Voss har varierte tilbod; ni linjer, 120 elevar og dyktige lærarar. Kreative-, musikk-, frilufts- og ekstremsportlinjer! Stor fagleg breidde og allsidig miljø gir ein unik miks av ungdom og lærarar. Me ligg i sentrum av ekstremsport- og kulturbygda Voss, med skianlegg og gondol rett ved skulen.
Søk på skulenLinjer
bilder
Velkomen til eit sosialt og lærerikt år, fylt med utfordringar, meistring og opplevingar!
Voss folkehøgskule ligg idyllisk og sentralt til i bygda Voss, spegla i Vangsvatnet og omkransa av majestetiske fjell. Med gangavstand til alt du treng, er Voss ein perfekt plass for ein aktiv og kreativ folkehøgskule!
Skulen har ein stolt tradisjon heilt tilbake til 1895, og har ein unik bygningsmasse som har vakse seg gradvis større med tida. Men, me driv stadig med oppussing og oppgraderingar, og har attraktive og oppdaterte undervisningsrom. Tre store lydstudio, eigen kinosal, stor peisestove med biljard- og bordtennisbord, TV-stove, ny stor styrketreningsavdeling, gymsal med buldrevegg og eigne skiprepperom - for å nemne noko.
I tillegg brukar me fasilitetane og tilboda lokalt, som kulturhuset, det heilt nye Vossabadet med tre basseng og stupebasseng, idrettsanlegg, skianlegg og Noregs einaste vindtunnel. Alle elevar får prøve vindtunnelen i løpet av året - uansett linje!
Me er den folkehøgskulen i Noreg som ligg nærast eit skianlegg, med gåavstand til Voss resort. Her får alle elevar årskort og kan ta gondolen rett til fjells! I tillegg ligg super-snøsikre Myrkdalen berre 35 min unna.
På Voss finn du Ekstremsportveko, Vossajazz, Osafestivalen, Smalahovefestivalen - i tillegg til mange idrettsarrangement. Voss fhs er aktivt med på fleire av desse festivalane.
Voss folkehøgskule er ein frilynt folkehøgskule. For oss betyr det at me er fordomsfrie og tolerante i møte med alle menneske.
Den store variasjonen vår i linjer og valfag gir eit kreativt og aktivt miljø, med elevar med ulik bakgrunn frå heile landet. Saman skaper me eit unikt fellesskap der me kan dele opplevingar, meistring og vennskap. Det gir stort rom for personleg vekst. Ei investering for resten av livet!
Våre sentrale verdiar er glede, openheit, undring og tryggleik:
Me legg til rette for glede som varer livet ut. Me tilbyr trygge aktivitetar på datarom, i studio, i elva, i lufta og i pudderet vi har så mykje av. Me undrar oss om verda, om smått og stort i livet og i faget, og me er opne og ærlege med og for kvarandre.
På Voss fhs får du fleire fellesskap å høyre heime i. Først og fremst linja di, men du bur også på ein av dei seks internat-avdelingane, eller "gangane". Gangane jobbar saman og lagar til dømes underhaldning på elevkveldane for dei andre elevane. Kvar gang har også ein gangtime, ein time i veka som vert leia av ein lærar. Her handlar det om å få livet på internatet til å gå så godt og knirkefritt som råd er. Når vi bur tett på kvarandre, må vi lage, forstå og respektere avtalar for at alle skal trivast.
- Morgonsamling kvar morgon, nokre kloke ord, song og praktisk info for dagen.
- Kvar tirsdag har vi Miniseminar. Ofte er det eksterne føredragshaldarar som inspirerer, eller ein av lærarane som brenn for ei sak.
- Laurdagstema. Det kan vere eit tema eller ein dagsaktivitet med eigne eller innleigde resurspersonar.
Voss har varierte valfag. Du vel valfag for hausten, og på nytt frå nyttår. Vi har delt valfaga inn i fagkategoriar som inneheld ulike fag. Vi har linjedagar kvar mandag, onsdag og torsdag. Vi har fellesdagar kvar tirsdag og laurdag og valfag tirsdag morgon og heile fredagen!
Eksempel på fag: Spel-design, Grafikk, Årbok, Fotoredigering, Elektronikk. Er du datainteressert og vil lære meir?
Voss er et internasjonalt senter innan ekstremsport og på Voss kan du få høve til å prøve fleire sportar i våre valfag, smakebitar der du kan finne ut om dette er noko for deg. Ekstra kostnader.
Eksempel på fag: Kamera, Regi, Produsent, Redigering, Animasjon, Filmanalyse. Du får lage film, eller du får sjå og diskutere film frå ulike sjangrar.
Pris: 500,-
Ønsker du å lære deg havpadling? Skolen har kajakker som du kan bruke på egenhånd. Intro kurs havkajakk blir gjennomført. Pris inkluderer leige av kajakk + kursbevis.
Fag kan vera: Teikning, Grafikk, Strikking, Sløyd og Foto. Å vere kreativ er sentralt for alle menneske. Her kan du skape sjølv.
Fag kan vera: Band, Studio, Innspeling, Teori, Stå på scenen. I musikk er det viktigaste å spele saman; her møtest øving og teori. Skulen har eige lydstudio, kanskje det beste mellom Bergen og Oslo?
Døme på fag: Alpint, Snøbrett, Frikøyring og Skitur. I frikøyring må du vera god på ski eller snowboard. Elles krev vi ingen forkunnskapar. Det største skisenteret på Vestlandet rett ved skulen.
Aktivitet ladar batteria. Våre aktive valfag kan til dømes vera: Ballspel, Buldring, Basistrening, Bordtennis, Yoga, Mental trening.
Faga kan innehalde: Tur- og naturglede, Fjelltur, Sykkel, Bær, Fiske, Smalahovud, Isbading, Grøn livsstil. Voss er omkransa av fjell og vakker natur. Her kan du oppleve og lære meir om naturen.
Pris: 7 000,-
Lær deg å fly i formasjon i lagsporten vindtunnelflyging! Me vil gå metodisk gjennom forskjellige teknikkar for kroppsflyging og konkurranseforma FS4A. Avsluttar med mogelegheit for NM hos Voss Vind!
Pris: 600,-
Voss er omringet av sykkelstier. Vi kan ta gondolen opp og sykle ned igjen til skolen! Passer for deg som er nybegynner og har syklet før. Oppfordres til å ha egen sykkel, men kan også leige sykkel.
Dei fleste på Voss fhs bur på dobbeltrom. Her kan du trekkje deg tilbake, men òg ta del i eit fellesskap. Du vil bu tett på 120 andre ungdomar. Stikkorda er tillit, toleranse, tolmod og ikkje minst mykje trivsel!
Voss folkehøgskule har to store internat og eit lite:
Midtgard har plass til ca. 60 elevar. 25 dobbeltrom, ti enkeltrom. Alle romma har eigen dusj og toalett.
Jomsborg har plass til ca. 50 elevar, fordelt på enkelt- og dobbeltrom. Her er det dusj og toalett i gangane, men det er vask på romma. Alle romma er moderniserte i 2015-17 og er lyse og fine.
Nerigard har plass til ca. 10 elevar i enkle og doble rom. Romma har vask. Dusj og toalett er på gangen.
Voss folkehøgskule ligg på garden Seim, rett vest for Voss sentrum. Husa våre er gamle, tradisjonsrike, raudmåla og sjarmerande. Me har ein vakker og særprega stil som skapar eit miljø det er lett å trivast i. Her ser du ut over Vangsvatnet og fjella rundt Voss. Dette er truleg ein av dei vakraste skulane i Noreg.
Skulen ligg i gangavstand til Voss sentrum med mange butikkar, kulturhus, Vossabadet og offentleg transport.
Voss er eit regionsenter, handelssenter og trafikknutepunkt. Me har godt utvikla kommunikasjon til og frå heile Sør-Noreg. Ta toget til Bergen og Oslo med Bergensbanen, eller køyr hovudvegen mellom Oslo og Bergen på E16, som går gjennom Voss sentrum.
Det går fleire tog til Oslo og Bergen dagleg. Reisetida er 1t og 15 min med tog til Bergen og 5 timar med tog til Oslo. Bergen, Lillehammer, Kristiansand og Haugesund kan du òg nå med buss. Tek du fly, landar du på Flesland rett utanfor Bergen. Så tek du bybana til sentrum og toget til Voss. Enkelt og greitt.
Voss er ei utprega idretts- og kulturbygd, omkransa av fjell og fantastiske fjordlandskap. Ekstremsportveko går av stabelen kvar vår, og like ved skulen ligg eit av Nord-Europas beste alpinanlegg: Voss Resort i Bavallen.
Arrangement:
Timeplanen er variert
• morgonsamling: kvar dag
• linjefag: 3 dagar i veka: måndag, onsdag og torsdag, 15t
• valfag: 2t tirsdag og heil dag fredag
• fellesfag og fellesaktivitetar: 1,5 dag, tysdag og laurdag
• laurdagsundervisning dei fleste laurdagane
• elevkveldar
• linjeveker
• prosjekt
• reiser
Denne får du ved studiestart.
På kvelden skjer det mykje for den som vil. Skulekino i kinosalen. Trening i gymsal og styrkerom. Lage film. Spele data. Turneringar. Spele inn musikk i studio. Bading i Vossabadet. Flyging i vindtunnell. Trening på treningsenter. Nytte kulturtilbodet på Voss. Kveldskøyring i Voss Resort. Huskonsertar. Brettspel. LAN. Kosekveldar. Elevkveldar. Strikking. Kunst Design/ redesign/ bruk av symaskin. Aktivitetar med tilsynslærar ...og mykje meir! Skulen står til din disposisjon.
Du kan søke allereie frå 1. oktober, men me startar å sende ut svar 1. februar. Etter det vert alle søknader behandla fortløpande. Det kan vere lurt å søke tidleg! Du får tlf/sms og/eller brev om du har fått plass eller ikkje. Alle søkarar blir kontakta.
Me har 18-års aldersgrense: Du må fylle 18 år innan utgangen av det året du vil begynne her.
Nokre linjer krever helseattest, sikkerheitsattest eller forkunnskapar/ferdigheiter. Les meir om dette under kvar linje-side, eller på skulens nettside.
Skulen er delvis tilpassa rullestolbrukarar. Me har heis og eit internat egna for rullestol. Men skulen er gamal og ein del av bygga er dessverre ikkje universelt tilpassa og tilgjengelege. Ta kontakt for meir informasjon. Me pleier å få til gode løysinger etter behov.
Me tilbyr glutenfri mat, laktosefri mat og tilpassing til andre allergiar. Gje oss beskjed i god tid slik at me kan legge til rette for deg.
Me tilbyr også vegetar og vegansk mat til dei som ønsker det. Om det er mat du ikkje spiser av religiøse grunnar eller av andre årsaker, ta kontakt med oss.
Me tilpasser så langt det er råd, slik at det blir mogeleg for deg å delta på lik linje med dei andre.
Siren har sjølv vore elev på Voss folkehøgskule. Det har forma livet hennar. Ho utdanna seg til lærar i idrett og samfunnsfag, og har vidareutdanning i rus, psykologi og rettleiing. Ho har jobba på andre folkehøgskular og skular, og i rus- og kriminalomsorgen. No er ho glad for å vere tilbake på Voss! Når ho ikkje rektorerer eller underviser, elskar ho å reise og lære om ulike kulturar!
Epost: siren@voss.fhs.no
Telefon: 92024013
Oda Frigg er ein mulitkunstnar. I både skodespel, teater, dans, pilates og ikkje minst organisering og planlegging. Aller best er ho likevel til å gjera andre gode. Ho gir absolutt alt for å få elevane til å nå sin beste versjon av seg sjølv. Oda Frigg har utdanninga si i drama og teater fra NTNU, og dans frå Norges Dansehøyskole. Før ho kom til Voss var ho lærar på Nordmøre folkehøgskule.
Epost: odafrigg@voss.fhs.no
Telefon: 97153379
Ringer du til skulen, er det som regel Ingebjørg som tek telefonen. Ho har ansvar for økonomi og betaling. Korleis gjer du det med lånekassen, betaling og økonomi? Ingebjørg veit svaret og rettleiar deg. Døra inn til Ingebjørg sitt kontor er alltid open for elevane.
Epost: ingebjorg.fjose@voss.fhs.no
Telefon: 56529040
Heime er Bodil mor til to. På jobb har ho ansvar for 120 ungdomar! Er det nokon som er sjuke og ikkje kan delta i undervisning? Bodil har kontroll og ser til alle elevane. Ho sjekkar vask av rom og gir rettleiing. Lurer du på forskjellen mellom klesvask på 40 og 60 gradar? Praktiske spørsmål eller om du treng ein trygg vaksen å prate med. Det er ein grunn til at internatleiar kallast husmor.
Epost: bodil.jansen@voss.fhs.no
Telefon: 99475024
Arild er elvepadlar, frikøyrar og toppturentusiast, klatrar og friluftsmann. Han brenn for naturen og miljøet, og er ei ildsjel i det lokale ekstremsportmiljøet. Han var initiativtakar til skulens fyrste ekstremsportlinje, og har vore pådrivar i utviklinga av tilbodet me har i dag. Arild har i ei årrekke vore sikkerheitsansvarleg for Ekstremsportveko.
Epost: arild.tvilde@voss.fhs.no
Caroline er ei sprudlande dame som elskar ei utfordring. Ho driv mellom anna med snowboard, klatring, downhill sykling, kiting og paragliding. Ho har to Alaska huskyar; Nanook og Riven, som ofte er med på skuleturar. Caroline har utdanning innan idrett og friluftsliv, pedagogikk, er sertifisert personlig trenar og instruktør i nesten alt.
Epost: caroline.onarheim@voss.fhs.no
Telefon: 97694471
Instagram: @flowerkite
Lars har i mange år reist og køyrt ski og hoppa fallskjerm rundt i verda, før han slo seg ned på Voss i 2010. Han har instruktørutdanning på øvste nivå innan alpint og telemark, fallskjerm, paragliding og speedriding. Han har drive med luftsport sidan 1993 da han vart utdanna fallskjermjeger ved Hærens Jegerskole. Han har også fleire års erfaring med og halde kurs i elvepadling og klatring.
Epost: lars.haukom@voss.fhs.no
Instagram: @larshaukom
Instagram: @vossfhsluft
For Camilla er livet å vere kreativ. Alt innan foto, film, teater og dei fleste andre kunstformer er spennande, i følgje ho. Mest av alt elskar ho å hjelpe elevane til å dyrke sin eigen kreativitet. Camilla er sjølv utøvande kunstnar og har delteke på ei rekke utstillingar og filmfestivalar. Ho har bachelorgrad i foto og master i kunst med fordjuping i film frå Kunsthøgskulen i Bergen.
Kristin er ei positiv dame med stort engasjement for folkehøgskulen. Ho elsker fjellturar og friluftsliv, gjerne på hytta i Vossafjella. Kristin er sertifisert yoga instruktør, med hjarte for god psykisk helse og trivsel. Ho er utdanna systemutviklar, har mastergrad i Kommunikasjon/IKT fra USA, samt pedagogisk utdanning. Før ho kom til Voss arbeidde ho ti år i IKT- og mediebransjen i USA.
Epost: kristin.opsum@voss.fhs.no
Kristian er musiker til margen, og lagar aller helst musikk kvar dag. Han er eit utprega ja-menneske, og boblar ofte over av både engasjement og latter når du møter han. Kristian har bakgrunn som bandmusiker, produsent, singer-songwriter og elektronisk musiker. Han har musikkutdanning fra LIPA (Paul McCartney-skolen), master i musikkpedagogikk, i tillegg til utdanning i dramapedagogikk og kunst.
Bjørnar har i mange år jobba som musikar i Oslo og vore aktiv på jazzscener rundt omkring i landet. Du kan høyre han i band som Arne Torvik Trio og Hullyboo. Bjørnar er ellers glad i å vere i naturen og å stå på snowboard på vinteren. Bjørnar har bachelor i utøvande jazz og improvisasjon ved Norges musikkhøgskule og pedagogikk frå samme stad.
Jon er både fjellmann og ein dyktig seglar. I tillegg har han god peiling på treskjæring, symjing og skikøyring. På fritida er han stupetrenar og orienteringsløpar. Trass i mengder med dårlege vitsar, er Jon omgjengeleg og ein god samtalepartnar. Han har som regel ansvar for å leie skulens festar, og har ofte ei god historie på lur. Jon har lærerutdanning og idrettsbakgrunn frå forsvaret.
Epost: jon.grendahl@voss.fhs.no
Amund trivst best ute heile året - på sykkel, jakt, fisketurar eller lange fjellturar. Amund er ein allsidig folkehøgskulelærar som også tilbyr danseopplæring og gitarundervisning på nybegynnarnivå. Ein konkurransemann, og skulens trønderalibi! Amund har utdanning frå idrettshøyskolen i Oslo og som offiser i hæren. Han er skiinstruktør, driv med kiting og er idrettsentusiast.
Epost: amund.sletner@voss.fhs.no
Bjørn har ei bachelorgrad i datagrafikk, som er skjeringspunktet mellom teknologi og design, og har hatt ei lang fartstid i videospelbransjen. Han har òg utvikla webplattformer som teknologisjef. På fritida sit han anten og kodar foran datamaskina eller så sit han å maler akvarell.
Epost: bjorn.slettemark@voss.fhs.no
Irene har ansvar for marknadsføring og elevopptak. I tillegg underviser ho i valfag, og har god peiling på alt som har med arrangementsplanlegging og ulike media å gjere. Irene har utdanning innan film og tv frå høgskulen i Volda og England, og har jobba mange år både i NRK og som filmlærar på Voss fhs før ho tok steget inn i administrasjonen.
Epost: irene.nesse@voss.fhs.no
Telefon: 92602326
Irene er frå Voss. Ho har jobba som kjøkkenassistent på Voss folkehøgskule sidan 2006. Ho har sambuar og 3 gutar. Ungdom heime og ungdom på jobb!
På ein internatskule, der elevane har fire måltid om kvardagane og tre i helgane, er maten særskilt viktig. God mat er god helse og høg trivsel. Jobben til Osmine er å organisere og leie kjøkkenet, slik at elevane får ei god, variert og innhaldsrik meny i løpet av veka. Ho har vore kjøkkensjef sidan 1996, og trivst med å lage god mat til nøgde elevar!
Epost: osmine.austbo@voss.fhs.no
Aina er kokk med glutenalergi. Det er flaks for oss, for slikt blir det mykje god glutenfri mat av! Så lenge ho slepp å ete nudlar og kveitebollar, har Aina eit sprudlande humør, og fortel gjerne røvarhistoriar om livet på Voss. Aina har tidlegare erfaring frå både hotell, restaurant og kafékjøkken.
Mariann er frå Voss, og begynte som kokk på Voss folkehøgskule i 1991. Ho har lengst fartstid av samtlege tilsette på skulen! Mariann likar å lage god mat, og trivst når ungdomane har gode måltid og set pris på maten.
Kjetil er vaktmeister og bur på skulen. Kjetil si viktigaste oppgåve er å sikre at internat- og skulebygga er funksjonelle og trygge. Ser du noko som ikkje er som det skal, blir Kjetil glad for ei melding. Det finst mest ikkje ein ting han ikkje kan fikse! På fritida er Kjetil aktiv orienteringsløpar. Han vil nok løpe i frå dei fleste elevar i motbakkeløp, om nokon tek utfordringa!
Anthony jobbar som vaktmester, spesielt med oppussing og rehabilitering. Han kjem frå Bretagne i Frankrike men har budd dei siste 16 årene i Noreg. Han er utdanna møbelsnekkar frå Frankrike og har i tillegg ei fotoutdaning frå Bergen. Anthony likar å reparere og byggje ting – alt frå eige snøbrett, skateboard og jib’er til møblar. På fritida kjører han gjerne snøbrett eller terrengsykkel.
Ekstremsport er fremdeles det beste året jeg har hatt etter videregående. Jeg fikk testa egne grenser og oppleve mestringsfølelse, uten andre forutsetninger enn å være nysgjerrig og eventyrlysten. Det la grunnlaget for tiden etter folkehøgskolen.
Året på Voss FHS gav meg ein ny verden! Fantastisk år der elvepadling og friluftsliv gjorde kvardagen til ein leik. Ulike venner frå heile landet har gitt meg eit heilt unikt nettverk!
