Sogndal folkehøgskule
Jotunheimen, Jostedalsbreen, Sognefjorden og høge fjell! Studentbygda Sogndal og skulen vår!
Søk på skulenLinjer
24
bilder
Jotunheimen, Jostedalsbreen, Sognefjorden og høge fjell! Studentbygda Sogndal og skulen vår!
Søk på skulenLinjerbilder
Midt mellom høge fjell og den djupe Sognefjorden ligg forholda til rette for fagleg utvikling og spennande aktivitetar! På eit år hjå oss vil du kunne utvikle deg og vere en del av fellesskapet på skulen vår. Med heile område som klasserom finnes berre moglegheiter- kom då!
Det er nemleg berre det som skal til- at nettopp du kjem til oss! Denne skulen er ein heim og denne heimen er ein skule. Kjenner du på lysta til å bu med andre som og er på jakt etter uendeleg påfyll i minneboka så finn du dei hjå oss.
I Sogndal vil du få læring gjennom opplevingar og aktivt bidra til å gripe dei moglegheitene me har tilgjengeleg. Året vil innebere store kontrastar av naturen rundt oss, alt frå å kjenne solstrålar varme på brygga vår, til kjensla av å vere omslutta av puddersnø om vinteren. Uavhengig av kva linje du vel, så legg me opp til ein kvardag der du kan nytte deg av alt Sogndal og omegn kan by på.
Sogndal ligg rett før eller rett etter brua og er ein viktig del av bygdebilete til Sogndal. Kvar og ein som kjem til oss vert ein del av bygda og du er viktig! Dette vil du og kjenne gjennom ulike fag og aktivitetar vi gjer gjennom skuleåret- frå frivillig deltaking på lokalløpet SMILI til heiagjeng på fotballkampar. Du vil treffe lokale på butikken, på skøyteisen vår dei kaldaste dagane og når me haustar av bygdas mange frukttre. Studentlivet er aktivt og tilbyr konsertar og treffpunkt for eit mangfald av interesser. Eit år hjå oss varer livet ut!
Sogndal folkehøgskule står for RAUS, OPEN, ANSVARLEG OG TRYGG skule og er frilyntfamilien til folkehøgskolen. Alle er velkomne hjå oss og her er det høgt under taket. Vårt verdigrunnlag gjenspeglast i alt skulen gjer, og du vil få personleg utvikling gjennom å oppleve meistring og glede blant mange.
Hjå oss får du engasjere deg og vere nysgjerrig, lære noko eller meir om det du veit ved å delta aktivt. Gjennom venskap og utfordringar vil du ble kjend med deg sjølv på ein annan måte- kanskje finn du ut kven du er, kanskje vil du stå sterkare i kven du allereie er.Kven veit - det er berre ein måte å finne ut av det, hopp i det og søk hjå oss mellom gfjord og fjell.
Dette er veka der me haustar og foredlar mat i tråd med norske tradisjonar. Me haustar det naturen byr på og foredlar blandt anna fisk og sau. Avslutninga på veka er ein stor haustfest med eigenprodusert fantastisk mat og hygge.
Hollywood sjekkar inn på Sogndal FHS! Her er det glamour og replikkar om ein anna, me tek for oss favorittscener og filmar, krydrar dei med skulens skodespelarar og snurrar film. Det er Oscarutdeling til både deg forran og bak kamera.
Når du brenn for noko-sånn inderleg, då er det deilig å få bruke ein heil dag å formidla det. Kanskje du ikkje heilt har funne ut kva du er engasjert i, eller berre likar tanken på å øve deg på å ta stilling til noko. Her er dagen du kan brøla for klima, lenke deg fast for dyrevelferd, eller starte rockeband å synge om akkurat det du vil ha fram som din kampsak.
Her finn heile skulen kvar sin utfordring og utforskar korleis me når målet.
I valfagsperiodar kan du velje 2 eller 3 valfag i veka. I kvar periode er det 6-8 ulike fag du kan velje imellom.
Jepp, du les rett! Her går du på line og sjonglerer- du øver hvert fall på det. Kanskje du står litt på hender eller klarer en piruett på lina- her får du prøve deg som akrobat for ein dag.
Pris: 100,-
Lær meistaren sine teknikkar! Det er spennende å lage bilder på "gamlemåten". Her lærer du grunnleggjande fototeknikk, korleis ta gode bilete, så fremkaller du filmen på mørkerommet. Høyres enkelt ut.
Dette er ein behageleg avspenningsteknikk som ikkje er ulik enkelte meditasjonsøvingar – men det er heilt utan religiøse koplingar. Du treng eit teppe, ei pute, litt lause men varme klede.
Lær samspel og start eit band! Me har bandinstrument og utstyr: alt frå kontrabass, elbass og -gitar, trommesett og godt lydutstyr. Bandet får gjerne oppdrag både på og utanfor skulen.
Pris: 200,-
Me lærer om malegrad og forskjellen på ulike bønner og ikkje minst å byrgge perfekt espresso som er ein kunst i seg sjølv. Me besøkjer det lokale kaffibrenneriet for innføring i brenning.
Her varmar me opp og gjer oss klar til øvelsar, forsvar/angrepsteknikk, fintar og spel. Leik med ball og litt alvor på kamp- det er basketball det!
Målet for faget er å utvikle tekniske, taktiske ferdigheiter og kunnskap ved teknisk trening og spel i ulike former. Me jobbar med ulike typar serve, smash, legg og blokk, samt alle grunnslaga.
Pris: 200,-
Freisting for smakssansene! Me lagar alt frå kaker til is, sjokolade og sitronterte. Her er de med på å bestemme kva som skal stå på menyen.
Pris: 50,-
Sy din eigen jakke eller snekkarbukse? Eller kanskje du vil sy di eiga penskjorte til juleballet? Eller kalkpose? På valfaget treng du ikkje noko erfaring, du skal få kledd deg opp i eige design lell.
Målet er å lage så mange gode filmar som mogeleg, men fyrst og fremst gi deg idéar og erfaring med å lage film. Faget er tilpassa interessene og erfaringane dine.
Pris: 50,-
Lær å ta gode bilete med digitalkamera, kamerateknikk og komposisjon. Introduksjon til biletbehandling i Photoshop, studio og printing. Du treng eit vanleg digitalkamera.
Førstehjelp er nyttig å kunne uavhengig kva stadiet i livet ein er i. Me nytter både teori og praktiske øvingar på alt frå sår til alvorlege ulukker.
Pris: 100,-
Her vitjar me den økologiske garden Bøtun på Indre Hafslo. Me får eit innblikk i kva det å produsere mat betyr. Dette er skikkelig god stemning med litt fysisk arbeid attåt.
Nå har du sjansen til å bli bålets must have! Dette er gitar for nybyrjarar som likar å dra i gong ein allsong eller berre klimpre litt for deg sjølv ein roleg stund. Skulen har fleire gitarer.
Unngå å leve på junk food i studietida og bruk pengane på anna moro! Me lagar enkle og gode rettar som er sunne for kropp og sinn. Mykje godt kan lagast rimelig og kjapt!
Pris: 200,-
Har du lyst til å prøve jakt, eller har jakta litt før er dette valfaget for deg. Med spanande jaktterreng nær skulen får du prøve deg på både leirdueskyting og bruk av rifle.
Pris: 300,-
Me padlar på verdas lengste fjord- Sognefjorden. Her får du grunnleggjande kajakkteknikk og opplæring i redning- alt i spektakulære omgjevnader langs fjorden vår.
Sikring på topptau og led, klatring på topptau og led, grunnleggjande klatreteknikk, utstyrsval, klatrehistorie. Valgfaget ender med at du får moglegheit til å ta brattkort. Utstyr kan lånast gratis.
Pris: 250,-
Lag din eigen kniv- med slire til. Velg mellom ulike tresortar til skaftet og design det til å passe perfekt i handa di. Slira kan du setje ditt eige preg på med initialar eller dekorere med ornament.
Akkurat passe store til ein munnfull med lykke! Mørk eller lys, med basilikumsukker eller karamell? Kanskje du finn din eigen kombinasjon av favorittsmakar og får plass til det i ein einsleg bit. NAM!
Pris: 100,-
Me har fleire kreative sjeler, både blant dei tilsette, men og blant elevane. Dei kreative valfaga kan vere å lage eiga saopa (sognemål), sy kalkposer, snekring eller smiing.
Pris: 200,-
Å sjå det første, ferske trykket frå presset er som å opne ei julegåve! Med litt enkel teknikkopplæring og kreativiteten din vil du garantert verte overraska over resultatet.
Pris: 900,-
Design ditt eige personlege kvalitetsbrett til asfaltsurfing! Longboard er ikkje berre moro å lage, men og eit genialt framkomstmiddel- miljøvenleg og artig.
Her diskar me opp med god mat som er enkelt å ta med seg i sekken. Kan det freiste med kake på bål, varme skillingsbollar, eller ei lefse med mykje godt i?
Pris: 150,-
Her kan du utfolde deg kreativt. Me måler på økologiske handlenett, lerret eller ark- alt etter motiv og teknikk. Du kan produsere gåver eller til pynt på rommet ditt.
Melkesyre og blodsmak- men du så herleg til vinteren når beina er rusta for pudderkøyring og bratte fjellsider! Her vert det trappeløp og barmarkstrening i høgt tempo.
Pris: 600,-
Her pakkar me bagen og tek turen ut til kysten. Avhengig kvar me dreg så kan me hvertfall skilte med fisking, god stemning, kanskje ein krabbe eller berre nyte solnedgangen i lag.
Pris: 100,-
Lær deg å strikke flotte selbuvottar. Om du aldri har strikka før så kan me garantere at dette klarar du! Er du erfaren så kan du leike deg med mønster og lage ditt eige, eller berre strikke julegåver
Pris: 900,-
Her kan du finspisse svingteknikken eller lære deg å stå på ski. Undervisninga skjer ved Sogndal skisenter og du kan nytte dei skia du har, enten det er telemark, alpint, langrenn eller fjellski.
Pris: 150,-
I sløydsalen kan du arbeide med treslag av mange sortar tre. Frå lite til stor- her er det du som utforskar kva du kan lage. Teikn- lag ein plan og set i gong, resultatet gler me oss til å sjå.
Pris: 100,-
Lær grafitti og sjablongtrykk på lerret og t-skjorter. Me nyttar foto og photoshop, spraybokser og anna taggeutstyr.
I Sogndal har me flotte terrengstiar som mange kjem langveisfrå for å teste. Stiane er både utfordrande og krevjande, men om du aldri har prøvd det før så er det tilpassa stier for alle nivå.
Pris: 900,-
Å gå på randonee å sjå utover snøkledde fjell og dalar er berre vakkert. Om du ikkje har gjort det før så får du deg ei oppleving for livet. Sogndal er eit eldorado for toppturar på ski!
Her er det berre å strekke godt ut handledd og førebu deg på teknikkar, øvingar og ikkje minst kampar. Høgt tempo, smashar og action. Me kan og bruke sandvolleyballbana på tunet dersom det er mildt!
Pris: 400,-
Me skal lage eigen massasjeolje, ansiktskrem, saltbad, ansiktsmaske og sjølvsagt bruke dette. Me skal og lage frisk juice av grønsaker og frukt. Her kan du lære å ta godt vare på deg sjølv.
Iyengar yoga legg vekt på å gjere kroppen og sinnet sterkt og fleksibelt på same tid. Dette blir gjort gjennom fysiske stillingar asanas og pusteøvingar pranayama.
Pris: 200,-
Me skal gå eitt skritt videre med matlaging og sjå på fleire moderne kokekunstar. Her får du lage steinalder mat, "raw food" og lære om fermenteringens kunst.
Me brygger vårt eige øl, flasker og brukar blant anna malt som me lagar sjølve. Du får vere med å brygge fleire forskjellige ølsortar og blir kjent med litt av vår historie og tradisjon knytt til øl
Årbok-gjengen skriv, utformar og set saman årboka for folkehøgskulen. Du lærer enkel biletredigering, artikkelskriving og korrekturlesing, sideutformingsprogram, godt hjelpt av store mengdar kaffi.
Pris: 800,-
Her får du mulighet til å lage dine egne ski. Vi har egen sløydsal og lærer som er "Skimaker". Du får god opplæring og sitter igjen med dine egne ski!
Obligatorisk: Ja
Pris: Inkludert i linjepris
Varighet: 3 dager
Måltider pr dag inkludert: 4
Eit par uker etter skulestart dreg vi alle saman til Fjærland på ein tredagars tur. Dette gjere vi for å bli betre kjent med kvarandre, og for å oppleve eit av Noregs vakraste fjellområde. Vi tek dagsturar og deltek i bli-kjende aktivitetar. På kvelden blir vi samla rundt bålet til ein betre middag, og tek oss tid til å småprate, synge, eller berre slappe av etter ein dag med frisk luft og flotte opplevingar. Etter 3 dagar saman har vi allereie masse fellesopplevingar, og skaper eit godt grunnlag for å bli meire kjend med gode venner.
bilder
Obligatorisk: Ja
Pris: Inkludert i linjepris
Varighet: 3 dager
Måltider pr dag inkludert: 4
I veke 3 reiser heile skulen over fjellet til Hemsedal. Vi bur i botnen av bakken, heilt perfekt for "ski inn og ski ut". Heile 3 dagar får vi i bakken for å utvikle skiteknikken og lære nye triks. Elevane blir delt inn i små grupper etter nivå, der du kan velje mellom telemark og slalom/randonnè. Nokre av instruktørane er innleigde, men det er mange lærarar frå skulen som er med! Det er to økter på dagtid med instruksjon, mens resten av tiden kan du bruke på frikøyring.
På kveldane er det god middag og sosialt i samlingsstova.
Obligatorisk: Ja
Pris: Inkludert i linjepris
Varighet: 2 dager
Måltider pr dag inkludert: 3
Mot slutten av skuleåret reise me på ein todagers båtcruise på Sognefjorden. Me har heile båten for oss sjølv, og me seglar inn i majastetiske Aurlandsfjorden og Nærøyfjorden. I vakre Dyrdal, ei veglaus grend, overnattar me for natta. I denne grenda er det gode moglegheiter for uteaktivitetar og fjelltur for dei som ynskjer det. Me bur ombord i båten, i skulehuset, og for dei meir friluftsglade, i telt. På ettermiddagen lagar me grilmat på kaien og legg opp til sosialt samvær rundt bålet om kvelden. Neste dag går me i lang på nordsia av Nærøyfjorden for å gå langs den vakre postveg stien til Styvi. Her tek me lunsjen, som er grillmat, og for dei som er ekstra tøffe, er det moglegheit for å ta seg ein dukkert i fjorden.
bilder
Me har tre ulike internatbygg. Kvart internat har lyse trivelege rom, med plass til stort og smått. Fjellinternatet, Jotunheimen og Stjernehimmelen har alle eige bad på romma, dei siste to har kjøkkenkrok og stove. Dei fire eineromma med bad ligg i Fjellinternatet, resten er dobbeltrom.
Hageinternatet er det største internatbygget og husar 8 internat. Her deler ei avdeling felles bad og toalett, til gjengjeld er det eit per rom. Her er det også fellesstove på kvart internat.
Sjølv om dei fleste vil bu med romkamerat, er det mogleg å be om enkeltrom dersom du har spesielt behov for det. Du får masse bodplass til trygg oppbevaring av sykkel, ski, utstyr og alt du treng til eit folkehøgskuleår!
bilder
Sogndal ligg midt i sør-Norge mellom Oslo og Bergen. Det er fleire daglege direkte ruter mellom Sogndal og Oslo/Bergen med fly, buss eller ekspressbåt. Med bil tar det ca. 4 timar til Bergen og 5,5 timar til Oslo.
Timeplanen varierer litt frå veke til veke. Linjefaga går heile året. Når du startar om hausten vil veldig mykje tid går til linje. I oktober er det lengre turar og studiereiser, frå november mot slutten av januar er det litt meir fokus på valfag og fellesprosjekt. Linjefag og studieturar er igjen i fokus frå februar mot slutten av året.
Last ned timeplan som pdf ↓Sogndal folkehøgskule har fokus på ein berekraftig kvardag. Prosjekta me legg opp til skal forankrast i å gjere verda til ein betre plass å vere- også for kommande elevar. Me trur at motivasjonen for å delta er høg, dersom de sjølv kan vere med å påverke kva prosjekt me skal jobbe for.
Prosjekta våre varierer fra år til år, då me tilpassar kva elevane er engasjert i. Elevrådet kjem med forslag til eks OD-dag, eigne bistandsprosjekt, TV-aksjonar eller andre aktuelle tema for året.
Me lagar fantastisk god konfekt til inntekt for barneheimar i Nepal, bistandsprosjekt i Brasil eller prosjekt elevane brenn for. Dette gjer me kvart år og sel det gjerne på familiehelga me har i november.
Fritid og folkehøgskule er ikkje alltid det går hand i hand.. Sjølv om det sjeldan er undervisning på kveldstid så skjer det utruleg mykje på kveldstid. I starten vil nok 2. års elevane, dei sokalla "stippane" våre arrangere stippeaktiviteter kvar kveld. Desse er sjølvsagt frivillige, men dei fleste tykkjer dette er viktig og morro å delta. Etterkvart som de vert kjende utfordrast internata på å steppe inn og arrangere morro for kvarandre.
Våre verdiar bygger på eit berekraftig felleskap og me inviterer deg til å vere ein del av det i større eller mindre grad.
Gjennom ulike aktivitetar, kva råvarer me nyttar i maten eller til spennande foredrag ynskjer me å motivera og inspirera til eigne val. Klima og miljø Engasjerte tilsette og eksterne foredragshaldarar.
Du vil òg få moglegheit til å prøve ut eigenprodusert hudpleie, mekke sykkelen din sjølv, forma ditt eige handle- eller strikkenett, laga bivokspapir til nista di eller reparere favorittbuksa di.
Under mottoet « små endringar gjer ein stor skilnad» håpar me å ta gode val i kvardagen både lokalt og globalt. Våre linjer nyttar i størst grad den vakre naturen
og dei moglegheiter me har i nærleiken. Skulen ligg få minutt unna fjord, fjell og bre, og etter ein dag i det fri kan du sette slitne tær i ein av våre
oppheta stampar.Då varmar det ekstra godt at ein sjølv har hogga veden ein nyttar i nærliggjande skog.
Studieturane våre går både i Noreg og ut i den vide verda, i tråd med det grøne skiftet har me bytta ut fly med tog og interrail på fleire av våre turar. Dette gjer at destinasjonane ikkje berre startar der ein landar, men at reisa undervegs vert spennande og full av reisemål!
Kjøkkenet har fokus på kortreist og heimelaga mat frå botn av. Maten er i aukande grad økologisk. Hjå oss kan du velje om du ynskjer vegetar eller vegan om du er nysgjerring på å teste det. Skulen har nylig tatt i bruk eige solcelleanlegg og produserar eige straum når sola skin.
Alle kan søkje på Sogndal folkehøgskule. Opptaket startar 1. februar. Du kan søkje når du vil, og me tek opp elevar kontinuerleg frå opptaket er i gong og så lenge me har ledige plassar. Det kan løne seg å vere tidleg ute for å få plass på den linja du ønskjer aller mest.
Skulen har aldersgrense 18 år.
I nokre spesielle sitasjonar, der det er veldig skeiv kjønnsbalanse, vil me vurdere søknadane etter kjønn.
Velkomen som elev og til eit spennande år på Sogndal folkehøgskule!
Ole Karsten er sjølvaste rektor, men ingen tradisjonell rektor! Han er høgast i klatreveggen og uslåeleg i bordtennis. Er det snø, kombinert med sol, ser du ryggen hans på veg til fjells. Han syklar gjerne med på tur, viser deg akrobatiske kunstner og linebalansering. No lengtar me alle etter å få bli med til hytta hans på Kalymnos, med den vakre seglbåten hans "Stjerner i sikte".
Epost: olekarsten@sogndal.fhs.no
Telefon: 950 32 287
Facebook
Instagram: @olekarsten
Paul er bautaen på skulen. Han er 50% norsk og 50% engelsk, krydra med ein neve bergensar og har sitt eige vitsehjørne. Han elskar snø og tek gjerne klassen med på snøholetur når det bikkar dei 20 kalde. Tindevegleiar, ein kleppar på fyrstehjelp, fjellgeit og fiskar. Og kunstnar! Jepp, inspektøren vår både målar og teiknar. Ein lun og stødig kollega som veit det meste.
Epost: paul@sogndal.fhs.no
Telefon: 952 06 133
Facebook
Instagram: @paulhough61
Elise har kontrollen på alt av økonomi, post, studielån og alt anna ein kontorleiar skal vite. Ho sit strategisk plassert, er lett å nå og gliser breitt når du kjem. Ho likar å slå av ein prat, samstundes som ho hjelper deg med stort og smått som dukkar opp. Ho pratar "innfødd" og bur i sentrum av Sogndal. Elise produserar flotte strikkekle, går turar og finn på sosiale sprell for personalet.
Epost: elise@sogndal.fhs.no
Telefon: 992 37 623
Facebook
Instagram: @baringao
Renate er skulen si potet. Ho styrer internata og har kontroll på det meste me skulen. Treng du eit visdomsord, eit råd eller ein klem er dette dama å banke på hjå. Ho er med på det meste som skjer på skulen, men om det er toppturar foretrekk ho å vente med kaffi og noko attåt når de kjem ned att. Men på sjøen vert ho gjerne med, anten det er i kajakk eller i speedbåt.
Epost: renate@sogndal.fhs.no
Telefon: 958 36 613
Facebook
Instagram: @vatlestadrenate
Sivelin er trønderen som forelska seg i Sogndal og vart verande. God musikk, god stemning og glade fjes- då veit du kven som er på plass. Ho teiknar, måler, syr og er kreativ som få. Men tru endeleg ikkje at denne dama sit mykje i ro, ho susar ned og bortover på ski, tek turen over brevatnet på truger og får fart på sykkelen sin! Eit råskinn på revy og snill tvers gjennom.
Epost: sivelin@sogndal.fhs.no
Telefon: 971 66 977
Facebook
Instagram: @sivelin
Tanita er «sjefskokka» på skulen og er like rå på mat som sin smittande latter. Ho er kreativ og tykkjer det står til når ho kan diske opp med litt ekstra til oss rundt ho. Ho kjem frå vakre nabokommunen Luster - og når du er oppvaksen på ein høgdegard, så er du ikkje kvien. Ho er oppteken av at dei rundt ho skal ha det bra og få mat som ikkje berre ser god ut, men og smakar godt og gjere godt.
Epost: tanita@sogndal.fhs.no
Instagram: @tanita_op
Hege er vår rocka kokk og vår einaste "norske danske". Hun diskar opp med rettar du mest truleg ikkje har ete for mykje av - og er ikkje redd for verken krydder eller det utradisjonelle på bordet. Det er ikkje berre å koke Hege kan, hun er utdanna designer og kan sy alt frå brudekjole til bunad.
Hendrik er hard utanpå, men mjuk som ein ulldott på innsida. Han er ein mester i orientering, møbelsnekkar og klatrar. Han spring(!) helst på toppane om han ikkje kan gå på ski opp. Han treng ikkje rognebær for å finne ut kva vinteren vil bringe av vêr, det har han ein innebygd radar til. Ingen ler høgare om han vert parodiert på revy enn han. Du finn han ikkje på sosiale medier, han må opplevast.
Epost: hendrik@sogndal.fhs.no
Telefon: 995 39 267
Pål er den stille fyren som kjem med lange steg over plassen. Men ikkje lat deg lure! Han har eit uendeleg engasjement og er ivrig på det livet har å by på. Han er oppteken av å få ut det beste i alle oss rundt han. Det gjer han med eit glimt i auge og ein treffande kommentar. Det er utruleg lett å bli glad i denne talentfulle, rolege karen med allsidige interesser.
Epost: paal@sogndal.fhs.no
Telefon: 482 67 398
Facebook
Instagram: @palstoylen
Tale kan du sjå langt etter- bokstavleg talt. Ho har alltid eit mål, ein topp eller ein rekord å slå. Men når ho rosa i kjakane kjem tilbake, med eit stort smil og med den vakraste dialekt har hatt det "knakande kjekt" , må du berre smile. Om ho padlar, klatrer, spring (!) på toppar eller går på ski får ho alt til å sjå leikande lett ut. No skal ho byte ut drikkeflaska med tåteflaska eit år<3
Epost: tale@sogndal.fhs.no
Telefon: 404 50 763
Facebook
Instagram: @tale_ivarhus
Frida er vårt friske pust og diskar opp med gladsong, pianospel og "go' stæmning"! Ho er seigliva og for henne er friluftsliv livet. Ho er oppteken av sjølve turen meir enn sjølve målet og nyt det livet har å by på. Ho brenn for gjenbruk og miljø, fastivalar til fjells og allsong. Ho padlar og står ski, byr på musikklytting og dans.
Epost: frida@sogndal.fhs.no
Telefon: 902 72 852
Facebook
Instagram: @fridaisu
Marija er assistenten på skulen - kva skulle me gjort utan henne? Ho er høgt og lågt samstundes, og arbeidar i et tempo sjølv ikkje Hendrik held tritt med. Ho kjem frå Kroatia, men det ho ikkje seier med ord det tek ho att med kroppsspråk og teikn. Det er aldri vanskeleg å spørje henne og ho er blid som ei sol. Dama har mangetalent, som negledesign, måling, mat og språk.
Helge er vår eigen Byggmeister Bob! Kan det fiksast? Klart det kan! Du ser han i arbeidskle og matchande, heimestrikka lue, stort sett med eit lurt smil. Han er kanskje snekkar, men kan forbausande mykje om bilar, slukar, kraner, syklar og vaskemaskiner. Og på toppen av alt eit JA- menneske som diggar rock. Ozzy får han i humør, men Marius Müller er helten, men den historia kan han fortelja sjølv.
Epost: helge@sogndal.fhs.no
Telefon: 991 18 662
Facebook
Martin er den "dorske" bonden vår, meir tradisjonell enn nordmenn sjølv. Mellom sykling og ski går det i sau, økologisk gardsdrift og ullgensarar. Engasjement har denne karen i bøtter og spann av, han vik ikkje unna for å brøle for klima, sjå løysingar der andre sit fast og går alltid i eit forrykande tempo. Men han spelar gjerne gitar om du syng til, iført "martingensaren" alle vil ha.
Epost: martin@sogndal.fhs.no
Telefon: 976 57 451
Facebook
Instagram: @martinbuchlarsen
Vibe er idrettsstjerna vår. Ho har master i idrett og kultur og har jobba fleire år i Alpane som profesjonell skiinstruktør. I tillegg er ho tennis- og kanoinstrutør, samt utdanna yogalærer, for å nevne litt frå CV-en hennar. Her manglar det ikkje på kreative måtar å bevega seg på! Trivsel og samspel står dessutan sentralt for Vibe.
Epost: vibe@sogndal.fhs.no
Telefon: 46296898
Facebook
Året jeg hadde på Sogndal Folkehøgskule var et eventyr uten like. Jeg har aldri lært så mye forskjellig og hatt det så gøy gjennom et år, som det jeg hadde i Sogndal.
Jeg valgte Sogndal fordi jeg ville prøve noe helt nytt, Ski og klatring. Jeg har virkelig fått muligheten til å utfordre meg. Sogndal er et fantastisk sted for friluftsliv og få venner for livet!
Jeg kom til Sogndal for å oppleve den fantastiske naturen som er her. Skolen, medelevene, og lærerne har skapt herlige minner jeg ikke hadde forventet med et slikt år.
