Brassband
- Manger folkehøgskule – Manger
- Telefon: 56348070
- E-post: kontor@manger.fhs.no
- Kurslengde: Heilårskurs
- Linjefag: 19 timar/veke
- Pris: fra 136 000,-
- Stad: Manger, Vestland
- Studietur: Konsertturné og kultur i brassbandverdas vugge
Dette er linja for deg som har slite ut nokre sko i skulekorpset og er klar for meir! Brassbandlinja gir deg akkurat det – meir musikk. Dyktige lærarar sørgjer for variert og inspirerande undervisning tilpassa deg og det nivået du har nådd med instrumentet ditt. Gled deg til mykje godt samspel!
Du møter likesinna ungdom på alle nivå. Nokre har ambisjonar om å gå vidare på høgare musikkutdanning, medan andre vil ha korps som ein gjevande hobby.
Brassbandlinja nyt godt av eit stort kontaktnett i Noreg, men også rundt omkring i Europa. Me får jamleg besøk av gjestedirigentar på toppnivå som jobbar med profesjonelle orkester, militærkorps og dei aller fremste brassbanda i verda. Me samarbeider med Manger Musikklag og Eikanger-Bjørsvik Musikklag.
Hovudfokus på brassbandlinja er samspel i fullt brassband. I løpet av ei veke har me 2–4 fellesøvingar. Musikkutvalet varierer på dei ulike prosjekta.
I løpet av året deltar brassbandet mellom anna på kveldskonsertar saman med lokale korps, turnéar og ikkje minst vår eigen julekonsert og avslutningskonsert. Du får moglegheiter til å spele på kryss og tvers av alle linjene med eigne arrangement, blåserekker for band og storband.
Mange av våre elevar finn seg eit korps å spele med på fritida, og skulen legg tilrette for at dette skal vera mogleg og set deg gjerne i kontakt med lokale korps.
Du får individuelle timar saman med topp kvalifiserte instrumentallærarar.
Dette er linja for deg som har slite ut nokre sko i skulekorpset og er klar for meir! Me tar deg nokre steg lenger med inspirerande undervisning tilpassa til ditt nivå.
Hovudfokus på brassbandlinja er samspel i fullt brassband. Andre samspelfag er ensemble og fellestimar.
For å byggje opp under samspelsferdighetane, har me i løpet av veka også ei rekkje andre musikkrelaterte fag:
Me jobbar ut frå nivået du er på og strekkjer oss så langt du har lyst og kapasitet. Sidan folkehøgskule er ein eksamensfri skule, er det din eigen motivasjon til å bli betre som driv deg. Kva du arbeider med og kor langt du når er mykje opp til deg sjølv og di vilje til arbeid mellom timane.
Obligatorisk: Ja
Pris: Inkludert i linjepris
Varighet: 7 dagar
Måltider pr dag inkludert: 2
Brassbandlinja sin utanlandstur går mellom anna til Storbritannia, der dei spelar konsertar, både med andre korps og åleine. Der besøker dei mellom anna Black Dyke Band, Brighouse and Rastrick’s Band, University of Huddersfield, Royal Northern College of Music og University of Salford. I tillegg vert det ofte litt tid til sightseeing i York, og å ta inn storbykjensla i Manchester eller Liverpool. Nokre år har ein og vore så heldig å få med seg diverse konkurransar. som til dømes Europameisterskapet i Birmingham 2022 og det Walisiske regionale meisterskapet.
Destinasjon kan endra seg frå år til år.
Henning startet å arbeide på Manger Folkehøgskule (MFHS) i 2009. Han jobber på Brassbandlinjen som dirigent, og på Musikk, bu og fritid som musikklærer. Utdanningen har han fra griegakademiet, der han studerte trompet og musikkpedagogikk. I tillegg til å arbeide på MFHS dirigerer Henning Skodvin Skulemusikk og er freelancemusiker. På fritiden spiller han principal i Eikanger-Bjørsvik Musikklag.
Epost: henning.anundsen@vlfk.no
Grethe er utdanna ved Bergen musikkonservatorium og Norgen Musikkhøgskole under Kim Lofthouse, John-Aril Suther og Ingemar Roos. Ho jobbar med messing og samspel, på kryss og tvers av linjer og sjanger. I tillegg til å vera profesjonell utøvar har ho stor glede av å ha brassband som hobby, og kan visa til 30 år som solotrombonist i Eikanger-Bjørsvik. På fritida er det segling og fjelltur som gjeld
Epost: Grethe.Tonheim@vlfk.no
Margaret er utdanna i utøvande musikk, musikkvitenskap og musikkpedagogikk, og har arbeidd som musikar sidan 2003. Ho vaks opp på Manger folkehøgskule, gjekk på brassbandlinja og har alltid visst at det var der ho ville arbeide. Margaret dirigerer brassbandet, underviser diverse fag på både brassband- og stipendiatlinja, og har nokre fellesfag for heile skulen.
Epost: Margaret.Sutherland.Antrobus@vlfk.no
Telefon: 45439548
Jane er trompet/kornettlærar på Manger Folkehøgskule. Ho er utdanna på Konservatoriet i Bergen og ved Guildhall i London.
Jane har brei erfaring frå brassband miljøet. Ho har spelt Principal kornett i Eikanger Bjørsvik Musikklag i 20 år. Jane er musikalsk leiar i Krohnengen Brassband. Ho dirigerar BB i periodar på skulen, og har Yoga valfag. Gjestar har vore bla; Rapa og Guggenberger.
Epost: Jane.Westervik@vlfk.no
Helga har jobba på Manger sidan 1991, er messingblåsar og leier instruksjon/aspirant, lytting, ensemble, valfag, fellestime, ind.time på alle grovmessing. Ped.utdanning med euphonium/tromb frå Bergen Musikkonservatorium med mentor Kim Lofthouse. Spelte baritone, tuba, solo og tutti euphonium i Manger Musikklag frå 1977-2015 og lært mykje av gode dirigentar. Valfag kaldvassbading.
Epost: Helga.Vetas@vlfk.no
Torstein Aagaard-Nilsen er utdanna ved Universitetet i Bergen og Bergen Musikkonservatorium, der han studerte trompetspel, musikkteori, komposisjon og pedagogikk. Aagaard-Nilsen har lang erfaring. Under BrassWind 2024 var det urframføring av hans verk Surrounded by memories, med den amerikanske solisten, Sarah Belle Reid. Ho spela trompet kopla til modul synthesizer, med orgel og trompetensemble.
Stian Villanger er utdanna musikar frå University of Salford i England, der han studerte trommesett med Dave Hassell. Som frilans trommeslager har han jobba i ei rekkje samanhengar, og for tida spelar han fast med Carsten Dyngeland Trio/Kvartett, Ole Amund Gjersvik Trio, Monks Mood m/Knut Kristiansen og Scandinavian Entertainment Service sitt eventorkester.
Epost: Stian.Villanger@vlfk.no
Årsplan 2024/2025
Halvårskurs Vår-25
6. januar: Skulestart
Årsplan 2025/2026
26. august: Skulestart
I løpet av skuleåret har vi tre valfagperiodar. Ein på hausten, ein på vinteren og ein på våren. Det er ulike former for musikk, sport, forming, spel, teoretiske fag og andre aktivitetar. Tilbodet varierer for kvar periode alt ettersom kva lærar eller elev som har timane. Det er ulikt frå år til år.
Her kan du læra meir om komposisjon, og samanhengen mellom musikk og film.
Her lærer du å stelle hest, sale og ri.
Kreative aktiviteter med fokus på indre prosessar. Me lagar zentangles, mandalas, draumefangarar m.m.
Her får du ei innføring i korleis du skal marknadsføre eit produkt.
Lær deg piano eller få hjelp til å vidareutvikle dugleiken din. Undervisninga er tilpassa ditt nivå.
Spel storbandmusikk av Leiva og Barnes. Mogleik for å spele eigne arrangement og improvisere.
Føregår som “åpen undervisning” der ein spelar for kvarandre, anten ein vil førebu seg til prøvespel eller berre trene seg på å spele for andre.
Få grunnleggjande dugleik i notasjons-programmet Sibelius.
Har du sangglede og ynskjer å synge i eit mindre vokalensemble og utfordre deg sjølv, så er kammerkoret rette plass.
Lyst å utvikle stemmen din? Få sangtime med vår sangpedagog.
For messingblåsare som ynskjer å jobbe ekstra med korrekt speleteknikk.
Eit tilbod til elevar som ynskjer å sjå ulike musikkdokumentarar og diskutera innhaldet i desse. Ein får innsyn i ulike genre og blir kjend med korleis ulike artistar påverkar samtida og ettertida si.
Her kan du få vera med i ei gruppe som strikker og prater. Me satser på å strikke tøfler som me skal tova i vaskemaskin. Om du vil kan du også få strikka ullsokker, pannebånd og andre varme bruksting.
Ein introduksjon til enkel yoga og meditasjon.
Ikkje ofte det er is på sjøen her i vest, men me kan lova at det er kaldt i vatnet.
Gjer kroppen sterkare med sirkeltrening/intervalltrening.
Kreative aktivitetar som toving, laga t-skjorte, laga sitteunderlag og laga drops.
Ein slags bokklubb for deg som er glad i å lesa bøker (romanar/faglitteratur/tekstar). Her får du moglegheit til å diskutera/samtale kring det du har lest.
Me ventar på deg! Hjå oss på Manger folkehøgskule får du utvikla talentet ditt i lag med andre kreative, musikalske ungdommar og dyktige lærarar. Me lovar deg musikk frå morgon til kveld.
Bli med oss og ta musikken din eit steg vidare.
Skulen har ei rekkje øvingsrom, dei fleste med piano, som er tilgjengelege fram til 22.00 kvar dag. På vår maclab finn du 10 iMac-maskiner med Sibelius noteprogram og EarMaster.
Skulen har også ein del messinginstrument til disposisjon og fullt utstyrt slagverksavdeling, av høg standard.