Og forresten: Skulen er best i landet på kvalitet (EPSI 2024). Det viser ei kåring av kriterier som fagleg innhald på skulen, lærarane sin kompetanse, kvalitet på studieturar, kvalitet på mat og standard på internatet.
Den same EPSI-undersøkinga viser også at skulen er best i landet på det sosiale miljøet. Det er greit å vite når du skal velje skule.
All inclusive
I tillegg til fine elevrom, høg fagleg standard og eit godt sosialt miljø kan vi også love god mat. Her kan du gløyme matpakke, du får varm lunsj nesten kvar dag. I tillegg kan du forsyne deg av heimebaka brød, frukt og ein stor salatbar om du heller ynskjer det. På toppen av det heile dukkar det overraskende ofte opp deilig reste-fest-mat etter storfine arrangement i våre selskapslokaler.
Fortsatt nysgjerrig? Bli med på ei 3D-visning av skulen.
Men hugs: Du må oppleve det for å forstå det. Du må vere her for å få det!
Våre linjer:
Alarm.Beredskap | Musikk.Friluft | Global.Safari | Idrett.Ball | Golf.Idrett | Multisport | Bo.Aktiv | Global.Safari | Personleg Trenar | SjøSnøSurf
Vi er ein rusfri skule som byggjer på eit kristent og humanistisk verdigrunnlag. Vårt slagord er «Ver deg sjølv, stå opp for andre».
Vi skal vere ein stad der komfortsona di vert utfordra, men der du likevel kjenner at du er på rett plass. Då er det viktig at verdiar som ærlegdom og respekt pregar både undervisning, fritid og internatliv. Vi håper du opplever det som meir enn berre fine ord.
Eit friår er ikkje det same som eit år fri
I staden har du moglegheit til å utforske interessa di på nye måtar. Du får ulike seminar og workshops med gira lærarar og kompetente foredragsholdarar som held eit høgt fagleg nivå. Og kanskje viktigast av alt: Her er ikkje målet å setje karakterar, men å byggje karakter.
I fellesfaga vil du møte ulike tema som til dømes samarbeid/konfliktløysing, personlegdomstestar, psykisk helse, tru/verdiar, samfunn, militærmakt, berekraft, kreativitet, friluftsliv, kosthald/trening og karrierevegleiing.
I folkehøgskulen kaller vi fellesfaga for danningsfag. Med danning meiner vi forenkla sagt den kunnskapen du sit igjen med etter at du har gløymt det du har lært.
Tygg litt på den!
Du kan velje mellom 40-50 valfag som alle er inkludert i skulepengane.
Du vel ulike valfag på mandagar og fredagar i fem perioder på haust og vår. Nokre av dei er på tre timar, andre ein heil dag. Du står sjølvsagt fritt til å velje om du vil lære noko nytt eller gjere meir av det du allereie er gira på. På denne måten set du saman ditt eige år.
Tilbodet vil naturlig nok variere noko - avhengig av talet på elevar, lærarsamansetjinga og interessa i elevflokken. Vi håper du har forståing for det.
Det er lite som er så bra som ei knallhard ballspeløkt med gode lagkompisar. Dei får du mange av, anten du er mest gira på volleyball, futsal, basket, innebandy eller andre ballaktivitetar.
Du utfaldar deg i samspel med andre på instrument eller vokal innanfor ei tradisjonell pop/rock-besetning. Instrumenta er til fri bruk på fritida. Kanskje blir det ein mini-konsert på deg også?
I skulen sin eigen vesle kaffebar kan du lære meir om prosessen frå kaffebønne til kaffekopp. Det blir tid til både espressobaserte drikkar, handbrygg, Latte Art og besøk på kaffebrenneri.
Du lærer komposisjonsmessige og fototekniske grep for å ta bedre bilder. Det blir jobba med motivvalg og ulike teknikkar. Tema vil vere naturfoto, sport-, portrett- og motefotografering.
Skulen har mange gira dansarar. I dette valfaget kan du få terpe trinn, lære nye bevegelsar og oppleve danseglede. Dansestilane er til dømes hiphop/funk og jazz/contemporary.
Du spelar på det nyaste og beste av maskinpark i lokalene til Metizport. Her lærer du strategi og lagspel av ein profesjonell e‑sportklubb heilt, heilt i verdstoppen i Counter‑Strike og Valorant.
Du ser utvalde filmklassikarar frå ulike sjangrar og tidsepokar. Etterpå diskuterer du innhald, tema og filmspråk med klassekompisane og oppdagar at du ser film på ein ny måte neste gong.
Gjer deg klar til eit fag med høgt tempo, harde taklingar, leikne detaljar og kjappe finter. Økta består av noko øving og mykje spel. Lærar Per Bernt har erfaring frå 1.div-spel.
Her vil du segle nokre av dagane. Andre dagar kan du klatre, padle kajakk, gå på fjellturar eller lage mat på bål. Dette faget er for deg som har lyst å oppleve meir av sunnmørske fjell og hav.
Faget er både for nybyrjarar og vidarekomne. Her lærer du sentrale akkordar og om korleis akkordar er bygde opp. Læraren er i norgestoppen som allsanggitarist - betre lærar finn du ikkje.
Faget er hovudsakleg for deg som vil ta "Veien til Golf"-kurset. Her lærer vi om reglar og trenar teknikkar (grep, sving og oppstilling) på driving rangen, putting greenen og den lokale bana.
Dette er for deg som har spelt endel tidlegare. Her jobbar du med sving, nærspel, putting og spelforståing. Du spelar på 9-holsbana til Sunnmøre GK og på klubben sin nye simulator.
Test ut om dette er noko du vil jobbe med i framtida! Du møter menneske frå ulike samanhengar, er på besøk hjå eldre og har opplegg saman med flyktningar og einslege asylsøkjar.
Lær deg herlege rettar til studentlivet. Her kan du plukke opp gode middagstips. Du lagar mat etter prinsippet sunt-godt-billeg. Etter faget kan du imponere som kokk til kvardag og fest.
Du vil leike og le, improvisere og dramatisere. Du lærer grunnleggande reglar der både skodespelarar og publikum spelar ei aktiv rolle. NB: Du bør ikkje ta deg sjølv for høgtideleg!
Skaparhuset er for deg som likar å utforske, skape, utvikle, dele idear, bygge, teste, fikse og lage prototypar. Her finn du 3D-printerar, laserkutterar, elektronikk-lab, VR-briller og robotar.
Klatring i klatrehall, på utendørs klatrefelt eller på buldresteinar. Målet er grunnleggande sikrings- og bevegelsesteknikkar. Det blir lagt tilrette til å gå opp til brattkortprøva.
I ein nye klatrehall og buldrehall vil du jobbe med bevegelsesteknikk og balanse. Du klatrar ute på nokre av dei mange sportsfelta med fokus på leding. Læraren held sjølv eit skyhøgt nivå.
Her får du designe ditt eige knivskaft, tilpasse og utforme det slik at det passar til bladet. Til slutt lage ei lærslire som passar til den ferdige kniven. Så kjapt har du din eigen kniv og slire.
Nokre gongar går verda for fort. Då er det lurt å lære korleis du kan roe ned tempoet. Her blir det varierte økter med yoga, spa, strikking, bålkos, maling, musikk, massasje, basseng og god mat.
Lag ditt eige longboard. Du formpressar og limer saman finèr til brett. Deretter byrjar designprosessen i forhold til form, uttrykk og funksjon - og til slutt bruk av lakk og maling.
Du malar på lerret med akrylmaling. Du jobbar med billedkomposisjon, fargebruk, trykkteknikkar, behandling av verktøy, collage og decoupage, din eigen kreativitet og enkel photoshop.
Lyst på pizza steikt på bål i ein kjele med sand? Eller lammelår tilberedt i ei kokegrop halvmeteren under jorda? Eller kanskje indrefilet pakka i deig og steikt rett på bålet?
Eit praktisk fag der du får køyrd deg åleine eller i grupper. Du vel sjølv fordjuping: styrke, uthald eller crossfit. Gratis treningssenter 50 m frå skulen og gode løpestiar rett utafor døra.
Du lærar grunnleggande kampteknikkar, taktikk og sjølvforsvar. Du utviklar styrke, smidighet og sjølvtillit gjennom sparring med ein tidlegare profesjonell MMA‑utøvar i treningsstudioet hans.
Din nye leikeplass er i ein splitter ny turnhall med tumblingmatter, trampoliner og skumgrop. Her kan du jobbe inn nye triks saman med ein lærar som har vore i norgestoppen i parkour.
Du får opplæring i piano med vekt på besifringsspel. Det er mange piano på skulen, både el og akustiske. Det ligg difor til rette for at du kan halde fram med å øve lenge etter at timen er over.
Du lærer å lage innhald og strategi for sosiale medier. Du jobbar med skulen eller linja di si profil. Du filmar, tek bilder, skriv innlegg og skapar engasjerande innhald frå kvardagen din.
Her får du spele padel, squash, pickleball, badminton og bordtennis. Faget er perfekt for deg som er glad i racket‑sportar, men ikkje vil velje berre éin. To squashbaner er til fri bruk på fritida.
Dette er faget for deg som er glad i toppturar på ski eller brett. I løpet av vinteren/våren går du på ei rekke kjende, kvasse og spektakulære toppar i Sunnmørsalpane - så lenge forholda tillet det.
Du startar faget med eit besøk på gjenbrukbutikken. Her kjøper du plagg og brukte kle som du etterpå designar og syr til eigne, nye kle. Du kan også jobbe med møblar, lamper og liknande.
Tidlegare har du spelt nettsjakk eller saman med vener, men no er tida inne for å ta det eit skritt vidare. Fokuset blir på opnings- og sluttspel og med mål om å utvikle spelferdigheitene dine.
Møre Skatehall er ein perfekt leikeplass med 500 kvadratmeter å boltre deg på! Du finn to ramper og ein street-del. Du jobbar med pushing, turning og drop‑in. Klarer du din fyrste Ollie?
Gira på å auke skrivelysta di? Maria Parr, forfatteren av Vaffelhjarte og Tonje Glimmerdal, er klar til å hjelpe deg med det. Ho lovar store mengder med skriveglede, uansett nivå.
Skulen har ein lærar som er ein råtass i squash, og 50 m unna ligg squashbanene. Det er ein bra kombo. Fokuset er på slagteknikk og spilleforståelse, og framgangen ser du frå økt til økt.
Kvart år samlar elevane inn pengar til eit prosjekt i Ilula i Tanzania. Førre skoleår kom det inn nær 650.000,- kr. I dette faget kan du vere med å planlegge og gjennomføre dette arbeidet.
Drøymer du om å lage eigen musikk? I skulen sitt studio lærer du om musikkproduksjon, opptaksprosessar og miksing. Mac‑ar og Logic står til fri bruk heile døgnet.
Du lagar franske makronar og andre go'saker. Du jobbar med fantasifull dekorering og eksperimenterer med smak og tekstur. Her skapar du dine eigne velsmakande meisterverk.
10 syklar står og venter på deg som likar å utforske eit spektakulært "fjell-møter-hav"-landskap. Det er også flotte, tekniske stiar i nærleiken. Læraren har vore svensk landslagskøyrar i Trial.
Dette er for deg som vil ta opp fag frå vidaregåande – anten for å kome inn på vidare studier eller berre for å forbetre ein eksamenskarakter. Her jobbar du sjølvstendig og i eige tempo.
Vokalgruppa syng fleirstemte songar i ulike musikalske sjangerar som f.eks pop, jazz, musikal eller klassisk. Kanskje vert du utfordra til å vere solist eller dirigent på ein mini-konsert.
Det vert fokus på teknikk, mykje spel og innlæring av ulike roller i angrep/forsvar. Det er eit fag der du vil sjå stor framgang lagmessig og individuelt. På våren deltek du på ei turnering.
X-fit er inspirert av treningsforma Crossfit og er ei variert og funksjonell trening, utført med høg intensitet. Du trener både styrke og kondisjon. X-fit er god basistrening - uansett idrett.
Eit fag der fysisk aktivitet og mindfullness møter kvarandre. Du får øvelsar som gjev styrke, fleksibilitet, balanse og avspenning, ro og nærvær. Yogastilane vil vere ashtanga, vinyasa og yin.
14 dagar med kortreist glede
På di nye heimebane får du mange dagar på tur med heile skulen. Saman med turistar frå heile verda får du sjå verdsarvområder i Geiranger med djupe fjordar og sylkvasse vestlandstindar.
I Ålesund, Norge sin vakraste by, tar du ein espresso og på fuglefjellet Runde ser du lundefuglen side om side med dedikerte naturfotografar med fotoutstyr til verdiar tilsvarende ein Tesla.
På Bjorli ventar ei veke på ski på det som kanskje er den mest snøsikre staden i landet. På Strandafjellet Skisenter helsar du på skiprofilar og får laussnøkøyring i verdsklasse midt i Sunnmørsalpane.
Året avsluttast på Hakallegarden. Då overtar skulen ein stor opplevingsgard og lagar ein "gøy-på-landet"-festival spekka med rare dyr, god mat, konsertar, diverse workshops, barbeque og cowboyfest.
Best av alt: Neste år er det din tur.
Obligatorisk: Ja
Pris: Inkludert i linjepris
Det aller meste av det beste byrjar med ein god start. Det gjer også eit folkehøgskuleår
Etter tre-fire veker på skulen sjekkar du inn på vakre Orreneset Leirstad i Sykkylven, midt mellom bre, fjell og fjord i Sunnmørsalpane. Der kan du gå på fjelltur, ta eit morgonbad, sove i hengekøye, spele fotball og volleyball, padle, ete god mat og avslutte ein fullspekka dag i fred og ro framfor leirbålet.
Høgdepunktet for mange er likevel turen inn Geirangerfjorden i eigen sightseeingbåt. Då får du sjå dei verdskjende fossane og dei stupbratte fjellsidene på nært hald. Du får også med deg ein tur opp til den spektakulære fjellgarden Skageflå. Det er på sånne dagar du forstår kvifor cruiseturistar frå heile verda har Geiranger på si bucket list.
På denne turen får du god tid til å betre kjend med dei nye klassekameratane dine. Når du kjem attende til skulen har du lært fleire namn og fått fleire nye venner enn du trudde kunne vere mogleg på få dagar.
Obligatorisk: Ja
Pris: Inkludert i linjepris
I mars flyttar vi heile skulen til fjells på jakt etter laussnø og gode skiopplevingar
Bjorli Skisenter er eit av dei mest snøsikre stadene i landet og byr på nydeleg skikøyring i dei elleve nedfartane. Her er løyper med variert vanskegrad - alt frå ein fem km lang nybyrjarvenleg rundløype til ein utfortrase rekna på Europacup-køyrarar som har det veldig travelt.
Bjorli byr også på fin, heisnær skogskøyring om du er av dei som likar det best. Her er små klippar du kan droppe frå, og dette er ein flott stad for å oppleve trygg og lett tilgjengeleg offpiste-køyring.
Dette er sosiale dagar med mykje skiglede i løypene, i parken, i laussnøen eller i solveggen utanfor varmestova. På kveldstid ventar god mat og like god underhaldning på Bjorliheimen som er eit tidlegare hotell. Og har du meir energi til overs, er det også mogleg å få seg ein treningstur i supre langrennsløyper.
Dette er kort oppsummert ei veke som dessverre er over alt for fort!
Obligatorisk: Ja
Pris: Inkludert i linjepris
På slutten av skuleåret pakkar vi soveposar og lavvoar og lagar vår eigen festival på ein bondegard.
Hakallegarden er ein opplevingsgard som har besøk av titusenar av turistar i løpet av eit år. Ei lita veke i slutten av april er det vi som tek over drifta av staden. Då er det til dømes du som skal stelle og fòre alpakkaen, påfuglen, eselet og miniatyrhestane. Og det er du som skal køyre Gråtass-traktoren.
Men festivalen er mykje meir enn berre dyrestell og gardsarbeid. Her er det mogleg å velje workshops der du kan padle på storhavet, segle i nordavinden, fiske frå ei 40-fots fiskeskøyte, vere med på RIB-turar, tove ull, lage batikk t-skjorter, flette eiga hengekøye, stisykle eller ete indrefilet steikt på bål i ein kjele med sand.
På ettermiddag- og kveldstid er det cowboyfest og linedance, kulturaften, konsertar, barbeque og konkurransar i bæring av staur, hesteskokasting og bogeskyting. Trøytt og utslitt går du og legg deg i soveposen i ein lavvoleir med plass til 120 medelevar.
Det er dette som er “Gøy på landet”.
På eit tidlegare kurs- og konferansehotell bur du på store rom med eige bad og dusj på alle romma. Hav, fjordar, strender og Sunnmørsalpar er dine næraste naboar.
Ein av dei største fordelane med skulen er at alt er under same tak. Det betyr at du kan gå frå rommet ditt til matsalen, elevstover og klasseromma utan å ta på ytterkle. Det er ikkje berre praktisk, det gjer det også mykje lettare å byggje eit godt skulemiljø.
På tunet ligg skulen sin gymsal og eit stort treningssenter med styrkerom, crossfit og squashbanar. Som medlem i KFUK-KFUM (500 kr per skuleår) har du fri tilgong til treningssenteret, badeland og klatrehall.
Nysgjerrig på kva meir skulen har å by på? Sjå punktlista under...
Go West, Go Wild!
På Sunnmøre finn du Geiranger, Hjørundfjorden, Strandafjellet Skisenter, Sunnmørsalpar og Runde Fyr. Legg vi til at Via Ferrata Loen og surfespot'n Hoddevika berre ligg halvannen time unna, forstår du at di nye leikegrind har det meste å by på.
Ulsteinvik er ein liten bygdeby som har blitt kåra til den mest attraktive tettstaden i landet. Her bur det 8000 innbyggarar og det er eit handelssenter for eit område med 25.000 mennesker. Her finn du det aller meste av det du treng. Pluss ein god del til.
Ulsteinvik er utanfor allfarveg. Heldigvis! Men byen er ikkje lengre unna enn at du kjapt kjem deg dit du vil. Du kan flyge med SAS og Norwegian frå Ålesund som ligg 50 min frå skulen. Enda nærare er Widerøe sine avgangar frå Ørsta-Volda. Den flyplassen er berre ein knapp halvtime unna. I tillegg går det to daglege bussavgangar frå Ulsteinvik til dei store byane i Sør-Norge.
Oppsummert: Velkomen til Ulsteinvik.
Velkomen til noko vilt, vakkert og ekte!
* Fri tilgong om du er medlem i skulen sitt lokallag av KFUK-KFUM (500 kr per skuleår)
Du søkjer deg inn på eit linjefag. Når året er omme kan det likevel vere opplegga på tvers av linjene som sit sterkast igjen.
Eit folkehøgskuleår er spekka med fellesopplevingar og turar - det finst nesten ikkje vanlege veker. Til det er det altfor mykje som skal gjerast på altfor kort tid. Litt struktur er det likevel i kvardagen.
Under kan du sjå det næraste vi kjem ei gjennomsnittsveke.
Last ned timeplan som pdf ↓Folkehøgskulelivet, og for så vidt livet generelt, liknar på Sunnmørsalpane: Det går opp og ned. Det fine er at du møter dagane med gode venner i ein heilt annleis skulekvardag enn på ein vidaregåande skule. Faga er færre og fridomen er større. Det gjer året ulikt frå veke til veke.
Kva som blir ditt høgdepunkt i året gjenstår å sjå...
Skulen har eit samarbeid med Ilula WMCA i landsbyen Ilula i Tanzania. Dette partnerskapet er ein del av KFUK-KFUM Global sin Stop Poverty-kampanje.
Kvart år samlar elevane på skulen inn mellom 500.000 og 700.000 kroner. Det blir organisert gjennom ein elevkomitè som heiter «IlulaLove». Denne komitèen sørger for at heile skulen bidreg med sponsorløp, loppemarknad, faste kafe-kveldar, live-sending på SoMe og ulike interne challenges.
I tillegg reiser Global.Safari-linja til Ilula kvart år og kjem på den måten tett på både prosjektet og lokale ungdommar. Dei kan med eigne auge sjå nytta av samarbeidet, og formidle dette vidare til resten av skulen.
Eit arbeid som blir gjort i Ilula er nettopp kåra til det aller beste av alle dei om lag 8000 bistandsprosjekta i landet. Det gjer oss trygge på at våre partnerar brukar dei innsamla midlane på ein god måte.
"Skulen er ein heim, og denne heimen er ein skule."
Desse orda er henta frå dei over 100 år gamle ordensreglane, og dei gjeld den dag i dag.
Kvar ettermiddag og kveld, vekedag som helg, er det mykje liv og røre i gymsalen, formingssalen, treningsstudioet, musikkstudioet, øvingsrommet, kapellet og elevstover.
Og om du skulle trenge nokon som pusher deg litt ekstra; ikkje ver uroleg. Vi har 13 fjorårselevar som er handplukka for å skape god stemning slik at du får eit så bra år som mogleg.
Her er berre ein liten smakebit av alt det som skjer av kveldsaktivitetar:
* Medlem i skulen sitt lokallag av KFUK-KFUM (500 kr per skuleår)
Miljønemd
Skulen har ei miljønemnd sett saman av elevar og tilsette som kvart år lagar ulike aktivitetar. Vi har fokus på berekraft både gjennom seminar, loppemarknad, valfag, fellesfag og linjefag.
"Grønt Flagg"- og Fairtrade-skule
Vi jobbar ut ifrå bærekraftsvedtaket til folkehøgskulane om å redusere CO2-utsleppet vårt med 40 prosent innan 2030. Vi rapporterer difor statusen kvart år gjennom Miljøfyrtårn sin portal.
Berekraftmål
Berekraft handlar ikkje berre om miljø, men om alle dei 17 FN-måla for berekraft. Vårt fokus omhandlar fleire av desse, sjølv om forbruk, miljø og rettferdig fordeling er mest framtredande. Håpet er at vi dette året får med oss kunnskap, bevisstheit og gode vanar som vi tek med oss vidare i livet.
I opptaket vert fylgjande kriterier vurdert:
Linja Global.Safari kan vere utfordrande for personar med nedsett helse og spesialkost grunna krevjande utlandsreiser
Skulen er eit tidlegare kurs- og konferansehotell og alt er under eitt tak. Skulen er universelt utforma og du kan dermed bevege deg frå rommet ditt til matsalen og dei ulike klasseroma utan å ha på ytterkle.
Alle elevrom har eige bad på rommet og eit av elevromma er tilpassa rullestolbrukarar. Det er heis mellom etasjene og bygget er difor tilgjengelege for alle. Mikrofonar og lydanlegg finst i alle felles undervisningsrom.
Som nevnt tidlegare: Gløym matpakke, her får du varm lunsj nesten kvar dag. I tillegg kan du forsyne deg av frukt og ein stor salatbar om du heller ynskjer det. På toppen av det heile dukkar det overraskende ofte opp deilig reste-fest-mat etter storfine arrangement i våre selskapslokaler.
Vi har fire kokkar som både sørger for heimebaka brød og som også vil gjere sitt beste for at du får næringsrik og velsmakande middagar. Vi har vegetarmat kvar dag og lager sjølvsagt gluten- og laktosefrie rettar om du treng det. Om du har andre diett-behov er det berre å ta kontakt. Det er normalt ingen ekstra kostnad knytta til dette.
Vi ynskjer å skape eit inkluderande miljø for alle elevane på skulen. Til å hjelpe oss med det har vi mellom anna stipendiatar (andreårselevar). Dei bidreg med sosiale aktivitetar på ettermiddag og kveldstid. Skulen har også ei tilrettelagt linje for dei som treng litt ekstra støtte i ein travel kvardag.
Tim er ein svensk superhelt og profesjonell brannmann. Han er klar på 1-1-3 når han høyrer ordet trening, og på hans Tim-plan står styrketrening, kickboxing, MMA og svømming. Tim er «jättenögd» når han får sin daglege dose med kaffe, blodslit og blålys-action.
Epost: ts@sufh.no
Telefon: 92284237
Håvard er ein sportsidiot som vart eit musikkgeni. Løpeskoa og langrennskia er lagt bort og no er han i staden musikklærar og frilansmusikar. Håvard bles like hardt i trombona som orkanar bles på Vestlandet og han er rå når han gir flat loop-pedal.
Epost: hkf@sufh.no
Telefon: 41409849
Svensken er to meter høg og to meter brei og er ei maskin med sekken full av horsepower, turerfaring og godt humør. Henrik er tidlegare landslagskøyrar i trail og var først ute med Multisport-konseptet. No er linja så bra at alle andre skular etterlikner den.
Epost: hp@sufh.no
Telefon: 92296746
På Vestlandet er alt lov når det gjeld namnekombinasjonar. Per Bernt er idrettslæraren med 0,8 i hcp i golf og 1. divisjonsspel for Hødd. "PB" er beinhard på fotballbanen, følsom på putting-greenen og mannen bak hashtagen #minjobberbedreenndinferie.
Epost: pba@sufh.no
Telefon: 91661814
Håkon er ein bygg-ingeniør som heller vil bygge mennesker. Han er 1,92 moh og mener sjøveien til det gode liv er store mengder H2O og enda fleire snøkrystallar. Han surfer gjennom livet og har også skyhøge ferdigheiter i parkour, klatring, paragliding og volleyball.
Epost: hhi@sufh.no
Telefon: 97099626
Sønnesyn er sønn til ein av skulen sine tidlegare rektorar. Fekk difor tidleg smaken på folkehøgskule. Han har jobba mange år som musikklærar, men har no bytta ut dur og moll med tur og toll. Øyvin er i norgestoppen i allsang og i verdstoppen i small talk.
Epost: os@sufh.no
Telefon: 90516475
Ingfrid har hovudansvaret for Bo.Aktiv-linja og er utrulig nok snillare enn det sjølvaste Mor Theresa var på same alder. Ho er lærar i valfag som teatersport, kvilepuls og strikking/hekling. Ingfrid er utdanna musikklærar og spelar på go’følelsen når det trengs.
Epost: ig@sufh.no
Telefon: 95941557
Beate er ein av lærarane på Bo.Aktiv som har litt for mykje overskot. Som utdanna formingslærar har ho kreative fag som redesign, maling og foto. Og berre for å vise at ho også kan roe ned, er ho valfaglærar i kunst og mat på bål.
Epost: bhl@sufh.no
Telefon: 97501470
Vegard er ein rar kombo av hard trening, avslappa friluftsliv, snekring, musikk, røykdykkar og sjåfør i brannvesenet. Vegard har befalsutdanning frå Sjøforsvarets Gymnastikkskole og har rykka opp til å bli ein sjølvskriven lagkamerat på Bo.Aktiv-linja.
Epost: va@sufh.no
Telefon: 93845216
Kongen på haugen. Nærmar seg 50 år og allereie jobba ved skulen i omlag halvparten av dei. Han starta som musikklærar og har snart vore rektor dei siste par tiåra. Arnt Ole er ein lokal songar med ei basstemme verda treng og eit talent for store standupscener.
Epost: aog@sufh.no
Telefon: 92812216
Øystein skaper god stemning med leikne ordspel. Med erfaring frå bre, fjell og fjord er han høgt og lavt og har budd i alt for mange av fylka i landet. Han kjenner difor helt sikkert naboen din, og du vil nok kjenne igjen litt av dialekta di når han snakkar.
Epost: ov@sufh.no
Telefon: 91544684
Ein kvar heim treng ei kjærleg kvinne. Vi har vår i internatleiar Kathrine. Ho er sjukepleiar i botnen, god på toppen og likar å bli kalla husmor. Det er henne du først oppsøker dersom du er sjuk eller treng nokon å snakke med. Det brukar å hjelpe.
Epost: khs@sufh.no
Telefon: 99012015
Bodil har tittelen kontorfullmektig, men jobbar i praksis som kontorallmektig. Det er ho som skaper godt fyrsteinntrykk på telefon og e-post. På kontoret rett innanfor hovudinngangen har ho ei oversikt som berre ChatGPT kan måle seg med.
Epost: post@sufh.no
Telefon: 70009600
Sunnmørske dollar er ikkje det viktigaste i livet, men det er greitt å ha orden på økonomien. Den tidlegare bankmannen sørger for at vi betaler det vi skal og får inn det vi treng. Han er ein av dei som utan problem forstår «tallenes klare tale».
Epost: on@sufh.no
Telefon: 47640847
Vaktmeisternes Mester har enno ikkje passert dei førti, men har allereie kjeledressen full av erfaring og heimesnekra løysingar. Han er tømrar, akkurat som Jesus, og gjer dagleg små og store miraklar på bassigitarar og på skulen si bygningsmasse.
Epost: ta@sufh.no
Telefon: 48897284
Kidane er ein alt-mulig-mann som aldri seier nei når han blir spurt om noko. Og om det dukker opp ei oppgåve som han ikkje har vore borti tidlegare, er mottoet velkjend: «Dette har eg aldri gjort før, så det klarer eg heilt sikkert.»
Telefon: 45071241
Arve har ansvaret for at elevane får mat fire gongar om dagen og at bygda får det dei treng til catering, kurs og selskap. Hans viktigaste oppskrift, er oppskrifta på suksess. Og som ein gla'laks og ivrig sportsfiskar bidreg han sjølv med kortreiste råvarer.
Epost: ae@sufh.no
Telefon: 70009600
Tor Inge har jobba på ulike kjøt- og fiskerestaurantar i inn- og utland. I tillegg har han segla på dei sju hav. No har han vendt grytene heimover for å trylle på eit kjøkken nær deg. Her er han rå som sushi og serverer middagar krydra med kjærleik.
Borghild er ein institusjonskokk som sjølv har blitt ein institusjon. I eit kvart århundre har ho laga mat til folket. Det gjer at repertoaret av «kokkens favorittar» blir større og større og større. Ho veit at vatn kokar ved 100 grader og at mjølk kokar når du snur ryggen til.
Monica bakar sannsynligvis Sunnmøres beste sjokoladekake. I tillegg er ho lærar på valfaget «hybelmat» der målet er å lage variert mat etter mottoet «sunt, bra, billig», med andre ord heilt etter oppskriftsboka med tanke på kokken sitt etternamn.
For eit par tusen år sidan meldte ein fyr at mennesket ikkje berre lever av brød åleine. Det forstår Sibel veldig godt. For i tillegg til brød og sirkus fyller ho også opp ein nydeleg salatbar til kvar einaste lunsj. Det er ikkje rart ho vert kalla Flex-Sibel.
Patricia jobbar raskare enn sin eigen skugge. Eller fortare enn svint som det heiter på fagspråket. Ho har bytta bort kanelbollar og dobbel latte i eit lokalt bakeri med heimebaka brød og rundstykker her på skulen. Det fortjener ho ein takk-for-maten-tale for.
Dei fleste arbeidsplassar har ein kollega som det er ekstra lett å bli glad i. Vi har vår i Stig. Han starta som elev i førre årtusen og er skulen sin trufaste hjelpar. Her ryddar han i matsalen, held orden på kjeldesorteringa og serverer frukt og nytrekt kaffi kvar dag.
Dette er et veldig sosialt år, og det er lett å få venner. Her blir du godt kjent med alle.
Dette har vært tidenes år! Jeg tror jeg rett og slett har blitt en annen versjon av meg sjøl.
Jeg følte jeg kom til et anna land da jeg kom hit. Jeg hadde aldri sett sånn natur før.
Fra 24. til 26. mars setter ni ungdomspolitikere seg på samme buss for å bo, debattere og møte elever på fire folkehøgskoler på Vestlandet.
Ingrid-Elisabeth og mange flere velger å flytte i kollektiv med venner fra folkehøgskolen, etter endt folkehøgskoleår.
