ja

Pris: Inkludert i linjepris

Måltider pr dag inkludert: 4

I januar køyrer vi over fjellet til Hemsedal. Der brukar vi ei heil veke til å utvikle skiteknikken, lære nye triks, auke farten og boltre oss i bakken. Du vel sjølv om du vil stå telemark eller randonné, og alle får undervisning i små grupper på sitt nivå - frå nivå Bambi til nivå Kjus.

På kveldane et vi god mat og har det sosialt og fint - og restituerer støle kroppar til neste dag i bakken.

Denne veka lærer du veldig mykje du får nytte av vidare i skisesongen.

I løpet av året har vi tre felles skuleturar der alle elevane er med. Skiveka i Hemsedal i januar er den andre fellesturen.

Stad

Obligatorisk: Ja

Pris: Inkludert i linjepris

Måltider pr dag inkludert: 4

Den siste veka i skuleåret reiser elevar og lærarar til Stad og går Pilegrimsvandring frå Ervik til Selja. Dette er ei spesiell vandring der vi går i lang, lag rekke på vandring mot felles mål. Undervegs er det ulike postar og oppgåver, der vi reflekterer over dei verkeleg store spørsmåla i livet. Å gå heilt ute ved havet, med storslått utsikt, er ei mektig oppleving. Vandringa tek tre dagar, og blir avslutta på klosterøya Selja.

I løpet av skuleåret har vi tre fellesturar der alle elevane er med. Pilegrimsvandringa er den tredje og siste fellesturen.

Jon Kjetil Fossli

Lærar på Friluftsliv/Vind og vatn

Jon Kjetil er ikkje så veldig glad i sushi, men han syns til gjengjeld at Kygo er kul. Han likar å surfe og stå på ski, og drikke Pukka- og Yogi-te. Han er dronepilot av første klasse, og har i tillegg utdanning innan idrett, kristendom og friluftsliv.

Epost: jonkjetil@friluftslivskulen.no
Telefon: 48216078

Vekene på Nordfjord folkehøgskule er veldig ulike. Nokre veker har du undervisning og tur med linja heile veka, andre veker er du mest på skulen. Ei veke kan sjå slik ut:

  • Måndag: Allmøte. Rydde- og vasketid. Internatmøte. Lunsj. Linjetime. Valfag.
  • Tysdag: Ord for dagen. Valfag resten av dagen.
  • Onsdag-fredag: Linjedagar/tur.
  • Laurdag: Seminar + elevkveld.
  • Søndag: Fri

På ettermiddagane/kveldane har du fri.

Last ned timeplan som pdf ↓
  • 24. august  Skulestart med opningsfest
  • Veke 38  Skuletur med Statsraad Lehmkuhl
  • Veke 41  Haustferie
  • Veke 46 og 47   Prosjektveker og revy
  • 23. november  Familiedag
  • Veke 49  Prosjektveke
  • 17. desember  Julefest
  • 18. desember  Første dag av juleferien
  • 7. januar  Første skuledag etter jul
  • Veke 4  Skikurs i Hemsedal
  • Veke 8  Vinterferie
  • Veke 10  Prosjektveke
  •  Veke 15 Påskeferie 
  • 9. mai   Avslutningsfest
  • 13. mai  Siste skuledag

Vi har mange valfag. Kvar elev får fem valfag i løpet av skuleåret. Måndagsvalfag er på to timar, medan på tysdagane går dei fleste valfaga frå frukost til middag.

Akrobatikk

Kropskontroll og leik i eitt fag! Akrobatikk er akkurat så akrobatisk som det høyrest ut, og vi er heldige som har tilgang på ein turnhall med airtrack, skumgrop og stor trampoline. Eit luftig fag!

Allidrett

Idrettshallen på Sandane er stor og velutstyrt, med mellom anna turnhall, løpebane, klatrevegg osv. Du skal få prøve kjende og ukjende aktivitetar, dette er idrettsglede i godt lag!

Barmarkstrening

Skisesongen kjem fortare enn du anar, og då gjeld det å vere klar. Her skal vi lære litt om trening, både uthald og styrke, og erfare korleis det kjennes på kroppen.

Basistrening

Her skal vi lære litt om trening, både uthald og styrke. Vi erfarer korleis det kjennest på kroppen. Dette er valfaget for deg som ikkje er redd for å bli våt, skiten og sliten!

Båtførarkurs

Er båten over 8 meter og/eller har 25HK eller meir, må du ha båtførarbevis. I dette faget får du undervisninga du treng, og du får ta eksamen.

Buldring

På skulen har vi ein 250 kvadratmeter stor innandørs klatrevegg. Her vert det mykje buldring og litt skruing av ruter.

Din tur

I løpet av hausten kan du planlegge og gjennomføre din eigen tur, åleine eller i ei gruppe. I samarbeid med lærar finn du turmål, og lagar gode planar. Og så gjennomfører du turen, stolt og glad!

Ekspedisjonstrening

Å bygge kroppen om til ei uthaldande maskin er ikkje gjort over natta! Vi skal dra tunge ting, springe bratte bakkar og pushe kvarandre til å gje alt - kvar gong. Du blir rusta til tøffe turar.

Fjelljibbing

Vi går på topptur, eller finn oss fine plassar for å lage hopp eller leike på ski. Førebu deg på knall og fall og mykje moro. Alle typar ski er ok!

Fjelltur

I dette valfaget går vi på dei fine fjelltoppane rundt skulen. Nyt den lokale utsikta! Om det er snø i høgda, brukar vi eit lågare terreng. Undervegs på turane får du øve på bruk av kart og kompass.

Fotball

Fotballtrening ute. Vi reiser til Sandane der vi har tilgang til stort treningsfelt, og der vi også kan leige kunstgrasbana. I desember har vi to lag med i ei folkehøgskuleturnering mellom 6 skular.

Fotografi

Gjennom eit år på Nordfjord har du unike høve til å ta flotte bilete. I dette faget får du grunnleggande kunnskap om teknikk og komposisjon, og du får lære om og prøve turfoto/actionfoto.

Gitar

Er du så å seie blank på gitarspeling, men har lyst til å lære? Då har du sjansen no. Ta med gitar!

Handverksdagar

Du kan velje handverk som fag ei heil veke. Då kan du drive med smiing eller trearbeid, og om du vil kan du lage ditt eige longboard.

Havkajakk grunnkurs

Vi skal gjennomføre eit kurs som heiter "Grunnkurs hav". Dette er grunnleggande opplæring i padleteknikk og sikkerhet på havet. Du får Våttkort frå Norges Padleforbund.

Hybelkokken

Korleis overleve på studentøkonomi langt vekke fra kjøkkenskapet heime? Her lærer du korleis du kan lage enkle, raske og gode rettar - utan å tømme lommeboka fullstendig.

Innebandy

Ein fartsfylt og herleg idrett. Her blir det mykje speling og god stemning!

Jegerprøve

Eit praktisk og teoretisk kurs der du får tatt jegerprøva.

Kajakkbygging

I løpet av året kan du bygge din eigen kajakk! Det er ein segldukskajakk, der du bygger ramma av tre og kler den med seglduk. Det er ganske stilig å ha med seg kajakk heim etter eit folkehøgskuleår.

Kite/toppturveke

Om du vil, og vêr og vind oppfører seg, blir det ei veke med kiting. Du får lære å bruke vind, kite og ski til å få fantastiske naturopplevingar.

Klatring

Lurer du på om klatring er noko for deg? Her får du prøve, og du treng ikkje ha erfaring. Vi reiser til Sageflåten og til klatrehallen på Sandane. Du kan ta brattkort-test i løpet av valfaget.

Kniv og slire

I dette faget lærer du å lage skaft til eit ferdig knivblad. I tillegg lagar du slire til kniven, og lærer overflatebehandling av både skaft og slire.

Kristen tru

Lyst til å vite litt meir? Kva trur du på? Kva betyr forsoningslære, nådemiddel, inkarnasjon, frelseshistorie, treenighet og andre rare ord? Undervisning, samtale og diskusjon.

Kunstveke

Dette er ei veke der du får undervisning i grunnleggande teikneteknikk, og får god innføring i oljemåling. Ein lokal kunstnar kjem og held kurset.

Langrenn

For deg som vil gå i Odd-Bjørn Hjelmeset sine skispor! Du lærer klassisk langrennsteknikk gjennom både øvingar og leik. Faget er for alle uansett erfaring.

Longboard

På sløyden kan du lage ditt eige longboard! Designet lagar du sjølv.

Mat i det fri

Lær å lage god mat på bål. Du får lære ulike teknikkar, alt frå mat på steinhelle til heilgrilling av kalkun.

Minivintertur med toppturar

Dette er ei veke på ski! Det blir vintertur kombinert med toppturar. Vi skal sove ei, to eller tre netter i telt, elles søv vi på skulen, Vi vel toppar og turområde etter ver og føre.

Revy

I løpet av to veker lagar vi revy! Og du kan plutseleg ha ei hovudrolle, bli låtskrivar, vere musikar, ordne med kostyme og sminke eller synge på scena.

Revyplanlegging

Kvart år lagar vi vår eigen Nordfjord-revy. I revyplanlegging valfag får du vere med å forme revyen, ved å jobbe fram tema og innhald.

Rørsle

Eit fag der du jobbar med bevegelighet og forebygging av skader. Fokuserer på balanse og stabilitetstrening, noko som er veldig nyttig i forkant av ein aktiv vintersesong.

Segling og sjøliv

Vi startar faget med å lære det grunnleggande innan segling av skulen si Colin Archer-skøyte Medvind. Seinare skal vi bruke også dei mindre båtane som står i naustet.

Skiinstruksjon/topptur

Du får instruksjon i telemark/alpint. Vi reiser til skianlegg i Nordfjord: Harpefossen og Stryn. Om det er mykje betre forhold i fjellet, går vi på topptur i staden.

Smiing

I smia får du lage bruksting og pynteting av glødande og kaldt materiale (jarn): Lysestakar, lampettar, rammer, beslag. Du lærer å lage knivblad, og du lærer krøllsmiing.

Strikking

Dette faget kan du velje uansett om du er heilt nybegynnar eller om du har strikka litt før. Du lærer grunnleggande teknikkar, og å følgje eit mønster.

Terrengsykling

Vi syklar på grusvegar og fine stiar i nærområdet. Artige nedkøyringar og litt tunge oppoverbakkar.

Terrengsykling og stibygging

Vi syklar i skog og på fjell, og vi lagar og utbetrar sykkelstiar. Er det snøfritt, får vi nokre turar litt opp i høgda. Kan vere litt slitsomt, men viss du er motivert får vi det veldig artig!

Topptur/kite

Dette er for deg som vil lære å utnytte vinden med kite. Vi reiser dit der er snø og god vind. Om vinden avtar brukar vi beina, skia og fellene og går til toppen.

Topptur/skred

Eit fag for deg som vil lære meir om skredfare, skredvarsling og korleis gjere trygge vegval på tur.

Topptur/turleiing

Toppturar på ski. Målet er at du skal bli flinkare til å leie andre på tur. Vi roterer i gruppa slik at alle får god trening i å leie kvarandre og ta ansvar på tur.

Toppturar og skianlegg

Ei veke på ski! Først to flotte dagar i skitrekk på Stranda, deretter toppturar i Sunnmørsalpane. Snø og skredforhold avgjer turmål.

Trearbeid

På sløyden kan du lage bruksting og pynteting som små møblar (små kister/skrin og skap), dreie skåler, lage tine og matboks. Du får prøve å dekorere med enkel treskjæring/karveskurd.

Treskjæring/karveskurd

Lær å dekorere og forme tre. På sløyden finn du både verktøy og kunnskap - og alt blir delt med deg.

Utstyrslaging

Her får du sy dine eigne turklede. Kanskje du treng fotposar, vindvottar eller ein ny anorakk. Vi har mykje flott stoff og utstyr frå Norrøna, så du kan lage verkeleg flotte plagg og godt utstyr.

Yoga

Har du lyst til å bli mjukare i kroppen og forebygge skader? Då er yoga/rørsle noko for deg. Vi fokuserer på pust og heilt basis bevegelighet. For alle: Både stive stokkar og mjuke turnarar.

100 fantastiske turar! 100 å dele opplevinga med. Difor er det minst 100 gode grunnar for å gå på Nordfjord folkehøgskule. Ein del grunnar finn du her. Andre finn du på friluftslivskulen.no. Men dei aller fleste grunnane oppdagar du først når du sjølv er elev på skulen. Du finn dei i møte med deg sjølv. I møte med dei andre. Og i møte med naturen.

Linjer ved skulen

Fra kr 113 300,-

Inkludert

  • Undervisning
  • Mat og rom på skolen (romtype: dobbeltrom)
  • Bad på rommet
  • Årskort til bade- og treningsanlegg
  • Studietur: Segltur med Statsraad Lehmkuhl
    • Mat (4 måltider per dag)
  • Studietur: Hemsedal
    • Mat (4 måltider per dag)
  • Studietur: Stad
    • Mat (4 måltider per dag)
  • Internett
  • Vaskemaskin
Minimumspris for linja 113 300,-

Lån og stipend

Summen du må dekke selv 113 300,-
(11 330,- per måned)
Du betaler månedsvis gjennom skoleåret. Nærmere informasjon får du fra skolen.

Husk at du også trenger penger til dette

Søk på linjaMeir om skulenSkulen si nettside

Dette seier tidlegare elevar

Fredrik Høst Hansen

Her var det både kjente og ukjente aktiviteter for meg. Bedre opplevelser, bedre folk samlet på ett sted, det skal man lete lenge og vel etter. Kall det en klisjé, men året var et eventyr.

Fredrik Høst Hansen
Øystein Aas

Etter å ha falt av surfebrettet, kræsjet kiten og fylt elvekajakken med vann mange ganger, er det fantastisk når man rir den første bølga, får kiten rett veg og kommer gjennom stryket uten å gå rundt.

Øystein Aas
David Kvamme Høvik

Viss det ikkje freistar å vakne i hengekøye måndag, på firesifra høgdemeter tysdag, i ein lavvo onsdag, under open himmel torsdag og støl frå surfing fredag, så vil det dét etter eit år på V&V.

Bestill katalogen for 2019/2020

Få full oversikt over skoler og linjer, og bli kjent med livet på folkehøgskole.

Bestill katalogen

Linjer som liknar denne

Surfing Beachsport

Sunnfjord Folkehøgskule
Ledig plass
Heilårskurs14 t/ukeKristen

H2O - Vannsport Bali

Stavern folkehøyskole
Ledig plass
HeilårskursKristen

Seil, surf, kite, reis

Risøy Folkehøyskole
Fullt
HeilårskursKristen

Surf

Jæren folkehøgskule
Ledig plass
Heilårskurs12 t/ukeFrilynt

Seiling og Frikjøring - Kroatia

Folkehøgskolen 69° Nord
Ledig plass
HeilårskursKristen

SjøSnøSurf.Hawaii

Sunnmøre Folkehøgskule
Fullt
HeilårskursKristen

Backpacker/Ekstremsport

Elverum folkehøgskule
Ledig plass
Heilårskurs14 t/ukeFrilynt

Friluftsliv: Sør-Afrika

Bømlo Folkehøgskule
Venteliste
Heilårskurs13 t/ukeFrilynt

Sport Extreme Australia

Bakketun Folkehøgskole
Ledig plass
Heilårskurs17 t/ukeKristen

Friluftsliv / Ski og surf

Nordfjord folkehøgskule
Ledig plass
Heilårskurs20 t/ukeKristen

Friluftsliv 70° Nord

Alta folkehøgskole
Ledig plass
HeilårskursKristen

Seiling

Fosen folkehøgskole
Ledig plass
Heilårskurs15 t/ukeFrilynt

Dykking

Ålesund Folkehøgskole
Ledig plass
HeilårskursKristen

Friluftsliv / KRIK

Nordfjord folkehøgskule
Ledig plass
HeilårskursKristen

Ski og sykkel

Sogndal folkehøgskule
Ledig plass
Heilårskurs18 t/ukeFrilynt

Friluftsliv Sjø - Kroatia B

Karmøy Folkehøgskule
Kontakt skulen
Helårskurs B6 t/ukeFrilynt

Friluftsliv

Elverum folkehøgskule
Ledig plass
Heilårskurs14 t/ukeFrilynt

Pudder Surf Japan

Høgtun Folkehøgskole
Ledig plass
Heilårskurs18 t/ukeKristen

Multisport.Sør-Afrika

Sunnmøre Folkehøgskule
Fullt
HeilårskursKristen

Multisport-urban

Holtekilen Folkehøgskole
Ledig plass
HeilårskursKristen

Aktiv bo og fritid

Risøy Folkehøyskole
Fullt
HeilårskursKristen

Vann og fjellsport - Karibien og Middelhavet

Kristiansand Folkehøyskole
Ledig plass
Heilårskurs15 t/ukeKristen

FRILUFTSLIV - HARDANGER OG VIETNAM

Hardanger Folkehøgskule
Ledig plass
Heilårskurs15 t/ukeFrilynt

Friluftsliv Light

Folkehøgskolen 69° Nord
Ledig plass
HeilårskursKristen

Australia Backpack

Ålesund Folkehøgskole
Ledig plass
HeilårskursKristen

Brett, Ski og Surf - Lett: Maldivene

Fredly Folkehøgskole
Ledig plass
Heilårskurs15 t/ukeKristen

Idrett & friluftsliv - Spania & USA

Skiringssal folkehøyskole
Ledig plass
Heilårskurs14 t/ukeFrilynt

EKSTREMSPORT Sunnmørsalpane

Møre Folkehøgskule
Fullt
Heilårskurs15 t/ukeFrilynt

Snowboard/Freeski

Elverum folkehøgskule
Ledig plass
Heilårskurs14 t/ukeFrilynt

Freeride - Surf - Jotunheimen

Valdres folkehøgskole
Kontakt skulen
HeilårskursKristen

Snow Kite Surf - Bali

Hurdal Verk folkehøgskole
Venteliste
Heilårskurs14 t/ukeKristen

Multisport - Lanzarote A

Karmøy Folkehøgskule
Ledig plass
Helårskurs A6 t/ukeFrilynt

Fridykking, undervannsjakt og friluftsliv

Folkehøgskolen 69° Nord
Ledig plass
HeilårskursKristen

KRIK - Volleyball og Ski

Sagavoll Folkehøgskole
Ledig plass
Heilårskurs15 t/ukeKristen

Adventure Action Sport

Solborg folkehøgskole - Stavanger
Ledig plass
Heilårskurs16 t/ukeKristen

Klatring, dykk og surf - Bali og Middelhavet

Kristiansand Folkehøyskole
Ledig plass
Heilårskurs15 t/ukeKristen

Friluftsliv / UT

Nordfjord folkehøgskule
Ledig plass
HeilårskursKristen