Dette er eit år der du får mengdetrening som musikalartist på små og store scener. Det blir eit sterkt fagleg fokus på skodespel, musikaldans, sang, show og dubbing. Du møter profesjonelle skodespelarar og musikalartistar gjennom meisterklassar og workshopar.
Scene
På denne linja er du med på fleire eigne produksjonar, og saman med heile skulen set du opp ein musikal for 2500 tilskodarar i kulturhuset. I Oslo er du innom eit dubbingstudio der du blir kasta rett ut i stemmeskodespel og voiceover-rolla. Du får også jobbe med ein castingagent som er god på auditiontrening. Etter det kan du gå på auditionar for jobbar eller vidare utdanning om du ønskjer det. Når året er slutt, har du fått med deg god erfaring som utøvande musikalartist – i tillegg til film/foto i semiproff kvalitet til showreelen/porteføljen din.
Studietur
I november reiser klassen på ein interrailtur til dei store musikalbyane i Europa. Då ventar storbypuls i blant anna London, Paris, Berlin, Hamburg og Stockholm. Der kjem du backstage på store oppsetjingar, ser musikalar, får fagleg påfyll frå profesjonelle utøvarar og besøkjer ulike utdanningsinstitusjonar.
Sunnmøre
På godvêrsdagar bytter du ut eit mørkt scenegolv med sol og spektakulær natur. Då skal du ut! No er det storhavet og kvasse tindar som er locations, anten det er surfing i Hoddevika, hengekøyecamp, RIB-tur eller stemmebruk i stiv kuling som står på timeplanen.
Dette er ikkje eit år som alle andre. Det er eit år der du kjem eitt steg nærare rampelyset!
Interrail Europa | Musikal | Revy | Skodespel | Teater | Show | Cabaret | Dubbing | Voice | Dans | Musikaldans | Sangteknikk | Solo/ensemblesang | Audition | Auditiontrening | Showreel | Formidling | Stemmebruk | Karakterarbeid | Tekstforståing | Film | Musikkvideo | Scenografi | Koreografi | Manusutvikling | Improvisasjon | Kostymedesign | RIB-tur | Hengekøyecamp | Surfing | Kvardagseventyr i friluft | Solskinnsturar på Sunnmøre
Fortsatt nysgjerrig?
Les meir om linja på sunnmore.fhs.no/linjer/musikalartist
For å kunne vere ein god musikalartist treng du meir enn berre talent. Du treng bransjekunnskap, tryggleik og god sjølvinnsikt. Det er målet med dette året.
Linja er for deg som ynskjer å vere skodespelar, songar og/eller dansar. Du får også drive med show, barneteater eller revy. Du står framfor/bak kamera, skriv eigne manus, koreograferer/regisserer produksjonar og set opp musikaler for å nemne noko. Du er i eit dubbingstudio i Oslo og dreg på ein over to veker lang interrailtur der du besøkjer nokre av dei største musikalbyane i Europa.
Eit friår er ikkje det same som eit år fri. I staden kan du jobbe med interessa di på ein heilt ny måte.
Ingen forventer sjølvsagt at du skal mestre alt frå før. Det viktigaste du kan bidra med er ei sporty innstilling, stå-på-vilje og ein lyst til å teste ut nye sider ved deg sjølv. Då blir resultatet ofte eit godt klassemiljø med venner du kanskje vil ha for resten av livet.
Obligatorisk: Ja
Pris: Inkludert i linjepris
Varighet: 16-18 dagar
Interrail til dei største musikalbyane i Europa
I november ventar ein fin miks av klassiske interrailopplevingar, storbypuls og massevis av musikalpåfyll. Det heile startar i London. London er ein av verdas danse- og musikkhovudstadar og er kjend for musikalar, dansestudios og konserthus. Her får du sjå ulike muikalar, besøkjer Mountview Academy of Theatre Art, tar danse- og teaterklassar ved Pineapple Dance Studios og får casting- og auditiontrening med ein agent.
I Paris ser du sjølvsagt Eiffeltårnet og Moulin Rouge. Deretter ventar Amsterdam, Bochum og Hamburg. Her får du sjå Starlight Express og kome backstage på store oppsetjingar.
Turen blir avslutta i Stockholm med Wallmans Dinner Show og omvising på Ballettakademien og Kulturama Artistskolan. Det er to skular du kan vurdere for vidare utdanning dersom draumen er å bli musikalartist.
14 dagar med kortreist glede
På di nye heimebane får du mange dagar på tur med heile skulen. Saman med turistar frå heile verda får du sjå verdsarvområder i Geiranger med djupe fjordar og sylkvasse vestlandstindar.
I Ålesund, Norge sin vakraste by, tar du ein espresso og på fuglefjellet Runde ser du lundefuglen side om side med dedikerte naturfotografar med fotoutstyr til verdiar tilsvarende ein Tesla.
På Bjorli ventar ei veke på ski på det som kanskje er den mest snøsikre staden i landet. På Strandafjellet Skisenter helsar du på skiprofilar og får laussnøkøyring i verdsklasse midt i Sunnmørsalpane.
Året avsluttast på Hakallegarden. Då overtar skulen ein stor opplevingsgard og lagar ein "gøy-på-landet"-festival spekka med rare dyr, god mat, konsertar, diverse workshops, barbeque og cowboyfest.
Best av alt: Neste år er det din tur.
Obligatorisk: Ja
Pris: Inkludert i linjepris
Det aller meste av det beste byrjar med ein god start. Det gjer også eit folkehøgskuleår
Etter tre-fire veker på skulen sjekkar du inn på vakre Orreneset Leirstad i Sykkylven, midt mellom bre, fjell og fjord i Sunnmørsalpane. Der kan du gå på fjelltur, ta eit morgonbad, sove i hengekøye, spele fotball og volleyball, padle, ete god mat og avslutte ein fullspekka dag i fred og ro framfor leirbålet.
Høgdepunktet for mange er likevel turen inn Geirangerfjorden i eigen sightseeingbåt. Då får du sjå dei verdskjende fossane og dei stupbratte fjellsidene på nært hald. Du får også med deg ein tur opp til den spektakulære fjellgarden Skageflå. Det er på sånne dagar du forstår kvifor cruiseturistar frå heile verda har Geiranger på si bucket list.
På denne turen får du god tid til å betre kjend med dei nye klassekameratane dine. Når du kjem attende til skulen har du lært fleire namn og fått fleire nye venner enn du trudde kunne vere mogleg på få dagar.
Obligatorisk: Ja
Pris: Inkludert i linjepris
I mars flyttar vi heile skulen til fjells på jakt etter laussnø og gode skiopplevingar
Bjorli Skisenter er eit av dei mest snøsikre stadene i landet og byr på nydeleg skikøyring i dei elleve nedfartane. Her er løyper med variert vanskegrad - alt frå ein fem km lang nybyrjarvenleg rundløype til ein utfortrase rekna på Europacup-køyrarar som har det veldig travelt.
Bjorli byr også på fin, heisnær skogskøyring om du er av dei som likar det best. Her er små klippar du kan droppe frå, og dette er ein flott stad for å oppleve trygg og lett tilgjengeleg offpiste-køyring.
Dette er sosiale dagar med mykje skiglede i løypene, i parken, i laussnøen eller i solveggen utanfor varmestova. På kveldstid ventar god mat og like god underhaldning på Bjorliheimen som er eit tidlegare hotell. Og har du meir energi til overs, er det også mogleg å få seg ein treningstur i supre langrennsløyper.
Dette er kort oppsummert ei veke som dessverre er over alt for fort!
Obligatorisk: Ja
Pris: Inkludert i linjepris
På slutten av skuleåret pakkar vi soveposar og lavvoar og lagar vår eigen festival på ein bondegard.
Hakallegarden er ein opplevingsgard som har besøk av titusenar av turistar i løpet av eit år. Ei lita veke i slutten av april er det vi som tek over drifta av staden. Då er det til dømes du som skal stelle og fòre alpakkaen, påfuglen, eselet og miniatyrhestane. Og det er du som skal køyre Gråtass-traktoren.
Men festivalen er mykje meir enn berre dyrestell og gardsarbeid. Her er det mogleg å velje workshops der du kan padle på storhavet, segle i nordavinden, fiske frå ei 40-fots fiskeskøyte, vere med på RIB-turar, tove ull, lage batikk t-skjorter, flette eiga hengekøye, stisykle eller ete indrefilet steikt på bål i ein kjele med sand.
På ettermiddag- og kveldstid er det cowboyfest og linedance, kulturaften, konsertar, barbeque og konkurransar i bæring av staur, hesteskokasting og bogeskyting. Trøytt og utslitt går du og legg deg i soveposen i ein lavvoleir med plass til 120 medelevar.
Det er dette som er “Gøy på landet”.
Du søkjer deg inn på eit linjefag. Når året er omme kan det likevel vere opplegga på tvers av linjene som sit sterkast igjen.
Eit folkehøgskuleår er spekka med fellesopplevingar og turar - det finst nesten ikkje vanlege veker. Til det er det altfor mykje som skal gjerast på altfor kort tid. Litt struktur er det likevel i kvardagen.
Under kan du sjå det næraste vi kjem ei gjennomsnittsveke.
Last ned timeplan som pdf ↓Folkehøgskulelivet, og for så vidt livet generelt, liknar på Sunnmørsalpane: Det går opp og ned. Det fine er at du møter dagane med gode venner i ein heilt annleis skulekvardag enn på ein vidaregåande skule. Faga er færre og fridomen er større. Det gjer året ulikt frå veke til veke.
Kva som blir ditt høgdepunkt i året gjenstår å sjå...
Du kan velje mellom 40-50 valfag som alle er inkludert i skulepengane.
Du vel ulike valfag på mandagar og fredagar i fem perioder på haust og vår. Nokre av dei er på tre timar, andre ein heil dag. Du står sjølvsagt fritt til å velje om du vil lære noko nytt eller gjere meir av det du allereie er gira på. På denne måten set du saman ditt eige år.
Tilbodet vil naturlig nok variere noko - avhengig av talet på elevar, lærarsamansetjinga og interessa i elevflokken. Vi håper du har forståing for det.
Det er lite som er så bra som ei knallhard ballspeløkt med gode lagkompisar. Dei får du mange av, anten du er mest gira på volleyball, futsal, basket, innebandy eller andre ballaktivitetar.
Du utfaldar deg i samspel med andre på instrument eller vokal innanfor ei tradisjonell pop/rock-besetning. Instrumenta er til fri bruk på fritida. Kanskje blir det ein mini-konsert på deg også?
I skulen sin eigen vesle kaffebar kan du lære meir om prosessen frå kaffebønne til kaffekopp. Det blir tid til både espressobaserte drikkar, handbrygg, Latte Art og besøk på kaffebrenneri.
Du lærer komposisjonsmessige og fototekniske grep for å ta bedre bilder. Det blir jobba med motivvalg og ulike teknikkar. Tema vil vere naturfoto, sport-, portrett- og motefotografering.
Skulen har mange gira dansarar. I dette valfaget kan du få terpe trinn, lære nye bevegelsar og oppleve danseglede. Dansestilane er til dømes hiphop/funk og jazz/contemporary.
Du spelar på det nyaste og beste av maskinpark i lokalene til Metizport. Her lærer du strategi og lagspel av ein profesjonell e‑sportklubb heilt, heilt i verdstoppen i Counter‑Strike og Valorant.
Du ser utvalde filmklassikarar frå ulike sjangrar og tidsepokar. Etterpå diskuterer du innhald, tema og filmspråk med klassekompisane og oppdagar at du ser film på ein ny måte neste gong.
Gjer deg klar til eit fag med høgt tempo, harde taklingar, leikne detaljar og kjappe finter. Økta består av noko øving og mykje spel. Lærar Per Bernt har erfaring frå 1.div-spel.
Her vil du segle nokre av dagane. Andre dagar kan du klatre, padle kajakk, gå på fjellturar eller lage mat på bål. Dette faget er for deg som har lyst å oppleve meir av sunnmørske fjell og hav.
Faget er både for nybyrjarar og vidarekomne. Her lærer du sentrale akkordar og om korleis akkordar er bygde opp. Læraren er i norgestoppen som allsanggitarist - betre lærar finn du ikkje.
Faget er hovudsakleg for deg som vil ta "Veien til Golf"-kurset. Her lærer vi om reglar og trenar teknikkar (grep, sving og oppstilling) på driving rangen, putting greenen og den lokale bana.
Dette er for deg som har spelt endel tidlegare. Her jobbar du med sving, nærspel, putting og spelforståing. Du spelar på 9-holsbana til Sunnmøre GK og på klubben sin nye simulator.
Test ut om dette er noko du vil jobbe med i framtida! Du møter menneske frå ulike samanhengar, er på besøk hjå eldre og har opplegg saman med flyktningar og einslege asylsøkjar.
Lær deg herlege rettar til studentlivet. Her kan du plukke opp gode middagstips. Du lagar mat etter prinsippet sunt-godt-billeg. Etter faget kan du imponere som kokk til kvardag og fest.
Du vil leike og le, improvisere og dramatisere. Du lærer grunnleggande reglar der både skodespelarar og publikum spelar ei aktiv rolle. NB: Du bør ikkje ta deg sjølv for høgtideleg!
Skaparhuset er for deg som likar å utforske, skape, utvikle, dele idear, bygge, teste, fikse og lage prototypar. Her finn du 3D-printerar, laserkutterar, elektronikk-lab, VR-briller og robotar.
Klatring i klatrehall, på utendørs klatrefelt eller på buldresteinar. Målet er grunnleggande sikrings- og bevegelsesteknikkar. Det blir lagt tilrette til å gå opp til brattkortprøva.
I ein nye klatrehall og buldrehall vil du jobbe med bevegelsesteknikk og balanse. Du klatrar ute på nokre av dei mange sportsfelta med fokus på leding. Læraren held sjølv eit skyhøgt nivå.
Her får du designe ditt eige knivskaft, tilpasse og utforme det slik at det passar til bladet. Til slutt lage ei lærslire som passar til den ferdige kniven. Så kjapt har du din eigen kniv og slire.
Nokre gongar går verda for fort. Då er det lurt å lære korleis du kan roe ned tempoet. Her blir det varierte økter med yoga, spa, strikking, bålkos, maling, musikk, massasje, basseng og god mat.
Lag ditt eige longboard. Du formpressar og limer saman finèr til brett. Deretter byrjar designprosessen i forhold til form, uttrykk og funksjon - og til slutt bruk av lakk og maling.
Du malar på lerret med akrylmaling. Du jobbar med billedkomposisjon, fargebruk, trykkteknikkar, behandling av verktøy, collage og decoupage, din eigen kreativitet og enkel photoshop.
Lyst på pizza steikt på bål i ein kjele med sand? Eller lammelår tilberedt i ei kokegrop halvmeteren under jorda? Eller kanskje indrefilet pakka i deig og steikt rett på bålet?
Eit praktisk fag der du får køyrd deg åleine eller i grupper. Du vel sjølv fordjuping: styrke, uthald eller crossfit. Gratis treningssenter 50 m frå skulen og gode løpestiar rett utafor døra.
Du lærar grunnleggande kampteknikkar, taktikk og sjølvforsvar. Du utviklar styrke, smidighet og sjølvtillit gjennom sparring med ein tidlegare profesjonell MMA‑utøvar i treningsstudioet hans.
Din nye leikeplass er i ein splitter ny turnhall med tumblingmatter, trampoliner og skumgrop. Her kan du jobbe inn nye triks saman med ein lærar som har vore i norgestoppen i parkour.
Du får opplæring i piano med vekt på besifringsspel. Det er mange piano på skulen, både el og akustiske. Det ligg difor til rette for at du kan halde fram med å øve lenge etter at timen er over.
Du lærer å lage innhald og strategi for sosiale medier. Du jobbar med skulen eller linja di si profil. Du filmar, tek bilder, skriv innlegg og skapar engasjerande innhald frå kvardagen din.
Her får du spele padel, squash, pickleball, badminton og bordtennis. Faget er perfekt for deg som er glad i racket‑sportar, men ikkje vil velje berre éin. To squashbaner er til fri bruk på fritida.
Dette er faget for deg som er glad i toppturar på ski eller brett. I løpet av vinteren/våren går du på ei rekke kjende, kvasse og spektakulære toppar i Sunnmørsalpane - så lenge forholda tillet det.
Du startar faget med eit besøk på gjenbrukbutikken. Her kjøper du plagg og brukte kle som du etterpå designar og syr til eigne, nye kle. Du kan også jobbe med møblar, lamper og liknande.
Tidlegare har du spelt nettsjakk eller saman med vener, men no er tida inne for å ta det eit skritt vidare. Fokuset blir på opnings- og sluttspel og med mål om å utvikle spelferdigheitene dine.
Møre Skatehall er ein perfekt leikeplass med 500 kvadratmeter å boltre deg på! Du finn to ramper og ein street-del. Du jobbar med pushing, turning og drop‑in. Klarer du din fyrste Ollie?
Gira på å auke skrivelysta di? Maria Parr, forfatteren av Vaffelhjarte og Tonje Glimmerdal, er klar til å hjelpe deg med det. Ho lovar store mengder med skriveglede, uansett nivå.
Skulen har ein lærar som er ein råtass i squash, og 50 m unna ligg squashbanene. Det er ein bra kombo. Fokuset er på slagteknikk og spilleforståelse, og framgangen ser du frå økt til økt.
Kvart år samlar elevane inn pengar til eit prosjekt i Ilula i Tanzania. Førre skoleår kom det inn nær 650.000,- kr. I dette faget kan du vere med å planlegge og gjennomføre dette arbeidet.
Drøymer du om å lage eigen musikk? I skulen sitt studio lærer du om musikkproduksjon, opptaksprosessar og miksing. Mac‑ar og Logic står til fri bruk heile døgnet.
Du lagar franske makronar og andre go'saker. Du jobbar med fantasifull dekorering og eksperimenterer med smak og tekstur. Her skapar du dine eigne velsmakande meisterverk.
10 syklar står og venter på deg som likar å utforske eit spektakulært "fjell-møter-hav"-landskap. Det er også flotte, tekniske stiar i nærleiken. Læraren har vore svensk landslagskøyrar i Trial.
Dette er for deg som vil ta opp fag frå vidaregåande – anten for å kome inn på vidare studier eller berre for å forbetre ein eksamenskarakter. Her jobbar du sjølvstendig og i eige tempo.
Vokalgruppa syng fleirstemte songar i ulike musikalske sjangerar som f.eks pop, jazz, musikal eller klassisk. Kanskje vert du utfordra til å vere solist eller dirigent på ein mini-konsert.
Det vert fokus på teknikk, mykje spel og innlæring av ulike roller i angrep/forsvar. Det er eit fag der du vil sjå stor framgang lagmessig og individuelt. På våren deltek du på ei turnering.
X-fit er inspirert av treningsforma Crossfit og er ei variert og funksjonell trening, utført med høg intensitet. Du trener både styrke og kondisjon. X-fit er god basistrening - uansett idrett.
Eit fag der fysisk aktivitet og mindfullness møter kvarandre. Du får øvelsar som gjev styrke, fleksibilitet, balanse og avspenning, ro og nærvær. Yogastilane vil vere ashtanga, vinyasa og yin.
Usikker på valg av skule? Sunnmøre Folkehøgskule er best i landet på det sosiale miljøet og best i landet på kvalitet (Epsi). I tillegg gav 94 % av fjorårselevane året terningkast 6 (IKF).
På skulen får du utfalde deg på scena, i studio og på band-romet døgnet rundt. Alt av instrument, Mac’ar og Logic står til fri bruk.
Du vil få ei pakkeliste etter at du har takka ja til skuleplass som seier kva som er anbefalt å ta med.
På fritida har du tilgong til eit stort treningssenter 50m frå skulen. Dette, og byen sitt badeland og klatrehall, kan du bruke så mykje du vil for 500 kr for eit heilt skuleår.
Sunnmøre Folkehøgskule er for deg mellom 18 og 26 år. Dei fleste studentane er 19 til 22 år, men det er også nokre få plassar for dei under 18 år og ei mindre gruppe mellom 23 og 26 år.
I opptaket vert følgjande kriteria vurdert:
Linjekapasitet og ynskje om å skape eit berekraftig læringsmiljø vert også lagt vekt på i opptaket.
* Alle våre linjer er mykje ute i naturen og nokre linjer er på lange utanlandsreiser der tilrettelegging kan vere vanskeleg. Det er difor viktig at du har ei funksjonsevne som gjer at du kan delta og få eit godt utbytte av undervisningsopplegget. Opptak av studentar med behov for særskilt tilrettelegging vert gjort ut frå skulen sin kapasitet og kompetanse.
For å gi deg eit best mogleg skuleår er det difor viktig at du melder i frå dersom du har behov for tilrettelegging. Manglande informasjon kan medføre at du misser skuleplassen.
Dersom det er fleire søkjarar enn det er kapasitet til på linja eller skulen vil du som søkjar bli prioritert ut i frå følgjande kriteria:
Søkeportalen er open heile året. Opptaket startar 15. november, og du vil normalt sett få svar seinast innan sju dagar. Då har du ti dagar svarfrist. Du takker ja til studieplassen ved å betale innmeldingspengane. Vi tek inn studentar fortløpande heilt fram til linja eller skulen er full.
Velkomen som søkjar!
Ein av Norges finaste folkehøgskular er eit tidlegare hotell. Storhav, fjordar, strender og Sunnmørsalpar er dine næraste naboar. Her bur du på store rom med eige bad med dusj, og med ei fantastisk utsikt over hav og fjell.
Ein av dei største fordelane med skulen er at alt er under same tak. Det betyr at du kan gå frå rommet ditt til matsalen, elevstover og klasseromma utan å ta på ytterkle. Det er ikkje berre praktisk, det gjer det også mykje meir sosialt og lettare å byggje eit godt skulemiljø.
Eit av elevromma er tilpassa rullestolbrukarar. Det er heis mellom etasjene og bygget er difor tilgjengelege for alle. Mikrofonar og lydanlegg finst i alle felles undervisningsrom.
