Me ventar på deg! Hjå oss på Manger folkehøgskule får du utvikla talentet ditt i lag med andre kreative, musikalske ungdommar og dyktige lærarar. Me lovar deg eit år med musikk frå morgon til kveld. Bli med oss og ta musikken din eit steg vidare.
Søk på skulenLinjer
bilder
Manger er ein frilynt folkehøgskule med rundt 60-65 elevplassar, og ligg på Manger i Alver kommune utanfor Bergen. Skulen har fleire linjer og fordjupningsfag, moderne fasilitetar og lærarar med høg kompetanse. Ein liten skule med fullt fokus, store ambisjonar og mange forventningar.
Manger folkehøgskule er for deg som vil utvikle talentet ditt i eit kreativt miljø. Du møter erfarne og dedikerte lærarar som dekkjer eit breitt fagområde.
Manger er ein frilynt folkehøgskule. Dialog, miljøengasjement, interesse og entusiasme pregar skulen. Målet er at du neste vår skal kunne seia: Eg er eit rikare menneske, eg kan meir, eg veit meir, eg bryr meg om meir.
Dette er timar som alle deltar i på tvers av linjene.
Kvardagane startar alltid med ei morgonsamling, med allsong, informasjon og «ord for dagen».
Ein til to gongar i månaden er det huskonsert. Alle er velkomne på scena, i eit trygt, inkluderande og inspirerande miljø.
Ein viktig del av året er internatlivet. Dette inkluderer å halde det reint og ryddig på sitt eige rom.
Aktivitetar der alle stiller med si eiga røyst, sin eigen bakgrunn og sine eigne føresetnadar. Me syng i kor, skapar lagånd, snakkar om psykisk helse og lagar prosjekt på tvers av linjene.
To timar i veka der du veljer mellom ulike aktivitetar som idrettshall, fotball, jogging, sykling, turgåing og treningsrom.
I tillegg til undervisning med dei tilsette, får me besøk av gjestar. Dei held seminar om ulike tema som ikkje alltid er musikkrelaterte.
I løpet av skuleåret har vi tre valfagperiodar. Ein på hausten, ein på vinteren og ein på våren. Det er ulike former for musikk, sport, forming, spel, teoretiske fag og andre aktivitetar. Tilbodet varierer for kvar periode alt ettersom kva lærar eller elev som har timane. Det er ulikt frå år til år.
Kreative aktiviteter med fokus på indre prosessar. Me lagar zentangles, mandalas, draumefangarar m.m.
Lær deg piano eller få hjelp til å vidareutvikle dugleiken din. Undervisninga er tilpassa ditt nivå.
Spel storbandmusikk av Leiva og Barnes. Mogleik for å spele eigne arrangement og improvisere.
Føregår som “åpen undervisning” der ein spelar for kvarandre, anten ein vil førebu seg til prøvespel eller berre trene seg på å spele for andre.
Få grunnleggjande dugleik i notasjons-programmet Sibelius.
Har du sangglede og ynskjer å synge i eit mindre vokalensemble og utfordre deg sjølv, så er kammerkoret rette plass.
Lyst å utvikle stemmen din? Få sangtime med vår sangpedagog.
For messingblåsare som ynskjer å jobbe ekstra med korrekt speleteknikk.
Eit tilbod til elevar som ynskjer å sjå ulike musikkdokumentarar og diskutera innhaldet i desse. Ein får innsyn i ulike genre og blir kjend med korleis ulike artistar påverkar samtida og ettertida si.
Her kan du få vera med i ei gruppe som strikker og prater. Me satser på å strikke tøfler som me skal tova i vaskemaskin. Om du vil kan du også få strikka ullsokker, pannebånd og andre varme bruksting.
Ein introduksjon til enkel yoga og meditasjon.
Ikkje ofte det er is på sjøen her i vest, men me kan lova at det er kaldt i vatnet.
Gjer kroppen sterkare med sirkeltrening/intervalltrening.
Kreative aktivitetar som toving, laga t-skjorte, laga sitteunderlag og laga drops.
Ein slags bokklubb for deg som er glad i å lesa bøker (romanar/faglitteratur/tekstar). Her får du moglegheit til å diskutera/samtale kring det du har lest.
På Manger bur og lever ein tett saman i eit trygt og godt miljø. Her går du ikkje heim når skuledagen er slutt. Skulen er heime, og dei andre elevane er familie, venner og kjente. Du et ved same bord og søv i same rom som menneske du elles kanskje ikkje hadde blitt kjent med. Står opp, går på skule, øver og strevar, et og søv – aldri åleine. Slikt blir det livslange venskap av.
Skulen har moderne internat med lyse og trivelige rom, eige bad med dusj og toalett.
Dei fleste bur på dobbeltrom, men me har nokre få enkeltrom mot eit tillegg i prisen på 6000 kroner. Dersom du har spesielle ønskjer eller behov, kan du søkja om enkeltrom.
bilder
Skulen ligg sentralt på Manger i Alver kommune ca. 50 kilometer nord for Bergen. Frå skulen er det i underkant av ein time køyring til Bergen. Det er fleire bussavgangar til og frå sentrum både kvardagar og i helgene.
Bergen er eit trafikknutepunkt for fly, tog, båt og buss. Frå Bergen sentrum er det gode bussforbindelsar til Manger. Turen med buss tar om lag 1,5 time.
Flesland flyplass har forbindelse med heile landet og frå terminalen kjem du deg til sentrum på om lag 30 minutt. Jernbanestasjonen i Bergen ligg vegg i vegg med busstasjonen. Både Hurtigruta og snøggbåtar frå Sunnhordland og Sogn og Fjordane legg til i sentrum. Til Bergen busstasjon går det dessutan ekspressbussar både frå nord, aust og sør.
Buss nr. 320 går frå perrong C på Bergen busstasjon. For tider sjå skyss.no.
Årsplan 2023/2024
Stipendiatane arrangerer litt ulike aktivitetar ein kveld i veka. Desse varierer alt etter kven som er ansvarleg. Me har hatt karaoke, Just Dance, pingpong-turnering, stein-saks-papir-turnering, morderleik, basketball-turnering, quiz, teikning, filmkveld osb.
Opptaket skjer på bakgrunn av søknaden din og det du skriv om motivasjon, interesse og forventningar. Gje utfyllande opplysningar om bakgrunnen din og om kvifor du søkjer folkehøgskule generelt og den aktuelle faglinja spesielt.
Vi tilbyr glutenfri mat, laktosefri mat og tilpassing til andre allergiar. Gi oss beskjed i god tid slik at vi kan legga til rette for deg. Vi tilbyr også vegetar, vegansk og halalmat til dei som ønsker det. Om det er mat du ikkje et av andre årsaker, ta kontakt med oss.
Vi tilpassar så langt det er mogleg slik at det blir mogleg for deg å delta på lik linje med dei andre.
Ta kontakt med oss om for å høyra kva vi kan gjera for å tilrettelegga for behova dine.
Viggo er oppvaksen nær Eikanger i Alver kommune. Han har jobba som lærar på ungdomsskule og vore rektor på vidaregåande skule, fagskule og no sist ved Lindås barneskule. I tillegg har han jobba i organisasjonslivet knytt til kultur og med opplæring i næringslivet. Viggo har vore medlem i Eikanger-Bjørsvik Musikklag sidan 1977, og har vore i styret for korpset i 41 av desse åra.
Epost: viggo.bjorge@vlfk.no
Når du ringer skulen eller kjem innom kontoret er Kari ofte den første du møter på. Ho er førstekonsulent på kontoret, og driv med alt frå registrering av elevar til utleige av skulebil. På fritida er ho glad i å gå tur og sjå på fotballkampar.
Epost: Kari.ranveig.kvalheim.lunde@vlfk.no
Telefon: 56348070
Oddrun er utdannet barnevernspedagog, og har jobbet med barn, unge og familier i blant annet barnevernstjenesten, institusjon og barnehage. Hun underviser i sosial kompetanse og fellestimer, og brenner for å bidra til at mennesker skal oppleve mestring og utvikling. Ellers er hun opptatt av å lære språk, lese bøker, nyte en bedre kaffe og reise til Italia. Har vært ansatt på Manger siden 2013.
Epost: Oddrun.Lie@vlfk.no
Henning startet å arbeide på Manger Folkehøgskule (MFHS) i 2009. Han jobber på Brassbandlinjen som dirigent, og på Musikk, bu og fritid som musikklærer. Utdanningen har han fra griegakademiet, der han studerte trompet og musikkpedagogikk. I tillegg til å arbeide på MFHS dirigerer Henning Skodvin Skulemusikk og er freelancemusiker. På fritiden spiller han principal i Eikanger-Bjørsvik Musikklag.
Epost: henning.anundsen@vlfk.no
Silje Louise Spurkeland har utdanning fra musikkonservatoriet i Agder (HiA), utøvende rytmisk vokal og pedagogikk, og har jobbet på Manger siden 2011. Hun har jobbet som freelance vokalist og korist for ulike artister i en årrekke og vært med på over 20 studioalbum. På CVen står alt fra luksuriøse koristjobber i Cannes til å turnere med internasjonale reggaestjerner i Øst-Afrika.
Grethe er utdanna ved Bergen musikkonservatorium og Norgen Musikkhøgskole under Kim Lofthouse, John-Aril Suther og Ingemar Roos. Ho jobbar med messing og samspel, på kryss og tvers av linjer og sjanger. I tillegg til å vera profesjonell utøvar har ho stor glede av å ha brassband som hobby, og kan visa til 30 år som solotrombonist i Eikanger-Bjørsvik. På fritida er det segling og fjelltur som gjeld
Epost: Grethe.Tonheim@vlfk.no
Margaret er utdanna i utøvande musikk, musikkvitenskap og musikkpedagogikk, og har arbeidd som musikar sidan 2003. Ho vaks opp på Manger folkehøgskule, gjekk på brassbandlinja og har alltid visst at det var der ho ville arbeide. Margaret dirigerer brassbandet, underviser diverse fag på både brassband- og stipendiatlinja, og har nokre fellesfag for heile skulen.
Epost: Margaret.Sutherland.Antrobus@vlfk.no
Telefon: 45439548
Jane er trompet/kornettlærar på Manger Folkehøgskule. Ho er utdanna på Konservatoriet i Bergen og ved Guildhall i London.
Jane har brei erfaring frå brassband miljøet. Ho har spelt Principal kornett i Eikanger Bjørsvik Musikklag i 20 år. Jane er musikalsk leiar i Krohnengen Brassband. Ho dirigerar BB i periodar på skulen, og har Yoga valfag. Gjestar har vore bla; Rapa og Guggenberger.
Epost: Jane.Westervik@vlfk.no
Helga har jobba på Manger sidan 1991, er messingblåsar og leier instruksjon/aspirant, lytting, ensemble, valfag, fellestime, ind.time på alle grovmessing. Ped.utdanning med euphonium/tromb frå Bergen Musikkonservatorium med mentor Kim Lofthouse. Spelte baritone, tuba, solo og tutti euphonium i Manger Musikklag frå 1977-2015 og lært mykje av gode dirigentar. Valfag kaldvassbading.
Epost: Helga.Vetas@vlfk.no
Sagstad er en dirigent med et stort repertoar og sjangerbredde. Hans tro på et lyttende og utforskende lederskap har ført til engasjementer som kunstnerisk leder, gjestedirigent og dirigentlærer i Norden og Europa, Nord-Amerika, Afrika og Asia. Sagstad brenner for utvikling av ny musikk og det å være en sparringspartner for både etablerte og unge komponister.
Stian Villanger er utdanna musikar frå University of Salford i England, der han studerte trommesett med Dave Hassell. Som frilans trommeslager har han jobba i ei rekkje samanhengar, og for tida spelar han fast med Carsten Dyngeland Trio/Kvartett, Ole Amund Gjersvik Trio, Monks Mood m/Knut Kristiansen og Scandinavian Entertainment Service sitt eventorkester.
Epost: Stian.Villanger@vlfk.no
Kristian er utdanna lydteknikar ved UIS og Idefagskolen.Han har drive lydstudio siden 2006. Døme på musikalske bidrag er; God Seed, Carl Espen, AURORA, Josefin Winther, Frugaard, Knuste Ruter, Divisjonen, Silja Sol, Demonaz, Svartediket, ORBO, LÖV, I, Herr Nilsson, Line Dybedal, Christel Alsos, Lakei m.m. Hovedinstrumentet er gitar, men lidenskapen er for synther, modulærsynther og dubeditter.
Sigve er som mange andre ansatte tidligere elev på folkehøgskulen. Han gjekk på jazzlinje, men kombinerte det med brassbandlinja. Han var i mange år aktiv i brassband i Hordaland på både tuba og barriton og spelte også i eit lokalt jazzband.
Epost: sigve.engeseth@vlfk.no
Lærerne har ikke bare høy kompetanse innenfor musikkfaget – de forholder seg også seriøst til elevenes egne prosjekter. Med gjensidig respekt og tett samarbeid, inspirerer og engasjerer de deg til å yte sitt aller beste.
Det er virkelig ikkje lett å vite kva man har lyst å gjøre når man skal begynne å ta valg om utdanning og jobb. Valget eg tok om å ta eit år på Manger fhs angra eg ikkje eit einaste sekund på!
Samarbeid på tvers av alle linjene gav mykje erfaring, og det var veldig kjekt å få synge med skulen sitt storband!
