The Christian folk high schools are built on Christian values. They are owned by, or associated with, Christian organizations or denominations. They encourage students with different interests and beliefs to apply.
Food: Vegetarian
Most schools will accommodate food allergies and other dietary needs. If you have questions, please contact the school directly.
Environmental certification:
Fairtrade
•
Grønt flagg
Location: Ulsteinvik
Study tour for the course: Treningsleir Spania, Politihøgskolen/Hæren
Study tour for the school: Fjell og fjord i Geiranger, Pudderjakt på Bjorli, Gøy-på-landet
På linja får du mykje blålyserfaring. Du får sjå korleis politiet gjer krimtekniske undersøkingar, du er med på søk med Redningsskøyta og lærer om triage og skadestadleiing. Det blir PLIVO-øving, trening i samband og møter med 110-sentralen og Politiets operasjonssentral.
Hardkøyr Du tek brannmanntestar, prøver deg som røykdykkar og er med på øvingar med brannvesenet. I nokre kommunar er dette nok til at du kan søkje jobb som brannmann.
Du får kompetanse i paramedic. Du lærer å redde liv i vatnet og på isen, og du rappellerer ned til skadde i fjellveggen. Det blir badevaktkurs og båtførarprøve. Kanskje blir det òg ei øving med 330-skvadronen.
Du testar fysikk og psyke i Hæren og jobbar med arrestasjonsteknikk på Politihøgskolen. Du lærer om radikalisering, trenar nærkamp og får opplæring i våpenbruk på skytebana. I tillegg blir det ei fire døgn lang øving med lite mat og lite søvn. Formtopp Du får målretta trening for å bestå ulike testar til ein blålysetat eller for å førebu deg fysisk til førstegongstenesta. Difor er trening ein viktig del av linja nesten kvar dag. Eit stort treningssenter står til fri bruk 50 m frå skulen og du har også fri tilgang til klatrehall og symjehall.
Spania I november ventar ein treningsleir i sol og varme på ein luksuriøs sportsresort. Det blir to veker med nydeleg mat, workshopar, ekte blodslit og velfortjent restitusjon på kritkvite strender.
Eigentleg er det berre å pakke gymbagen og gjere deg klar! Klar til å trene på å redde liv.
Treningsleir Spania
Mandatory: Yes
Price: Included in course price
I november bytter du ut regn og mørke på Vestlandet med treningsleir på ein luksuriøs sportsresort i Spania der temperaturen er høgare og sola varmar. Her ventar dagar med ulike workshopar, mykje fagleg påfyll, ekte blodslit og velfortent restitusjon på kritkvite strender.
Spania har fleire aktuelle reisemål, og både linjene PT og Alarm.Beredskap reiser til same stad. Uavhengig av reisemål blir det dagar spekka med linjeinnhald og felles opplevingar.
Politihøgskolen/Hæren
Mandatory: Yes
Price: Included in course price
I vårsemesteret ventar ein linjetur til Oslo. Der besøkjer du både Politihøgskolen og Hæren. Begge stadene får du lære meir om moglege karrierevegar.
Hos Garden på Huseby lærer du om beredskapsansvaret til Forsvaret. Du møter soldatar, får høve til å gjennomføre fysiske testar og får teste deg på oppgåver som utfordrar leiareigenskapane dine.
På Politihøgskolen ventar nye testar. Der får du også prøve deg på arrestasjonsteknikk og det politiet kallar «fysisk makt». Du lærer om etiske verdiar og kva politiet legg vekt på i vurderinga av om søkjarar er eigna. Er du heldig, får du òg observere politistudentar som lærer om kriminalteknikk.
14 dagar med kortreist glede På di nye heimebane får du mange dagar på tur med heile skulen. Saman med turistar frå heile verda får du sjå verdsarvområder i Geiranger med djupe fjordar og sylkvasse vestlandstindar.
I Ålesund, Norge sin vakraste by, tar du ein espresso og på fuglefjellet Runde ser du lundefuglen side om side med dedikerte naturfotografar med fotoutstyr til verdiar tilsvarende ein Tesla.
På Bjorli ventar ei veke på ski på det som kanskje er den mest snøsikre staden i landet. På Strandafjellet Skisenter helsar du på skiprofilar og får laussnøkøyring i verdsklasse midt i Sunnmørsalpane.
Året avsluttast på Hakallegarden. Då overtar skulen ein stor opplevingsgard og lagar ein "gøy-på-landet"-festival spekka med rare dyr, god mat, konsertar, diverse workshops, barbeque og cowboyfest.
Best av alt: Neste år er det din tur.
Fjell og fjord i Geiranger
Mandatory: Yes
Price: Included in course price
Det aller meste av det beste byrjar med ein god start. Det gjer også eit folkehøgskuleår
Etter tre-fire veker på skulen sjekkar du inn på vakre Orreneset Leirstad i Sykkylven, midt mellom bre, fjell og fjord i Sunnmørsalpane. Der kan du gå på fjelltur, ta eit morgonbad, sove i hengekøye, spele fotball og volleyball, padle, ete god mat og avslutte ein fullspekka dag i fred og ro framfor leirbålet.
Høgdepunktet for mange er likevel turen inn Geirangerfjorden i eigen sightseeingbåt. Då får du sjå dei verdskjende fossane og dei stupbratte fjellsidene på nært hald. Du får også med deg ein tur opp til den spektakulære fjellgarden Skageflå. Det er på sånne dagar du forstår kvifor cruiseturistar frå heile verda har Geiranger på si bucket list.
På denne turen får du god tid til å betre kjend med dei nye klassekameratane dine. Når du kjem attende til skulen har du lært fleire namn og fått fleire nye venner enn du trudde kunne vere mogleg på få dagar.
Pudderjakt på Bjorli
Mandatory: Yes
Price: Included in course price
I mars flyttar vi heile skulen til fjells på jakt etter laussnø og gode skiopplevingar
Bjorli Skisenter er eit av dei mest snøsikre stadene i landet og byr på nydeleg skikøyring i dei elleve nedfartane. Her er løyper med variert vanskegrad - alt frå ein fem km lang nybyrjarvenleg rundløype til ein utfortrase rekna på Europacup-køyrarar som har det veldig travelt.
Bjorli byr også på fin, heisnær skogskøyring om du er av dei som likar det best. Her er små klippar du kan droppe frå, og dette er ein flott stad for å oppleve trygg og lett tilgjengeleg offpiste-køyring.
Dette er sosiale dagar med mykje skiglede i løypene, i parken, i laussnøen eller i solveggen utanfor varmestova. På kveldstid ventar god mat og like god underhaldning på Bjorliheimen som er eit tidlegare hotell. Og har du meir energi til overs, er det også mogleg å få seg ein treningstur i supre langrennsløyper.
Dette er kort oppsummert ei veke som dessverre er over alt for fort!
Gøy-på-landet
Mandatory: Yes
Price: Included in course price
På slutten av skuleåret pakkar vi soveposar og lavvoar og lagar vår eigen festival på ein bondegard.
Hakallegarden er ein opplevingsgard som har besøk av titusenar av turistar i løpet av eit år. Ei lita veke i slutten av april er det vi som tek over drifta av staden. Då er det til dømes du som skal stelle og fòre alpakkaen, påfuglen, eselet og miniatyrhestane. Og det er du som skal køyre Gråtass-traktoren.
Men festivalen er mykje meir enn berre dyrestell og gardsarbeid. Her er det mogleg å velje workshops der du kan padle på storhavet, segle i nordavinden, fiske frå ei 40-fots fiskeskøyte, vere med på RIB-turar, tove ull, lage batikk t-skjorter, flette eiga hengekøye, stisykle eller ete indrefilet steikt på bål i ein kjele med sand.
På ettermiddag- og kveldstid er det cowboyfest og linedance, kulturaften, konsertar, barbeque og konkurransar i bæring av staur, hesteskokasting og bogeskyting. Trøytt og utslitt går du og legg deg i soveposen i ein lavvoleir med plass til 120 medelevar.
Det er dette som er “Gøy på landet”.
The school has the YMCA-Mission and Christian anthropology as basis for the teaching. Our main subjects are: * Sport.Ballplay * Outdoor life (Multisport) * Water & ski * Music *Golf. You can travel to Ulsteinvik by airplane, bus and boat.
The Christian folk high schools are built on Christian values. They are owned by, or associated with, Christian organizations or denominations. They encourage students with different interests and beliefs to apply.
