Functional training

Treningstur til Monte Feliz | Gran Canaria

Dette er ferien for deg som både vil yte og nyte! I februar får du ein digg kombinasjon av harde treningsøkter og velfjortent avslapping med gjengen. 

Om veka:
Vi har fokus på mestring og treningsglede under heile opphaldet. Timeplanen blir oppdatert nærmare avreise, men i korte trekk ser den slik ut:   

Morgon: Vi startar med power workout, krigarprogram, hyrox-økter og styrkeløft. Det blir svette, høg puls og mykje energi – perfekt for deg som likar å presse grenser. Etterpå ventar avslapping og eit forfriskande bad for å kjøle ned kroppen.

Ettermiddag: Her kan konkurranseinstinktet slå inn når vi spelar tennis, basket eller padel på dei tre banene vi har tilgang til. Det blir også lettare økter med fokus på teknikk og mobilitet. Treningsdagen rundast av i avspenningsområdet med yoga og streching. 

Mellom øktene: Det blir sjølvsagt tid til kos, avslapping og restitusjon. Vi legg opp til småturar og andre opplevingar utanom treninga, som:

🐬 Delfinsafari. Vi kosar oss på ein fin båttur, med store sjansar for å sjå delfinane på nært hald. 
🧺 Tur til den lokale marknaden der vi ruslar mellom bodene og kanskje smakar på ein lokal spesialitet?
🍽️ Middag på ein av dei gode restaurantane i nærleiken. 

Om maten: 
Hotellet serverar sunn og god mat kvar dag! Frukosten er variert, til lunsj er det salatbar, og til middag er det buffet med varme og kalde rettar. Her får du ete godt og fylle på med energi til neste treningsøkt. 

Lukk

HYROX Oslo

Dette er turen for deg som vil teste deg sjølv og kjenne på konkurranseinstinktet og stemninga under HYROX Oslo i månadsskiftet september/oktober! Her blir det ei helg fylt med puls, lagånd og god stemning. 

Om turen:
Vi reiser samla til Oslo og deltek på HYROX, ein internasjonal konkurranse som kombinerer styrke og kondisjon i eit rått og inspirerande miljø. Du vel sjølv om du vil konkurrere eller om du berre vil vere med for å heie og kjenne på energien frå tribunen.

Dei åtte øvelsane består av følgande: SkiErg, sled push, sled pull, burpee broad jumps, rowing, farmers carry, sandbag lunges og wall balls.

Førebuing og trening:
Før turen jobbar vi målretta med styrke, teknikk og uthald. Du får tett oppfølging og fleire økter som liknar på HYROX-formatet, slik at du kjenner deg trygg og klar når startskotet går. Undervegs lærer du korleis du disponerer krefter og beheld fokus for å få mest mogleg ut av innsatsen din.

Når vi er i Oslo:
Vi brukar helga til trening, konkurranseførebuing og har det kjekt i lag. Det blir felles måltid og sosiale aktivitetar, og sjølvsagt tid til å heie kvarandre fram under konkurransen. Etter vi har vært i ilden rundar vi av med god mat og god stemning, med følelsen av å ha gitt alt.

Lukk

Fellestur til Filippinene

Price: 25 000

Bli med på ei reise til Filippinene som du seint vil gløyme! Dette kan du sjå fram til: 

🏝️ Båttur og øyhopping  

🏄 Bading og surfing langs kvite sandstrender

🍅 Ete lokal mat laga av ferske råvarer

🐢 Snorkling og fridykking blant skilpadder og fargerike fiskar

🛖 Bu i bungalow på stranda

🚣‍♂️ Kajakkpadling i laguner 

🧗 Fjellklatring og strandvolleyball

🧺 Marked og matlagingskurs

🧘‍♂️ Yoga og mykje meir! 

💚 Gleda av å hjelpe andre 

Gjennom bistandsprosjektet «Prosjekt Filippinene» skal vi i løpet av skuleåret arbeide for å betre oppvekstvilkåra til born og unge på Filippinene. 

På denne givande studieturen vil du oppleve landet på nært hald og sjå korleis innsatsen din utgjer ein forskjell. Du vil bli kjent med det vakre landskapet, dei varme folka og den levande kulturen. Du vil møte folk der dei bur og lever, og vi skal besøke skular og nærmiljøet, men også utforske skjulte strender, dra på båttur og bade i solnedgangen. 

Sjølv om vi prioriterar kortreiste turar og velge buss framfor fly, gjer vi eit bevisst unntak for turen til Filippinene på grunn av prosjektet si enorme betydning. I bagasjen tar vi òg med oss alt vi kan om miljøvern og avfallshandtering, slik at vi også kan bruke turen som ei moglegheit til å dele kunnskap om korleis vi alle kan ta betre vare på planeten vår – spesielt med tanke på plastavfall i havet, som er ei stor utfordring på Filippinene. 

Bilda er lånt frå «Prosjekt Filippinene» og Tao Philippines.

Lukk

Surf, fjell og camp | Overnattingstur til Hoddevik

I starten av skuleåret reiser vi på ein "bli kjent-tur" til vakre Hoddevika. Dette eineståande surfeparadiset ligg berre ein liten time i bil unna skulen vår. Alle som vil, får prøve seg på surfebrettet –  ei fantastisk oppleving enten du er heilt fersk eller er meir dreven på bølgene. Dersom du er glad i å gå på tur, byr Hoddevika også på fleire flotte turopplevingar i fjella som ligg rundt. Vi tar turen opp til toppar med fantastisk panoramautsikt! Ellers kan du glede deg til mange kjekke aktivitetar ilag med resten av gjengen, og til å avslutte dagen rundt bålet på stranda.

Lukk

Fjord Explore

Ein spennande utforskingstur i maritimt fjordmiljø. Krokpollen ligg i ei lita bortgøymd bukt, utan veg. Hit må du ta beina fatt eller ta sjøvegen for å kome fram. På denne turen står sjøaktivitetar i fokus. Her blir det bading, fisking, roing og padling, segling på fjorden som gir deg ro i sjela eller adrenalinkick der du ligg i ei tube bak motorbåten. Du får ete di eiga nykokte krabbe, vere med på allsong og høyre trekkspel i ustemt harmoni utover kvelden. Vi slår opp bålplass og du kan velje å sove i hengekøye, telt eller innandørs.

Lukk

Vintertur til Stigedalen

Turen til Stigedalen er spekka med kjekke snøaktivitetar. Her er det langrennsløyper rett utanfor døra, akebakkar, grillhytte og fine forhold for mykje moro. Heile skulen er med på denne overnattingsturen, og det foregår mykje sosialt både ute og inne. Vi akar, har snø-rugby, lagar snøskulpturar, grillar, går på ski, har talentkonkurranse, quiz, spelar spel, ser på film og et god mat. 

Lukk

Opplev naturkreftene på Kråkenes fyr

Vest ved havet får du kjenne på naturkreftene når vi jaktar etter haustens stormar og overnattar ute i havgapet ved Kråkenes fyr. Fyret er omkransa av ope hav, og ligg vilt og vakkert til i nabokommunen Kinn. Her får du oppleve to dagar på ein av dei mest vêrharde stadane i heile Norge, som har fleire vindrekordar på merittlista. 

Lukk

Strandryddeseilas

Vi ryddar søppel og plast langs kysten vår! Samstundes skal vi ha base i den restaurerte galeasen "Loyal". Ein galeas er ei mellomstor seglskute som var vanleg i dei nordiske landa på 1800 og 1900-talet. 

Dagane vi er på tur består av segling mellom ulike ryddeplassar langs kystlinja vår, samstundes som vi tar del i arbeidet ombord den tradisjonsrike seglskuta. "Loyal" er utstyrt for fleire dagars seglas med toalett og ei fullt utstyrt bysse for matlaging. Mannskap og elevar lagar måltid i fellesskap. 

Vi brukar dagane på å rydde dei ytre øyane og ubebudde plassar og vikar utan veg for marint avfall. Vi prioriterar meir utsette område, og område som er vanskeleg å kome til utan båt. Alt etter kva vêret tillèt sjølvsagt. Dette er i hovudsak fantastisk flotte plassar å få besøkje i seg sjølv! 

På strandryddeseilaset kan du oppleve: 

• Vere med og rydde strendene for plast og søppel
• Sette garn og krabbeteiner
• Fiske 
• Lage mat av sjølvfanga råvarer
• Segle med Loyal
• Småturar til lands og til vanns

Loyal vart bygd i Hardanger i 1887 og er med det den eldste galeasen i verda som framleis kan segle!

Lukk