Til hovedinnhold

Kunst - Foto - Glas - Reise

Søk på linja
Ledig plass

Maleri, teikning, linotrykk, leire, glasfusing, sying og eksperimentering! Opplevingar, inntrykk og uttrykk. Inspirasjonsturar på Vestlandet, og ei utanlandsreise med tog.

Dette er kunstlinja for deg  som likar å utforske, vil prøve ut idear, fordjupe deg i ulike materialar og ditt visuelle biletspråk

Vi arbeider med ulike tema frå veke til veke gjennom året. I keramikkrommet, i teikne- og malesalen, på trykkpressa, på glasrommet eller i syrommet med redesign.

Vi er opptekne av å setje små miljøavtrykk og har ei bevisstheit på gjenbruk, miljø og bærekraft.  

Kvifor velje Fjordane

Det er praktiske introduksjonar i alle tema, så du treng ingen forkunnskapar. Har du erfaring får du anledning til å vidareutvikle deg, og får tid til sjølvstendige prosjekt, der du kan arbeide meir med det du likar best.

På slutten av året set vi opp ei utstilling, og du reiser heim med ulike utprøvningar, kunstverk og produkt du har laga gjennom året.

Inspirasjonsturar i inn- og utland

Utanlandsturen med linja blir ei kunst-, kultur- og opplevingsreise med tog gjennom Europa. Vi har fokus på å vere miljøvennlege i reisemåte, samstundes som vi vil at du skal få oppleve mest mogleg!

Gjennom året reiser vi på kunstnarbesøk, utstillingar, korte og lengre turar, både på linja og med resten av skulen.

Linja for deg som er interessert i kunst i vid forstand. Særlege forkunnskapar er ikkje påkrevd. Skuledagen er fylt med praktisk arbeid, utfordringar, skaparglede og fellesskap.

Dette vil du lære

  • Grunnleggande teknikkar innan dei ulike emna
  • Arbeide kreativt, både individuelt og i gruppe
  • Oppbygging av eigen portefolio

Våre forventninger til deg

  • Du har ei positiv innstilling
  • Du ønskjer å bidra til eit godt fellesskap i gruppa
  • Du likar å eksperimentere
  • Du kan arbeide prosessorientert, målretta og sjølvstendig
  • Du er engasjert og motivert

Studietur: Interrail Europa

Obligatorisk: Ja

Pris: Inkludert i linjepris

Måltider pr dag inkludert: 1

I fellesskap skal vi planlegge linjetur med tog til europeiske byar. Du kan gle deg til nye kulturopplevingar, verdskjende museum og historiske sjåverdigheiter. Ved å bruke tog som framkomstmiddel får vi både sett og opplevd mykje, samstundes som vi reiser på ein mest mogleg miljøvennleg måte. I tillegg er ei togreise ein super måte å bli enno betre kjend med kvarandre på!

Studietur: Kulturopplevingar i Bergen eller Ålesund

Obligatorisk: Ja

Pris: Inkludert i linjepris

Varighet: 2 dager

Måltider pr dag inkludert: 1

Vi reiser på ei inspirasjonshelg til Bergen eller Ålesund.

Strandryddeseilas

Obligatorisk: Ja

Pris: Inkludert i linjepris

Varighet: 2-3 dagar

Vi ryddar søppel og plast langs kysten vår! Samstundes skal vi ha base i den restaurerte galeasen "Loyal". Ein galeas er ei mellomstor seglskute som var vanleg i dei nordiske landa på 1800 og 1900-talet. 

Dagane vi er på tur består av segling mellom ulike ryddeplassar langs kystlinja vår, samstundes som vi tar del i arbeidet ombord den tradisjonsrike seglskuta. "Loyal" er utstyrt for fleire dagars seglas med toalett og ei fullt utstyrt bysse for matlaging. Mannskap og elevar lagar måltid i fellesskap. 

Vi brukar dagane på å rydde dei ytre øyane og ubebudde plassar og vikar utan veg for marint avfall. Vi prioriterar meir utsette område, og område som er vanskeleg å kome til utan båt. Alt etter kva vêret tillèt sjølvsagt. Dette er i hovudsak fantastisk flotte plassar å få besøkje i seg sjølv! 

På strandryddeseilaset kan du oppleve: 

  • Vere med og rydde strendene for plast og søppel
  • Sette garn og krabbeteiner
  • Fiske 
  • Lage mat av sjølvfanga råvarer
  • Segle med Loyal
  • Småturar til lands og til vanns

Loyal vart bygd i Hardanger i 1887 og er med det den eldste galeasen i verda som framleis kan segle!

Fjord Explore

Obligatorisk: Ja

Pris: Inkludert i linjepris

Varighet: 2 dagar

Spennande utforskingstur i maritimt fjordmiljø. Krokpollen ligg i ei lita bortgøymd bukt, veglaus, så hit må du gå ein liten tur i skogen eller kome sjøvegen. På denne turen står sjøaktivitetar i fokus. Bading, fisking, roing og padling, segling på fjorden så du får ro i sjela eller adrenalinkick på tube bak motorbåt. Du får ete di eiga nykokte krabbe, vere med på allsong og trekkspel i ustemt harmoni ut på kvelden, flytande bålplass, sove i hengekøye, telt eller innandørs.

Surf, fjell og camp - Overnattingstur til Hoddevik

Obligatorisk: Ja

Pris: Inkludert i linjepris

Varighet: 2 dager

I starten av skuleåret reiser vi på ein "bli kjent-tur" til vakre Hoddevika. Dette eineståande surfeparadiset ligg berre ein liten time i bil unna skulen vår. Alle som vil, får prøve seg på surfebrettet, noko som er ei fantastisk oppleving enten du er heilt fersk eller er meir dreven på bølgene. Dersom du er glad i å gå på tur, byr Hoddevika også på fleire flotte turopplevingar i fjella som ligg rundt. Vi tar turen opp til toppar med fantastisk panoramautsikt! Ellers kan du gle deg til mange kjekke aktivitetar ilag med resten av gjengen, og til å avslutte dagen rundt bålet på stranda.

Vintertur til Stigedalen

Obligatorisk: Ja

Pris: Inkludert i linjepris

Varighet: 2 dager

Turen til Stigedalen er spekka med kjekke snøaktivitetar. Her er det langrennsløyper rett utanfor døra, akebakkar, grillhytte og fine forhold for mykje moro. Heile skulen er med på denne overnattingsturen, og det foregår mykje sosialt både ute og inne. Vi akar, har snø-rugby, lagar snøskulpturar, grillar, går på ski, har talentkonkurranse, quiz, spelar spel, ser på film og et god mat. 

  • Skulestart: 26.08.23
  • September: Fellesturar til Hoddevik og Krokpollen
  • Frihelg: 16.09-18.09
  • Haustferie: fom. 06.10. kl.13-15.10. (v.41)
  • Oktober: Strandryddeseilas ved kysten
  • Frihelg: 11.11.-13.11.
  • Desember: Juleverkstad og "Jul i Stallen"
  • Juleferie: 20.12. kl.13 - 02.01.
  • Januar: Annerledesveke
  • Frihelg: 27.01.-28.01.
  • Februar: Fellestur til Stigedalen
  • Vinterferie: 16.02. kl.13-25.02. (v.8)
  • Mars/april: Linjeturar
  • Påskeferie: 22.03 kl.13-02.04. 
  • Avslutning: 04.05.
  • Heim:11.05.24

Du må ha minst 2 valfag, men kan velge så mange som du vil. Valfaga varierer i lengde frå 1-2 timar pr. veke.

Aerobic

Ein veldig kjekk måte å komme i bedre form på! Her kan alle som vil bli med og svette litt.

Band

Bli med i skulen sitt elevband! Dersom du er musikkinteressert, eller vil lære meir om å spele eit instrument er dette valfaget for deg.

Blankvåpen

Trening i bruk av øks, sverd og skjold med meir.

Elevstyrte valfag

Mange av studentane våre er ressurssterke på område som gjer at dei kan brukast som leiarar og lærarar for andre studentar på skulen. Dette kallar vi elevstyrte valfag eller elevstyrte aktivitetar. Dette veit vi først meir om når studentane kjem til oss.

Fem på topp

Vi er omgitt av fjell som byr på mange flotte fjellturar. I løpet av hausten og våren tek vi deg med på eit utval av fine toppar.

Filmkveld

Vi viser filmar i ulike sjangrar på storskjerm ein fast kveld i veka.

Foto

Vi jobbar med motiv, bearbeiding og framkalling i tradisjonell form.

Fysisk trening

Valfag der du kan trene deg i form.

Gitar

Grunnopplæring basert på rock og visesang.

Glassarbeid

Du får lage mindre ting av glass som f.eks smykker og pyntegjenstandar. Glasset blir smelta i omnar og er eit populært materiale å jobbe med.

Hest

For deg som ikkje har Hest som linjefag. Er midt i blinken for deg om du går på Vikingliv til dømes.

Klatring

Her lærer du å klatre i ein innandørs klatrevegg, som ligg i nærleiken av skulen.

Kunst

For deg som ikkje har kunst som linjefag. Her får du prøve deg i ulike kunstsjangrar som teikning, keramikk, glassarbeid og maling.

Lokale lag og organisasjonar

Finn du ut at du vil vere med i ein lokal organisasjon utafor skulen, hjelper vi deg med å skaffe deg "innpass". Du finn mykje informasjon om lokale lag og organisasjonar på denne adressa www.eidaportalen.no

Musikal og scenekunst

Dersom du går med ein songar, dansar eller skodespelar i magen er dette valfaget for deg! Du får prøvd deg på litt av det Musikallinja er innom. Her er det plass til alle som er glad i musikk!

PR

Her kan du vere med på å jobbe med skulen sitt PR-arbeid, gjennom film og sosiale medier.

Prosjekthest

For deg med eigen hest som vil ha litt ekstra hjelp. Her er det hesten som står i fokus i valfaget. Det kan vere innriding, innkøyring, lasting, longering, handtering fra bakken osb.

Salmaker

Du får opplæring i arbeid med lær, du kan for eksempel sy din egen grime, belte, hundehalsbånd. Du kan også reparere ditt eget utstyr.

Sirkus

Eit fysisk valfag, der du får prøve mange forskjellige sirkusdisiplinar. Her får du mellom anna trent koordinasjon, reaksjonsevne, balanse og styrke.

Sprangriding

For deg som går på hestelinjen og vil jobbe litt mer med sprangridningen, i første omgang de som har egen hest med seg, men vi prøver og å gjøre det mulig for de som bruker skulehest.

Strikking

Aldri tatt i eit par pinnar før, eller er du avansert strikkeguru? Dette er timen de treffast og utfører mirakel med pinnar og garn, samtidig som det er veldig sosialt.

Styrketrening

Dette valfaget er supert å få med seg uansett kva linje du går på! Det er godt for alle å få styrka muskulaturen i kroppen.

Surfing i Hoddevika

Surfeparadiset Hoddevik ligg i samme kommune som Fjordane, og er berre ein liten biltur unna. Du får testa ut surfebrettet, uavhengig om du er heilt fersk eller har erfaring frå før.

Svømming/bading

25 m basseng til disposisjon for div. aktivitetar og avsluttande badstue.

Teater

Improvisasjon, teatersport, standup og lage ditt eige skodespel er noko av det du får vere med på her.

Tømmekjøring

Her får du jobba hesten frå bakken både ved å tømmelongere og gjere ulike dressurøvingar. Du kan vere med uavhengig av kva forkunnskap du har.

Volleyball

Er hovudsakleg i idrettshall med volleyballnett, men har også moglegheit for beachvolley om det er eigna vêr og interesse for det.

Voltige

Turning på hesteryggen.

Yoga

Kom i kontakt med både kropp og sinn, gjennom yoga. Her jobbar du med øvingar som gjer deg smidigare samtidig som du finn din indre ro.

Årbok

Her skal du vere med å lage ei "minnebok" for kullet ditt som alle elvane kan ta med seg når skuleåret er slutt.

Friluftsliv i samarbeid med Røde Kors og Sirkus får du berre på Fjordane! Størst på hest: Allsidig hestesport. Naturglede med Friluftsliv All-iclusive. Vikingliv med eige langhus, Musikal med inspirasjon frå West End. For dei kreative: Saum og strikk og Kunst/foto/glas/reise. Tilrettelagt Bu og fritid. #skapdittbesteår

Linjer ved skulen

Les mer om skolen

Fra kr 126 600,-

Inkludert

  • Undervisning
  • Mat og rom på skolen (romtype: dobbeltrom)
  • Material og utstyr slik som pensler, lerret, leire m.m
  • Bad på gangen
  • Studietur: Strandryddeseilas
  • Studietur: Fjord Explore
  • Studietur: Surf, fjell og camp - Overnattingstur til Hoddevik
  • Studietur: Vintertur til Stigedalen
  • Studietur: Interrail Europa
    • Mat (1 måltider per dag)
  • Studietur: Kulturopplevingar i Bergen eller Ålesund
    • Mat (1 måltider per dag)
  • Internett
  • Vaskemaskin
Minimumspris for linja 126 600,-

Du kan legge til (Huk av og se hvordan det påvirker prisen)

Lån og stipend

Summen du må dekke selv 126 600,-
(12 660,- per måned)
Når du takker ja til skoleplassen må du betale et administrasjonsgebyr på rundt 2500 kroner. Resten av summen betaler du månedsvis gjennom skoleåret. Nærmere informasjon får du fra skolen.

Husk at du også trenger penger til dette

Dette utstyret får du låne av skolen

Mellom anna keramikkomnar, dreieskiver, glassomnar, grafikkpresse og symaskiner. Ta kontakt om du har spørsmål om utstyr utanom dette!

Bygningar
Bygningsmassa til Fjordane folkehøgskule er frå 1974. Ikkje alle bygga våre er universelt utforma, men vi legg til rette så godt vi kan for funksjonsnedsettingar. Hovudbygningen med undervisningsrom, matsal og forsamlingsrom har tilkomst med rampe. Internatet er bygd over ein etasje og ligg på bakkeplan, og vi har 1 paviljong som er universelt utforma. På heile internatet har vi 18 einerom utan bad. 

Mat
Vi serverer vegetar- og vegansk mat til alle måltid. Denne maten er tilgjengeleg for alle. 
Vi tilbyr gluten- og laktosefri mat til dei som har behov for det, samt at vi tilpassar til andre allergikarar.

Fagleg og sosialt
Vi tilpassar så langt vi kan slik at det blir mogleg for deg å delta på lik linje med dei andre:

  • Vi legg til rette for pausar
  • Vi finn alternative løysningar om aktivitetane blir for omfattande
  • Vi har fokus på ein god og trygg oppstart og eit inkluderende miljø
  • Du kan snakke med linjelærar og paviljonglærar slik at vi saman kan finne gode løysingar

Gi oss beskjed i god tid slik at vi kan legge til rette for deg! 

Søk på linjaMeir om skulenSkulen si nettside

Frå bloggen

12 tips til en vellykket bilferie i Norge

Vi har snakket med folkehøgskoleelever om hvordan man kan gjennomføre den perfekte Norgesferien. Fungerer like bra med familie som med venner!

Les meir på bloggen ▷

Få gratis skolekatalog i postkassa!

Få katalog med full oversikt over alle folkehøgskoler i posten. Bli kjent med skolene i ro og mak, og diskuter med venner og familie!

Bestill katalogen

Linjer som liknar denne

Byen og kunsten

Stavanger Urban Folkehøgskole StUF
Ledig plass
HeilårskursFrilynt

Tegne, male, reise

Risøy Folkehøyskole
Ledig plass
HeilårskursKristen

Manga og Webtoons

Hadeland folkehøgskole
Ledig plass
Heilårskurs13 t/ukeFrilynt

Tegning, Maling & Keramikk

Solborg folkehøgskole - Stavanger
Ledig plass
Heilårskurs16 t/ukeKristen

Art design & travel

Jæren Folkehøgskule
Ledig plass
Heilårskurs12 t/ukeFrilynt

Kunst og arkitektur OSLO

Rønningen folkehøgskole
Ledig plass
HeilårskursKristen

Tegneserier & Illustrasjon

Buskerud Folkehøgskole
Ledig plass
Heilårskurs15 t/ukeFrilynt

Kunst og StreetArt - London, Bergen

Åsane folkehøgskole - Bergen
Ledig plass
Heilårskurs14 t/ukeFrilynt

Visuell kunst

Nansenskolen
Ledig plass
Heilårskurs24 t/ukeFrilynt

Nordiska Bildskolan

Nordiska Folkhögskolan
Ledig plass
Heilårskurs32 t/ukeFrilynt

Visual Arts

Ringerike Folkehøgskole
Ledig plass
Heilårskurs15 t/ukeFrilynt

Street ART - Berlin, Karibien

Ringebu Folkehøgskole
Ledig plass
Heilårskurs13 t/ukeFrilynt