Til hovedinnhold
Ledig plass

Vi lovar dagar med flyt, anten du er freerunner, tricker, buldrer, jibber, turner, dødser, klippehoppar, eller berre generelt gira.

Din nye leikeplass er ein splitter ny turnhall rett ved skulen. Her finn du tumblingmatter, trampoliner og skumgrop der du kan jobbe inn nye triks. I tillegg blir det workshops og jams i ulike  trampolineparker og med gjengen i Oslo Parkour Park.

På vinteren ventar Sør-Afrika med fallskjermhopp, kitekurs og verdas lengste strikkhopp på 216 m. Når snøen kjem, pusher du på Strandafjellet Skisenter. I Hoddevika surfar du grøne bølger og i Skatehallen legg du ut ein edit frå din fyrste kickflip.

I bygda sin ny klatrehall kan du henge så mykje du vil på fritida. Og hvis du er gira på stuping står eit nytt badeland og ventar på deg. Her bygger du grunnlag for å dødse med ein verdsmeister på slutten av året. Du veljer høgda og ambisjonsnivået, ho gjev deg tipsa. Det er ein bra deal. 

Nokre av dagane vil du vere saman med skulen sin idrettsklasse og vil kunne velje linjeopplegg ut i frå dine interesser. Dermed får du både variasjon, fleire klassekameratar og det beste frå den linja også.

Neste stopp: Location Sunnmøre!

Sør-Afrika | Fallskjerm | Oslo Parkour Park | Parkour | Freerunning | Tricking | Jibbing | Stupetårn | Dødsing | Klippehopp | Akrobatikk | Kitekurs | Calisthenics | Skatehall | Surfing | Klatring | Buldring | Via Ferrata | Crossfit | Turnhall | Trampolineparker | Ballspel

Sjekk ut YouTube-kanalen
Sjekk ut skulebrosjyra på nett

Studietur: Sør-Afrika

Obligatorisk: Ja

Pris: Inkludert i linjepris

Måltider pr dag inkludert: 3

Cape Town har alt; natur, religion, kultur, historie, mat, menneskemøter og ekstremsportaktivitetar.

Sør-Afrika er for mange det ultimate reisemålet. Cape Town er lokalisert på sør-vestspissen av det afrikanske kontinentet, mellom Det indiske hav og Atlanteren. Byen er gjennom århundra ein stoppestad på reisa mellom Europa og Asia. Sørpolen er berre ei lang båtreise unna.

På denne turen vil fokuset til dømes vere på apartheid, globalt medborgarskap og aktivitetar som workshops, fallskjermhopp, surfing, golf, parkour, safari og verdas høgaste strikkhopp på 216 meter. Det er også tid til eit vertsfamiliebesøk med overnatting og ein tur innom fengselscella til Nelson Mandela på Robben Island.

Fleire ulike linjer reiser til Sør-Afrika. Innhaldet vil variere frå linje til linje og bildeserien under vil difor ikkje vere heilt representativ for alle linjene. Du finn meir info om turopplegga på dei ulike linjesidene på sunnmore.fhs.no.

Studietur: Oslo Parkour Park

Obligatorisk: Ja

Pris: Inkludert i linjepris

Det blir workshops, kurs og jams med gjengen i Oslo Parkour Park. 

Studietur: Døds-med-ein-verdsmeister

Obligatorisk: Ja

Pris: Inkludert i linjepris

Asbjørg Nesje er meir enn ein verdsmeister. Ho elskar også å lære bort det ho kan, anten du er nybyrjar eller spinnvill.

I trygge og rolige forhold skal du prøve deg i det nye badelandet i Ulsteinvik. Her vil du lære grunnleggande ferdigheiter i ein pedagogisk setting som gjer at du tørr meir enn du trudde på førehand. Bassenget er forøvrig til fri bruk på fritida om du er medlem i skulen sitt KFUK-KFUM-lokallag (150 kr per skuleår).

Når du er klar for meir, ventar klippestup frå små og store klippar i skjærgarden utafor vindauget. Seinare på året tek du turen til Ålesund der du får testa ein 7-meter og i Oslo står du kanskje på 10-aren for aller fyrste gong. 

Det er no, etter eit år med øving i basseng og turnhall, at du er klar for treffe Asbjørg. Du veljer høgda og ambisjonsnivået, ho gjev deg tipsa. Det er ein ganske god deal!

Nysgjerrig på Asbjørg: Sjå 6:50 ut i denne filmen...

Skiveke

Obligatorisk: Ja

Pris: Inkludert i linjepris

I mars flyttar vi heile skulen til fjells på jakt etter laussnø. For mange er dette eit stort høgdepunkt. På dagtid køyrer vi ski eller snowboard og legg gjerne inn ei langrennsøkt. På kveldstid ventar det god mat og like god underhaldning. Dette er ei veke som dessverre er over så alt for fort!

bildetekst

Safari.Sunnmøre

Obligatorisk: Ja

Pris: Inkludert i linjepris

Dei beste fellesopplevingane kjem ofte når vi er på tur saman. Difor har vi tilsaman 14 dagar på fellesturar.

Vi startar året med ein opningstur i Sunnmørsalpane. I løpet av året har vi også turar til Ålesund og fuglefjellet på Runde. I mars har vi ei skiveke på Bjorli, før året avsluttast med ein tur til opplevingsgarden «Hakallegarden». Her fyller vi dagane med seminar, dyrestell, cowboyfest, liveband, BBQ og fjellturar. Vi trur du vil like det.

bildetekst

Håkon Igland

Lærar - Parkour.Idrett (ny lærar 23/24)

I ung alder tok Håkon ein trippel salto og landa litt frampå i eit badekar med Møllers Tran. Etter det har han aldri blitt eldre, bare enda mer gira på parkour. Merkelig nok har han også masse tid til klatring, paragliding, jibbing, skating og alle andre «-ing»-ting. 

Epost: haakon_igland@hotmail.com
Telefon: 97099626

Det finst nesten ikkje vanlege veker på ein folkehøgskule. Til det er det for mykje som skal gjerast på kort tid. Nokre veker er vi på studieturar. Andre perioder har vi musikalprosjekt og skiveke eller vi flyttar heile skulen ut på landet og lager vår eigen festival på ein opplevingsgard.

Litt struktur er det likevel i kvardagen. Under finn du eit døme på det næraste vi kjem ei gjennomsnittsveke.

Last ned timeplan som pdf ↓

Folkehøgskulelivet, og for så vidt livet generelt, liknar på Sunnmørsalpane - det går opp og ned. Det fine er at du møter dagane med gode vener i ein heilt annleis skulekvardag enn det du er van med frå tidlegare. Faga er færre og fridomen er større. Det gjer året ulikt frå veke til veke.
Kva som blir ditt høgdepunkt i året gjenstår å sjå...

Last ned årsplan som pdf ↓

I løpet av skuleåret kan du velge mellom 35-40 valfag som alle er inkludert i skulepengane. Nokre av dei er på tre timar, andre ein heil dag. Då kan du lære nye ting eller gjere meir av det du likar best. Slik kan du sette saman ditt eige år. NB: Tilbodet kan variere noko frå år til år.

Ballspel

Det er lite som er så gøy som ei knallhard ballspeløkt med gode lagkompisar. Dei får du mange av, anten du er mest gira på volleyball, futsal, basket, innebandy eller andre ballaktivitetar.

Band/vokal/studio

Her kan du utfalde deg i samspel med andre på ulike instrument innanfor tradisjonell pop/rock-besetning. Undervisninga foregår i heilt nye øvingslokaler med eige studio og Mac'ar klar til bruk.

Barista

I skulen sin eigen vesle kaffebar kan du lære meir om prosessen frå kaffebønne til kaffekopp. Det blir tid til både espressobaserte drikkar, handbrygg, Latte Art og besøk på kaffebrenneri.

Dans

Skulen har mange gira dansarar. I dette valfaget kan du få terpe trinn, lære nye bevegelsar og oppleve danseglede. Dansestilane er til dømes hiphop/funk og jazz/contemporary.

Filmproduksjon

Eit folkehøgskuleår er spekka med opplevingar. Nokre av dei lagrar du på netthinna. Andre festar du til film. I dette faget lærer du korleis du kan jobbe med opptak, redigering og etterarbeid.

Fotball

Eit fag med mykje leik med ball og sjølvsagt mykje spel. Gjennom øvingar og spelsituasjonar får ein utvikle seg sjølv og samstundes evna til samspel med andre. Læraren har erfaring frå 1. div-spel.

Friluftsliv, topptur vinter

Dette er faget for deg som er glad i toppturar på ski eller brett. I løpet av vinteren/våren går vi på ei rekke kjende, kvasse og spektakulære toppar i Sunnmørsalpane - så lenge forholda tillet det.

Friluftsliv/segling

Her vil du segle nokre av dagane. Andre dagar kan du klatre, padle kajakk, gå på fjellturar eller lage mat på bål. Dette er eit fag for deg som har lyst å oppleve meir av både sunnmørske fjell og hav.

Frå Jord til Bord

Bli med litt vidare i kokkekunsten. Det blir hausting av frukt og bær, fermentering, sylting, behandling av fisk og partering av kjøt. Det heile avsluttast med å lage ein nydeleg kombucha-drikk.  

Futsal

Futsal er innefotball i gymsalen med høgt tempo, harde taklingar, leikne detaljar og kjappe finter. Økta består av noko øving og mykje spel. Lærar Per Bernt har erfaring frå 1.div-spel.

Gitar

Dette er eit nybegynnarkurs i gitar. Her lærer du nokre sentrale akkordar og litt om korleis akkordar er bygd opp. Læraren er i norgestoppen som allsanggitarist. Betre vegleiar finn du ikkje.

Golf

Golf-faget passer både for den etablerte golfar og for deg som aldri har rørt ei golfkølle. Her trenar vi teknikk (grep, sving og oppstilling) på driving rangen, putting greenen og den lokale bana.

Hybelmat

Lær deg herlege rettar til studentlivet. Her kan du plukke opp gode middagstips. Vi lagar mat etter prinsippet sunt-godt-billeg. Etter faget kan du kanskje imponere som kokk til kvardag og fest.

Innovasjon og Design

Dette er for deg som likar å leike, utforske, skape, utvikle, bygge, teste, fikse og lage prototypar. Her finn du 3D-printerar, laserkutterar, elektronikklab, vr-briller, robotar og mykje meir.

Klatring

Klatring i ny klatrehall, på utendørs klatrefelt eller på buldresteinar på Flø. Målet er grunnleggande sikrings- og bevegelsesteknikkar. Det blir lagt tilrette til å gå opp til brattkortprøva.

Knivlaging

Her får du designe ditt eige knivskaft, tilpasse og utforme det slik at det passar til bladet. Til slutt lage ei lærslire som passar til den ferdige kniven. Så kjapt har du din eigen kniv og slire.

Kreativ foto

Du lærer komposisjonsmessige og fototekniske grep for å ta bedre bilder. Det blir jobba med motivvalg og ulike teknikkar. Tema vil vere naturfoto, portrett og motefotografering.

Kvilepuls

Nokre gongar går verda for fort. Då er det lurt å lære korleis du kan roe ned tempoet. I faget blir det varierte økter med yoga, spa, strikking, bålkos, maling, musikk, massasje, basseng og god mat.

Longboardverkstad

Lag ditt eige longboard. Vi formpressar og limer saman finèr til brett. Deretter byrjar designprosessen i forhold til form, uttrykk og funksjon - og til slutt bruk av lakk og maling.

Maling

Vi malar på lerret med akrylmaling. Vi jobbar med billedkomposisjon, fargebruk, trykkteknikkar, behandling av verktøy, collage og decoupage, din eigen kreativitet og enkel photoshop.

Mat på bål

Lyst på pizza steikt på bål i ein kjele med sand? Eller lammelår tilberedt i ei kokegrop halvmeteren under jorda? Eller kanskje mørbrad pakka i deig og steikt rett på bålet? God fordøyelse!

Maxpuls

Eit praktisk fag der du får køyrd deg åleine eller i grupper. Du vel sjølv fordjuping: styrke, uthald eller crossfit. Gratis treningssenter 50 m frå skulen og gode løpestiar rett utafor døra.

Minnebok

For mange er eit år på folkehøgskule det beste året i livet. Då er det viktig å ta vare på minnene. I dette faget kan du vere med å fylle skulen si minnebok med ord og bilder og påvirke utsjånaden.

Parkour

500 meter frå skulen har det dukka opp ein splitter ny turnhall med trampoliner, tumblingmatter, Airtrack og skumgrop. Der vil du lære deg nye tricks av Håkon Igland, lærar på Parkour-linja. 

Piano

Du får opplæring i piano med vekt på besifringsspel. Vi har mange piano på skulen, både el og akustiske. Det ligg difor til rette for at du kan halde fram med å øve lenge etter at timen er over.

Redesign

Vi startar faget med eit besøk på Fretex (gjenbrukbutikken). Her kjøper vi plagg og brukte kle som vi etterpå designar og syr til eigne, nye kle. Vi kan òg jobbe med møblar, lamper og liknande.

Sjakk

Tidlegare har du spelt nettsjakk eller saman med vener, men no er tida inne for å ta det eit skritt vidare. Fokuset blir på opnings- og sluttspel og målet er at du skal utvikle spelferdigheitene dine.

Skating

Møre Skatehall er ein perfekt leikeplass! Her har du 500 kvadratmeter å boltre deg på. Du finn to ramper og ein street-del. Ein av timelærerane, Johannes Aukan, har forresten vore med i X Games. 

Skriveverkstad

Gira på å auke skrivelysta di? Maria Parr, forfatteren av Vaffelhjarte og Tonje Glimmerdal, er klar til å hjelpe deg med det. Ho lovar store mengder med skriveglede, uansett nivå. 

Squash

Skulen har ein lærar som er ein råtass i squash, og 50 meter unna skulen ligg squashbanene. Det er ein bra kombo. Fokuset er på slagteknikk og spilleforståelse, og framgangen ser du frå økt til økt.

Stop poverty

Kvart år samlar elevane inn pengar til eit prosjekt i Ilula i Tanzania. Førre skoleår kom det inn nær 650.000,- kroner. I dette faget kan du vere med å planlegge og gjennomføre det elevstyrte arbeidet

Teatersport

Her skal du leike og le, improvisere og dramatisere. Du lærer grunnleggande reglar i teatersport der både skodespelarar og publikum spelar ei aktiv rolle. NB: Du bør ikkje ta deg sjølv så høgtideleg!

Terrengsykkel

10 fatbikes står og venter på deg som likar å sykle i eit spektakulært fjell-møter-hav-landskap. Det er også flotte, tekniske stiar i nærleiken. Lærar Henrik har vore svensk landslagskøyrar i Trial.

Vokalgruppe/kor

I vokalgruppa syng vi fleirstemte songar i ulike musikalske sjangerar som f.eks pop, jazz, musikal eller klassisk. Kanskje vert du utfordra til å vere solist eller dirigent på ein minikonsert.

Volleyball

Det vert fokus på teknikktrening, mykje spel og innlæring av ulike roller i angrep og forsvar. Det er eit fag der du kan få stor framgang lagmessig og individuelt. På våren deltek du på ei turnering.

Volontør

Her står omsorg i sentrum! Det blir møter med menneske frå ulike samanhengar i nærmiljøet til skulen, på heimebesøk hjå gamle og opplegg saman med flyktningar og einslege asylsøkjarar.

X-fit

X-fit er inspirert av treningsforma Crossfit og er ei variert og funksjonell trening, utført med høg intensitet. Du trener både styrke og kondisjon, og X-fit er god basistrening - uansett idrett.

Yoga

Eit fag der fysisk aktivitet og mindfullness møter kvarandre. Du får øvelsar som gjev styrke, fleksibilitet, balanse og avspenning, ro og nærvær. Yogastilane vil vere ashtanga, vinyasa og yin.

Ein av Noregs finaste folkehøgskular er eit tidlegare SAS-hotell. Hav, fjordar, strender og Sunnmørsalpar er våre næraste naboar. Det er difor klatrarar, musikarar, filmskaparar, surfarar, skikøyrarar, kunstnarar og friluftsfolk kjem reisande hit frå fjern og nær. Dei vil oppleve noko vilt, vakkert og ekte. 

Linjer ved skulen

Les mer om skolen

Fra kr 137 500,-

Inkludert

  • Undervisning
  • Mat og rom på skolen (romtype: dobbeltrom)
  • Bad på rommet
  • Studietur: Skiveke
  • Studietur: Safari.Sunnmøre
  • Studietur: Sør-Afrika
    • Mat (3 måltider per dag)
    • Visum
  • Studietur: Oslo Parkour Park
  • Studietur: Døds-med-ein-verdsmeister
  • Internett
  • Vaskemaskin
Minimumspris for linja 137 500,-

Du kan legge til (Huk av og se hvordan det påvirker prisen)

Lån og stipend

Summen du må dekke selv 137 500,-
(13 750,- per måned)
Vår betalingsplan er i stor grad tilpassa utbetalinga frå Statens lånekasse.
Når du takker ja til skoleplassen må du betale et administrasjonsgebyr på rundt 2500 kroner. Resten av summen betaler du månedsvis gjennom skoleåret. Nærmere informasjon får du fra skolen.

Husk at du også trenger penger til dette

Søk på linjaMeir om skulenSkulen si nettside

Frå bloggen

- Vi er kjempeheldige! Koronasituasjonen er i seg selv et argument for å velge folkehøgskole

Mens andre ungdommer føler seg alene og isolert med digital undervisning, er årets folkehøgskoleelever heldige. Birte mener det i seg selv er et argument for ...

Les meir på bloggen ▷

Få gratis skolekatalog i postkassa!

Få katalog med full oversikt over alle folkehøgskoler i posten. Bli kjent med skolene i ro og mak, og diskuter med venner og familie!

Bestill katalogen

Linjer som liknar denne

X-Sports - New Zealand

Valdres folkehøgskole
Ledig plass
HeilårskursKristen

LinjeX - Action

Idrettsskolen Numedal folkehøgskole
Ledig plass
Heilårskurs15 t/ukeFrilynt

FIX Friluftsliv Extreme

Sagavoll Folkehøgskole
Ledig plass
Heilårskurs15 t/ukeKristen

Adrenalin

Hurdal Verk folkehøgskole
Ledig plass
HeilårskursKristen

Sport Extreme Australia/Europa

Bakketun Folkehøgskole
Ledig plass
Heilårskurs17 t/ukeKristen

Flylinja

Stavern folkehøyskole
Ledig plass
Heilårskurs15 t/ukeKristen

Bucket List Action

Rødde folkehøgskole
Ledig plass
Heilårskurs16 t/ukeKristen

Trening fallskjermjeger

Rødde folkehøgskole
Ledig plass
Heilårskurs16 t/ukeKristen

Ekstremsport på Reisefot

Seljord Folkehøgskule
Ledig plass
Heilårskurs15 t/ukeFrilynt

Backpacker/Ekstremsport

Elverum folkehøgskule
Ledig plass
Heilårskurs14 t/ukeFrilynt

Ekstremsport

Voss folkehøgskule
Ledig plass
HeilårskursFrilynt

Friluftsliv Extreme

Karmøy Folkehøgskule
Ledig plass
Helårskurs B6 t/ukeFrilynt