Allsidig hestesport

Ei variert og innhaldsrik linje for deg som vil lære mykje om hest. Du får kunnskap til å praktisere mange sider av hestefaget. Undervisning etter nivå i dressur, sprang, køyring. Kan ta med hest.

På Allsidig hestesport får du ein variert hestekvardag, der du er innom mange spennande emner innanfor hestefaget. Vi fokuserar på at både du og hesten skal få allsidig trening, og at samspelet mellom deg og hesten skal utviklast gjennom god undervisning og forståing av ryttaren/ kusken sin innverknad på hesten. Du får undervisning i sprang, dressur og køyring, i tillegg til mange praktiske og teoretiske fag. 

Etter eit år på Fjordane er målet at du skal sitte igjen med ein solid hestekompetanse. På skulen vår får du både breidde i undervisninga, samtidig som du kan fordjupe deg i dei faga som du interesserar deg mest for. Vi har satt saman ein timeplan som vi meinar er med på å gje deg eit så godt grunnlag som mogleg.

Vi vil gjere deg i stand til å ta sjølvstendige og gode vurderingar, og ha eit bevisst forhold til kva som er eit godt og etisk hestehald. Lærarane på hestelinja har høg fagkompetanse og lang erfaring innafor hestefaget.

På Fjordane blir du rusta til vidare utdanning med hest, og vi har sendt mange av våre elevar vidare til ridelærarutdanninga på Starum. Hestelinja er også ein fin læringsarena for deg som vil ha hest som hobby, og ikkje har andre ambisjonar enn å ha det kjekt med hest, og lære mest mogleg i eit trygt og sosialt læringsmiljø.  

Vi har også moglegheit til gje deg ekstra oppfølging med hesten din om det er behov for det. Dersom du ikkje har eigen hest, har vi ein flott gjeng med skulehestar som står klar til å dele av sin kunnskap med deg.